YEREMIA 17:4 - Susula Malalaok Hehelu Palak Ma Hehelu Beuk

⁴ Neukose emi fe heni ae fo Au fen neu emi ndia no laka-nakasetik, ma neukose Au tao-a emi makaluku-makatele neu emi musum-ma nai nusak fo te'e-te'e da'di nusa dea ba'eneu emi. Au tao basa sila-la lala'en-na, nanahu Au nasa-melung lua ponu-ponu sama leo ha'i fo nanapilak-ka fo ta hapu nakamate fa.”

YEREMIA 17:4 ပူးပေါင်းရင်းမြစ်များ

1RAJA-RAJA 9:7

soona neukose Au usiheni Au anang Israel neme nusak fo Au fe basan neu sila so. Neukose Au boeo la'oela uma ini fo Au aketu basan da'di mamana hule-haladoik neu Au. Neukose hataholi Israel-la nananakamumulu-nakamamaek ma nanahika-humek nai mamanak lala'en-na.

2RAJA-RAJA 25:21

fo nai Hamat dae paletan dale. Ala losa naa boema, ala tao doi-dosos, de basa boema, ala taolisas. Hataholi Yehuda-la, nanafook leme sila nusan-na mai, leo mamana ookak-ka neu-a, tutuin-na leondiak.

NEHEMIA 9:28

Tehu lelek nusan-na nee-nee lino-lino seluk, boema no lai-laik lasala-lasingo seluk. Boema O boeo fes leo musu manatuni-ndenik-ka neu. Tehu, lelek fo lame'da boema lasasale dale lanseli, laloo bebou neu O, fo loke soi-tefak. Boema O mamanene neme nusa so'dak-ka mai, de O tulu-falis do'e-do'e, nana O dale ma tu'da soaneus, ma O susue-lalaim ba'un-na seli.

YESAYA 14:3

Neukose Manetualain soi-po'i hataholi Israel-la leme he'di-laus ma tuni-ndeni-na mai, ma ue-le'di mabelaina, fo lakasetis ala taon.

YESAYA 30:33

Ana sadia basa mamanak soaneu hotu mane Asyur-ra, neme makahulun eli mai so. Mamanak ndia, madema ma maloa, ma henuk no ai ha'i. Neukose Manetualain tao napila ha'i-a, nenik Ana fuu ani hahaen-na neu, sama leo lee belerang-nga.

YESAYA 5:25

Manetualain namanasa leoinan-na. Naheheleaon basa, soaneu Ana hukus so. Neukose letek-kala langgengo; hataholi manamatek-kala popolan-nala besenggela-besenggali sama leo kadafuk-ka nai enok-kala lain. Tehu Manetualain bei namanasa, de neukose ka'da Ana huku.

YESAYA 50:11

Hai emi fo, nau tao soe hataholi fe'ek, neukose emi nanatao namate-namopok, hu kande emi dale tutu'u mesam-ma. Manetualain nde tao manada'dik ndia, neukose emi nanafepa-li'uk nenik fefepa-lili'u mabela.

YESAYA 66:24

Lelek ala la'o, neukose lita hataholi manalena-la'ban Au-a, popolan-nala. Neukose, ta mate ulek fo mana'a hataholi sila-la, popolan-na fa, ma neukose ta mate ha'i fo, mana'as-sala fa; naniluk esa, neni bibii-namatau matuaina, ba'eneu basa hataholi-la.”

YEREMIA 12:7

Manetualain nafa'da nae, “Au mamana leleong-ngaau ta tao afik neu fan, nusak fo da'di au nung-nga au la'o ela so'on, ma au anang-ngala fo Au sue-laik-kala, au fe heni basas leo musu-a liman dale neu.

YEREMIA 15:14

Neukose au tao-a sila da'di ata neu sila musun-nala nai nusa dea fo ala ta lalelak-kasa fa, nana au nasa-melung lua ponu-ponu sama leo ha'i-a pila lo'a-lo'a ma ta hapu nakamate fa.”

