YEREMIA 17:5 - Susula Malalaok Hehelu Palak Ma Hehelu Beuk

⁵ Manetualain nafa'da nae, “Metema hataholi la'o ela Au, fo ndia Manetualain-na, fo namahena neu ka'da hataholi daebafak-ka boema nasalai dean-na neu ka'da be'i-balakain soona, neukose Au huku.

YEREMIA 17:5 ပူးပေါင်းရင်းမြစ်များ

2TAWARIKH 16:12

Asa paleta neu teu kateluhulu sio-na boema, ana hapu he'di belak nai ein duas. Leomae leondiak boe, ana ta sanga tutulu-fafalik neme Manetualain mai fa, te noke neme dotel-la mai.

2TAWARIKH 32:8

Ndia namahena hataholi daebafak-ka be'ibalakain, tehu ita tamahena neu ita Manetualain fo Ana tulu-fali ma natee-natati nggati ita.” Laun-na lamanene sila manen-na hala-kokolan ndia boema, lapalani.

MAZMUR 18:21

Manetualain balas au tatao-nono'ing fo ndoos-sa; Ana ba'e-pala au, nana au salang ta.

MAZMUR 62:9

Hai au leoinang-ngala lemin, mamahele neu Manetualain tunga faik, po'a la'iesak o dudu'a-aafim neun nana ita mamana nasulu-nahapan-na, nde Ndia.

YESAYA 2:22

Da'di, boso mamahena neu hataholi daebafak fo, manasapu-manalalok-ka, nana ndia belin ta.

YESAYA 20:5

Hataholi fo lasalai dean-nala neu Sudan, ma lamatutua-lamadedema Masir-ra, neukose dalen-nala ba'ihana, ma namahehenan-nala, lakalulutuk.

YESAYA 36:6

Memak, o mamahena Masir tutulu-fafalin, tehu ndia sama-na leo o pake fii doon-na, da'di aitete'ek; – mahani te, neukose aitete'ek ndia la'din, fo ana pau o limam-ma. Leondiak boe, ba'eneu basa hataholi fo, lamahena neu manek Masir-ra.’ ”

YESAYA 59:15

Ta hapu hataholi dale ndoos so'on, ma see kande, nadook aoinan-na neme tao-nono'i mangalauk-ka mai soona, ndia nde da'di tatao-nono'i mangalauk-ka, paa nana'an-na.” Manetualain nita basan so, de Ana ta namahoko, nae ta hapu ndoos ma matetuk so'on.

YEREMIA 11:3

Au, fo Israel Manetualain-na, soo-supa neu see ndia fo ana ta nau tunga Au hehelu-hoholong dia eno-dalan fa.

YESKIAL 6:9

nai naa, ala laso'da nai mamana tu'u-tapak dalek. Boema, neukose ala lafandele neu Au, boema ala bubuluk, lae Au huku sila, ma Au akamumulu-akamamaek sila, nana sila dalen-nala, ta lilineka loo Au fa. Ala la'oela Au, de ala hele sosongo-tatangok-ka nggati Au so. Boema, neukose ala malua seluk aoinan-nala, nanahu basa tatao-nono'i mangalaun lala'en-na, ma tatao-nono'i ta kandaan-nala fa.

HOSEA 1:2

Lelek Manetualain, Ana kokolak makasososan-na no leoina Israel-la tunga au, Manetualain nafa'da nae, “Hosea, sao-ma ina manasosoa-piaok esa, fo neukose o anam-mala, ala da'di sama leo ndia boe. Au anang-ngala sama leo o saoinam ndia, nanahu ala ta lilineka neu Au fa, ma ala la'oela Au so.”