YEREMIA 17:22 - Susula Malalaok Hehelu Palak Ma Hehelu Beuk

²² Boso maue-male'di do meni hata beek ndia boe fo kalua neme o umam-ma nai fai Sabat-ta. Faik ndia fai hehelik soaneu Au, fo sama leo Au paleta basan u emi bei ba'i-kain-nala.

YEREMIA 17:22 ပူးပေါင်းရင်းမြစ်များ

NEHEMIA 13:15

Nai tepo-lelek ndia, au ita ae nai fai Sabat-ta, hataholi de'ubee nai Yehuda, ala ka'bi angol. Hapu nggelok seluk bai soona, ala fua gandum, angol, angol boak, kaa boak ma bua-lo'a fe'ek nai keledein-nala lain, de lenis leo Yerusalem neu. Au kena-ka'is fo boso lase'o nai Yerusalem.

KELUARAN 23:12

Nai mamasok esa dalen-na, emi bole maue-male'di faik nee dalen-na, tehu neu fai ka hitun-na, emi muse hahaeaom, fo ela emi bana-manum, emi atam-mala ma hataholi nusa dea fo manamaue-male'di fe emi-a, ala hapu hahaeaon-nala boe.

YESAYA 58:13

Manetualain nafa'da nae, “Fe ha'da-holomata neu fai Sabat-ta, sama leo Manetualain fain-na. Nai faik ndia, emi ta bole ito-ato emi paluum-ma fa. Tao faik ndia, da'di leo emi fai maua-manalem: fe ha'da-holomata neu Manetualain fain-na, nenik ta bole la'o leo su'di bee meu fa; boeo, boso maue-male'di, do kokolak dede'a manada'di tak.

YEREMIA 17:24

Tunga basa Au paletang-ngala lala'en-na. Boso lu'a lepa hata beek ndia boe, tunga kota ia lelesu inan-na nai fai Sabat-ta. Tao fai sabat-ta da'di fai hehelik soaneu Au, fo boso tao-no'i hata nai faik ndia.

YESKIAL 20:12

Au adenus fo, ala tao lalalao-lalalafu fai Sabat-ta, da'di leo ta'du-tana neu Au hehelu-balataang no sila, soaneu fes nasanene'dak, nae Au Manetualain, tao sila da'di Au ana heheling so.

YESKIAL 22:8

O tao manggenggeo, Au mamana huhule-haladoing-ngala, ma o ta taoafik neu fai Sabat-ta fa.

IMAMAT 19:3

Hataholi-a esa-esak, muse fe ha'da-holomata neu ina-aman, ma taoafik neu fai Sabat-ta, sama leo hata fo Au paletan. Au nde emi Manetualain.

IMAMAT 23:3

Hapu faik 6 soaneu naue-nale'di, tehu fai ka hitun-na, fai Sabat, de fai hahaeaok, fo faik ndia nanahele hehelik ba'eneu Manetualain. Nai faik ndia, emi muse makabubua, fo sene-do'ok, ma ta bole maue-male'di fa.

ZAKHARIA 1:4

Boso sama leo emi bei-ba'i kaim. Makahulun eli, basa nabi-la landuku-lalosak Au hala hehelung-nga neus, fo ela ala boso boe tao seluk tatao-nono'i mangalauk, ma tao sala-singok bai. Tehu ala ta lafaduli ma ala ta nau tunga Au fa.

LUKAS 23:56

Basa boema ala fali de ala sadia bunga-henasina ma mina kaboominik fo ala pisi neu Yesus popola na. Nai fai Saba ta ala hahae ue-le'dis, fo tao tunga agama hoholo-lalanen.

LUKAS 6:5

Boema Yesus nafa'da nae, “Ana Hataholi ka nanuu koasa neu fai Saba ta!”

NINITAK 1:10

Nai Lamatua ka fai na, Manetualain Dula Dale na koasa na au, boema au amanene halak matuaina kokolak nai au dea nga sama leo pupuu ka lii na.