YEREMIA 17:3 - Susula Malalaok Hehelu Palak Ma Hehelu Beuk

³ ma nai letek-kala fo nai kota deak. Nanahu basa mamana nakaluku-nakatele sosongok-tatangok fo emi mapadedeik basan nai basa nusa lala'en-na, nanahu basa sala-singok fo emi tao-no'ik-kala, hu ndia de neukose Au tao emi musum-mala kalo leni basa emi hata-hetom-mala ma emi su'i-betem-mala.

YEREMIA 17:3 ပူးပေါင်းရင်းမြစ်များ

2RAJA-RAJA 24:13

Nebukadnezar tao nakalulutuk la'iesak, Mane Salomo-a taon-na basa hata-heto lilopilas soaneu Manetualain Uman-na. Boema ala ho'i leni la'iesak, hata-heto kabelik manai Manetualain Uman-na, ma manai uma manek-ka, leo Babel neu. Basa sila-la, ala da'di, fo nandaa no hata fo, Manetualain nafa'da nakahuluk-kana so.

MAZMUR 78:58

Ala tao lakahehe'dik Manetualain dalen-na, nenik mamana sosongo-tatangok, ma ala tao-la dalen-na susa nenik sila dodoki-dudulan.

YESAYA 27:9

Tehu, Israel sala-singon-nala, ka'da hapu do'o do ampon neun, mete ala loli lakalulutuk lamatua daebafak-kala, sama leo ha'o-a. Basa boomenik, ma lamatua daebafa Inak Asyera dulan-na, muse nanatao nakalulutuk boe.

YEREMIA 12:12

Hataholimai lamanako nai moo-solokaek selik fo nai letelepak-ka. Au fe natee-natatik-ka neu, soaneu tao nalutu basa nusak-ka, de nalosa ta hapu hataholi naso'da nai mole-dame-a dalek fa.

YEREMIA 15:13

Manetualain nafa'da neu au nae, “Neukose au haitu musu-a soaneu ho'i neni basa au anang-ngala su'i-beten-nala ma hata-heton-nala da'di lo huhukuk neu sala-singok fo sila tao basak nai nusak dale.

YEREMIA 20:5

Sila musun-nala boeo neukose Au po'ilotak-kasa ala kalo ma ala ho'i leni kota ia su'i-beten-nala, boema sila hata-heton-nala, nakalenak Yehuda manen-nala hata pusakan-nala leo Babel neu.

YEREMIA 21:13

Makabuin-na boema Manetualain nafa'da neu Yerusalem nae, “Hai Yerusalem! O mamamana madema lena heni bafa-bafak do manai o boboan kaisum-ma. O sama leo pupukuk batu fo namadema nai mok maselok-ka, tehu neukose au la'ben o. O mafa'da mae hapu hataholi esa boen hapusapun-na o, do ana titipa-sosoli o kota musum fa,

YEREMIA 26:18

“Lae nai lelek Hizkia da'di manek nai Yehuda, boema Nabi Mikha neme Moresyet nanduku-nalosak kokolak-ka nde ia, neme Manetualain Fo Manakoasa nae, ‘Sion nana foi-falak sama leo tina, Yerusalem neukose ana da'di batu ai madodouk, ma pupukuk Manetualain Uman-na neukose ana da'di nula.’

RATAPAN 1:10

Musun-nala loso leni la'iesak hata-heton-nala so. Nakalenak bai, ana muse mete ala masok Manetualain Uman-na, tatao-nono'ik esa, Manetualain kena-ka'in ba'eneu hataholi fo ta Ndia anan fa.

YESKIAL 16:39

Neukose, Au fe o leo, o tou susue-lalaim sila-la, fo ala tao latu'u o mamana sosoa-piaom-mala, ma o mamana sosongo-tatangom-mala. Neukose, ala loso-la, basa o bua papakem, ma o lilo-henum lala'en-na, nalosa o makahola-la.

YESKIAL 23:46

Manetualain Fo Mademaina, nafa'da nae, “Maloo-ma, hataholi malenalanga-masa'basook bubuak esa, fo ala fepa-li'u ma lamanako hataholi ka'a-fa'di ka duak sila-la.

YESKIAL 6:3

Madenus, fo lamanene ma ala taoafik neu hata fo Au, Manetualain Fo Mademaina, nafa'dan neu letek sila-la, neu pupukuk-kala, bafak-kala, ma bafak-kala boe. Tete'ek-ka, neukose Au haitua tafaina ne'i, fo ana tao nakalulutuk mamana sosongo-tatangok-kala.

IMAMAT 26:30

Neukose, Au tao akalulutuk emi mamana sosongo-tatangom-mala nai pupukuk-kala lain, ma Au tao akalulutuk emi mei tunu-hotum, fo mamanak tunu boomenik-ka, boema Au tapa emi popolam-ma leo emi sosongo-tatangom fo nakalulutuk basak sila-la lain neu. No maluak,

MIKHA 3:12

Hu kande emi tatao-nono'i mangalaum ndia, de neukose lakauuk Sion sama leo hadeoe, neukose Yerusalem da'di ai-batu madodouk, ma pupukuk fo Manetualain Uman-na, neukose ana da'di nula na'u-aiana.

ZEFANYA 1:13

Neukose, nakodaa-la kalo leni hata-heton-nala, ma ala tao lakalulutuk uman-nala. Neukose lafofo'a seluk uma, tehu ala ta leo fan. Neukose ala tao osi angol, tehu ta linu angol-la oen-na fa.”