YEREMIA 17:27 - Susula Malalaok Hehelu Palak Ma Hehelu Beuk

²⁷ Basa sila neukose ala da'di metema emi mamahele neu Au, ma tao fao sabat-ta da'di fai hehelik soaneu Au. Boso lu'a-lepa hata beek ndia boe tunga Yerusalem lelesu inan-nala nai faik ndia dalen-na. Metema emi la'o lena Au paletang sila-la soona, Yerusalem lelesu inan-nala ma uma manen-nala neukose Au hotu heni la'i esak-kasa ma ha'i ndia ta hapu nakamate fa.’ ”

YEREMIA 17:27 ပူးပေါင်းရင်းမြစ်များ

2RAJA-RAJA 22:17

Ala lasadea Au so, de ala tunu-hotu tutunu-hohotuk fe lamatua daebafak fe'ek-kala. Basa hata fo sila tao-no'ik-ka, ana tao nafo'a Au nasa-melung. Au amanasa Yerusalem, de Au nasa-melung ndia, ta bisa tenak fa.

2RAJA-RAJA 25:9

Nebuzaradan hotu heni Manetualain Uman-na, manek-ka, uma manen-na, ma basa hataholi nananita-nalelak manai Yerusalem-mala, uman-nala.

2TAWARIKH 36:19

Ana tao nakalulutuk kota Yerusalem-ma papala nanadaman-na, de ana hotu heni kota ndia, de Manetualain uman-na ma basa uma manek-kala sama-sama loo bua-lo'a kabelik fo bei manai uma manek sila-la dalek-ka, nanalekek nai dalek boe.

MAZMUR 122:7

Ela leo bee-na, hapu mole-dame nai o nusam dale, ma so'da-molek, nai o kota musum-mala dalek.”

YESAYA 1:20

Tehu metema, emi lena-la'ban Au soona, neukose emi mate nai natee-natatik dale. Au fo Manetualain, nde manakokolak-ka.”

YESAYA 1:31

Sama leo ha'ikaa anak esa, ana hotuheni ha'deaik-ka, leondiak boe, hataholi mana koasa-la, neukose sila tatao-nono'i mangalaun-nala, nde tao lamopo-lamates-sala, de ta hapu hata esa boen, bisa tao nate'e nakalulutuk ndia fa.

YEREMIA 17:24

Tunga basa Au paletang-ngala lala'en-na. Boso lu'a lepa hata beek ndia boe, tunga kota ia lelesu inan-na nai fai Sabat-ta. Tao fai sabat-ta da'di fai hehelik soaneu Au, fo boso tao-no'i hata nai faik ndia.

YEREMIA 17:4

Neukose emi fe heni ae fo Au fen neu emi ndia no laka-nakasetik, ma neukose Au tao-a emi makaluku-makatele neu emi musum-ma nai nusak fo te'e-te'e da'di nusa dea ba'eneu emi. Au tao basa sila-la lala'en-na, nanahu Au nasa-melung lua ponu-ponu sama leo ha'i fo nanapilak-ka fo ta hapu nakamate fa.”

YEREMIA 18:1

Manetualain nafa'da neu au nae,

YEREMIA 21:14

tehu neukose Au huku o nanahu o tatao-nono'im. Neukose au hotu heni o mamana manem-ma ma basa hata lala'en-na fo manai boboa-kaisun-nala neukose au hotu heni beo, Au, Manetualain, nde manakokolak-ka.”

YEREMIA 22:5

Tehu metema emi ta tao tunga Au paletang ia fa soona, Au soo-supa ae, neukose uma manek ia ana da'di batu-ai madodok. Au, Manetualain, nde manakokolak-ka.

YEREMIA 32:29

de hotu heni la'iesak basa-basas lo uma-la, te hataholin-nala tao lafo'a Au nasang-nga nanahu ala tunu boominik neu Baal-la ma ala di'a angol da'di leo tutunu-hohotuk ba'eneu lamatua daebafan-nala.

YEREMIA 39:8

Ndi te hataholi Babel-lala hotuheni manek-ka uma manen, ma laun-nala uman, ma ala tao latu'u Yerusalem papala nanadaman-nala.

YEREMIA 44:16

“Ami ta nau mamanene hata fo o mafa'dan neu ami pake Manetualain na'den-na fa.

YEREMIA 49:27

Papala nanadamak manai Damsyik kala neukose au hotu henis ma uma-uma manek manai Benhadad Au tao a aputus. Au, Manetualain manaho'u koasa nde kokolak.”

YEREMIA 52:13

Nebuzaradan de'de heni Manetualain Uman-na, uma manek-ka, ma basa hataholi nananita-nalelak nai Yerusalem uman-na.

YEREMIA 6:17

Boema Manetualain so'u manamanea la'inono'ik, fo fes nasanene'dak, fo ela lamanene pupuuk ta'du-tana liin-na. Tehu lafa'da lae, “Ami ta nau mamanene fa.”

