YEREMIA 17:16 - Susula Malalaok Hehelu Palak Ma Hehelu Beuk

¹⁶ Ou Manetualain, tehu ta la'i esa boen fo au akaseti O fa, fo fe namate-namopok neu sila. Au boeo ta hii, fo ela susa-soe-a la'e sila fa. O bubuluk ndia so Manetualain. O bubuluk hata fo O mafa'dak-ka.

YEREMIA 17:16 ပူးပေါင်းရင်းမြစ်များ

YEREMIA 12:3

Ou Manetualain, tehu O malelak au. O mita beek-ka fo au tao-no'ik-ka, ma o bubuluk au dale maedaenga tao leo beek soaneu O. Tipa-soli hataholi-hataholi mangalauk sila la leo deak neu, menis sama leo bi'i lopo-a leo mamana dodo'dok-ka neu. Maneas losa fain-na losa soaneu sila nana do'dok.

YEREMIA 13:17

Metema o ta nau mamanene fa, neukose au kii amanininok. Au kii amatani neu O nakatutuam ndia no dale nameme'dak. Au lu'uoeng-nga nasalalalok nanahu Manetualain anan-nala nanafua sama leo hataholi nanafook.

YEREMIA 15:15

Boema au afa'da ae, “Manetualain, O bubuluk. Mafandele ma tulu-fali au dei. Balas sila fo manausi-a ma manantuni-ndeni au-a. Boso kala loak soaneu sila, te boso nalosak ala tao lisa au. Mafandendelek te nanahu O au nananakadadaek.

YEREMIA 18:20

Natetu-nanda malole-a nanabalak nenik mangalauk-ka? Tehu sila kali bolok, fo ela au tu'da leo dalek neu. Mafandele dei, te au asala'e sila nai O matam, fo ela O boso mamanasa neu sila.

YEREMIA 20:7

Manetualain, O fufu'di-oodok au de au nanafufu'di-oodok. O be'im-ma ba'u lena heni au, ma au akatele. Basa hataholi hakinonoli au, au nananakamu-nakadau neme fafain-na losa nosa.

YEREMIA 20:9

Tehu au afa'da nai au daleng dale ae, “Nemena fo ka'da au asanggango heni Manetualain, au ta nau kokolak unik ndia na'den-na fa,” boema O hala-hehelum-ma nono'kabai ha'i-a pila lo'a-lo'a nai au dale bobongon anang-nga. Au akatatakak so'bak-kana, te sekona au ta akatatakak ala fa.

YEREMIA 9:1

Malole lenak, au langang-nga sama leo oedolu, fo oe henun, ma au matang-nga da'di oelolok, fo ana faa nakandoo! Boema au kii lele'do-le'odaen, kii-makaleleu hataholi fo, ami leoina esa, de musu nok-ka taonisas.

AMOS 5:10

Emi makamuu-makadau hataholi fo ana la'ban ndoos ma matetuk-ka, ma manakokolak ndoos nai manakee-manafula matan.

HATAHOLI 20:20

Tolanoo kala bubuluk basa, au ta hiapenge tui-benga neu emi, hata fo masosoa-ndandaak ba'eneu emi. Au anoli emi nai mamana nakabua matua la, ma nai uma puni sa'e-sa'e kala.

HATAHOLI 20:27

Beita la'iesa fo au alai la'oela au bela-ba'ung boen, soaneu au afa'da mangalele'do emi, Manetualain dale tutu'un lala'ena fa.

2 KORINTUS 1:12

Ami mamahoko nana ami dale bobongoana ma natetea-nahehele ami nae, ami maso'dam nai daebafak ia, makasososa na ami tututi-nanatom mo emi a, ami makalala'ok basan no dale ndoos ma matetuk so. Ami tao basa sila la ta no hataholi daebafak manatee teno na fa, tehu no be'ibalakaik fo Manetualain fe ka.

2 KORINTUS 2:17

Ami ta sama leo hataholi makadotok, fo ala tao halak maneme Manetualain mai a, sama leo bua dangan. Ami dale tutu'u ma nde bee na neuisik, nana Manetualain nde ami. Ma Manetualain mesa kana nde nita ami manduku-malosak halak ndia da'dileo Kristus ata nala.

YAKOBIS 1:19

Tolano-tolanoo ngala lemin! Taoafik matalolole dede'a ka nde ia: Hataholi a, muse namanene no lai-laik, tehu kokolak koe-koe, ma boso hae lai mamanasa.

YAKOBIS 3:1

Tolano-tolanoo ngala lemin! Boso hataholi ba'u ka nai emi dalek, nau da'di mesen. Nana ela emi bubuluk te, laketu-lala'di hataholi mana da'di mese nala soona, bela na lena heni hataholi fe'e kala.