YEREMIA 16:13

Hu ndia de, neukose Au usi heni emi neme nusak ia mai fo Au tu'u emi leo nusak esa fo nai doon-na seli ba'eneu emi ma ba'eneu emi manamaten-nala. Nai na, lele'do le'dodaem neukose emi hule-haladoi neu lamatua daebafak fe'ek, de neukose Au ta sue-lai emi fa.’ ”

YEREMIA 18:23

Tehu O. Manetualain, O bubuluk la'i esak sila dudu'a-dodok fo soaneu labasa au samaneng-nga. Hu ndia de boso fe do'o-do ampon neu sila. Boso lose heni sila salan-nala. Fepa-li'us losa ala tu'u. Laka-makaseti neu sila nai O nasa-melum-ma dalek”.

YEREMIA 2:14

“Ade Israel ndia ata, do ata anan do. Tehu tao le'e de, ana da'di musu non-na paa nana'an?

YEREMIA 22:28

Au Yeremia afa'da ae, “Ade manek Yoyakhin ana da'di sama leo ule ba'ek fo nanatapa henik ma ta lahiik-kana fa do? Hu ka nde ndia de ndia no anan-nala nanausik ma nanatu'u-tapak lo nusak fo dook-ka ba'eneu sila do?”

YEREMIA 5:19

Tehu metema, ala latane lae, tao le'e de Au tao basa sila-la soaneus soona, hei Yeremia mafa'da leon, mae sama leo sila la'oela Au nai sila nusa mesan-na, fo da'di ata neu leoina fe'ek-kala lamatua daebafan-nala, leondiak boe, neukose sila da'di ata neu hataholi nusa dea-la, nai nusa fe'ek.”

YEREMIA 5:29

Tehu, Au, fo Manetualain, neukose hukus, nanahu basa ha'da-tataok sila-la; neukose Au balas leoina ia, tatao-nono'in-nala.

YEREMIA 7:20

Au, Manetualain Fo Mademaina, neukose Au po'a Au nasa-melu matuainang-nga neu uma makaluku-makatele ia, neu hataholi daebafak-ka ma bana-manu, boeo neu ai-la, ma daebafak-ka buna-boan. Neukose Au nasa-melung, ana pila lo'a-lo'a, sama leo ha'i fo, ta hapu taonisa fan.”

RATAPAN 1:12

“Hai hataholi manala'ok tunga enok-ka lemin, mete leon ma taoafik! Ade fefepa-lili'uk baba'un-na sama no besak ia au doidosok-ka, fefepa-lili'uk fo Manetualain tunin neu au, nanahu nasa-melun manapila lo'a-lo'an ndia do?

RATAPAN 5:2

Ami pusakam-mala tu'da leo hataholi fe'ek liman dale neu, hataholi nusa dea-la leo-la ami umam-mala.

YESKIAL 21:31

Neukose, Au kaluaheni Au nasa-melung fo, manalua ponu-ponung-nga neu emi. Neukose, Au fe emi leo hataholi fo, dale susue-lalai tak-kala neu, fo ala tao lamate-lamopo emi.

YESKIAL 7:24

Neukose, Au fe leoina nasa-melu mangalauk-kala mai, fo ala ho'i-la emi umam-mala. Emi hataholi palani tatibatum-mala, neukose ala dele bengge'be, metema Au po'ilotak leoina sila-la, ala tao lakalulutuk emi mamana huhule-haladoim-mala.

ULANGAN 28:25

Metema, emi ta tunga emi Manetualaim-ma fa soona, neukose Ana fe emi musum-mala, ala sengi emi. Neukose emi meu matee-matati no napalanik, tehu emi malai tu'u-fo'a. Basa leoina manai daebafak-ka, ala mete emi toto'a-sosotam soona, ala bii-lamata'u lanseli.