YEREMIA 7:20

Au, Manetualain Fo Mademaina, neukose Au po'a Au nasa-melu matuainang-nga neu uma makaluku-makatele ia, neu hataholi daebafak-ka ma bana-manu, boeo neu ai-la, ma daebafak-ka buna-boan. Neukose Au nasa-melung, ana pila lo'a-lo'a, sama leo ha'i fo, ta hapu taonisa fan.”

RATAPAN 2:6

Ana tao nakalulutuk Uman-na ma Anan-nala mamana nakabubuan soaneu sene-do'ok neun. Ana tao-na hataholi-a nafandele heni fai Sabat-ta ma fai malole-la. Nanahu Manetualain namanasa nanseli, Ana ta sipok imam ma manek fa.

RATAPAN 4:11

Manetualain nasa-melun fo'a, de Ana hotu heni kota Sion-na, losa ta hapu sesee-bobolon fa.

YESKIAL 16:41

Neukose, ala hotuheni o umam-mala, ma ladenu basa inak-kala, mete o huhukum-ma. Neukose, Au tao ate'e o sosoa-piaom, nenik enok ndia. Neukose, o ta baba'e fe o tou susue-lalaim-mala, bua palsen so'on.

YESKIAL 21:15

Ana tao-na Au leoinang-nga mopo palanin-nala, de ala tu'u fo'a. Au fe nasanene'dak mahelek neu sila kotan-na, nenik tafaina fo isin-na, nangale'do sama leo ndelas-sa, ma naheheleaon fo nado'do-napau ndia.

YESKIAL 21:3

mae Au, Manetualain kokolak nae leo ia, ‘Au ia, emi musum-ma, Neukose, Au fe'a-a Au tafainang-nga, fo Au taoisa emi basam-mala, nau hataholi mangalauk, do hataholi malole boe.

YESKIAL 22:8

O tao manggenggeo, Au mamana huhule-haladoing-ngala, ma o ta taoafik neu fai Sabat-ta fa.

YESKIAL 23:38

Ma ta ka'da ndia fa. Sila boe, ala tao langgenggeo Au Umang-nga ma fai Sabat fo, Au aketu basan ndia so.

HOSEA 8:14

Hataholi Israel-la, lafofo'a uma manek-kala, tehu lafandele heni manamakadada'dik sila. Hataholi Yehuda-la, ala tao lamaba'u sila kota-kota makota musun-nala, tehu neukose Au akona ha'i-a mai, fo ana hotu heni sila uma manen-nala ma sila kotan-nala.”

AMOS 1:10

Hu ndia de, neukose Au haitua ha'i-a leo kota Tirus-sa papala-nanadaman-nala neu, fo na'a heni kota musun-nala.”

AMOS 1:12

Hu ndia de, neukose Au haitua ha'i-a leo kota Teman neu fo na'a heni Bosra kota musun-nala.”

AMOS 1:14

Hu ndia de, neukose Au haitua ha'i-a leo kota Raba papala-nanadaman-nala neu, fo na'a heni basa kota musun-nala. Nai lelek ndia, neukose lamanene musu nangguu mai, ma natee-natatik doto-doto sama leo ani-sangu.

AMOS 1:4

hu ndia de, neukose Au haitua ha'i leo Mane Hazael-la uma manen-na neu, ma Au hotu heni Mane Benhadad-ta, kota musun-nala.

AMOS 1:7

Hu ndia de, neukose Au haitua ha'i-a leo Gasa papala-nanadaman-nala neu, fo na'a heni kota musun-nala.

AMOS 2:2

Hu ndia de, neukose Au haitua ha'i-a leo nusa Moab-pa neu, fo na'a heni kota musu Keriot-ta. Neukose mate hataholi Moab-pala nai natee-nata'ti manadodolok-ka tala'da, nai lelek bei puu pupuuk-ka, ma eeki musu-a dolo-dolo.

ULANGAN 32:22

Neukose, Au nasa-melung lua ponu-ponu sama leo ha'i fo na'a losa daebafak-ka buin-na, Ha'i ndia na'aheni daebafak-ka no basa oe-isin lala'en-na, ma na'a losa letek-kala buin-na.

IBRANI 12:25

Hu ndia de, masanene'dak fo boso nalosak emi ta nau mamanene Ndia fo mana kokolak neu emi a. Sila fo ta nau lamanene Ndia fo mana maik leo daebafa ka mai, ma nanduku-nalosak halak maneme Manetualai na mai, ana ta bisa nalai fa. Mu'da hata no ita ia fo mana mamanene Ndia fo mana kokolak neme nusa so'da ka mai a. Metema ita ta nau tamanene fan soona, hapu nai bee ita bisa taladeak!