YEREMIA 17:13 - Susula Malalaok Hehelu Palak Ma Hehelu Beuk

¹³ Manetualain, O nde been-na Israel namahehenan-na, fo O anam-mala; fo basa manala'o ela O, neukose ala da'di manamaek. Neukose sila mopok-kasa neme daebafak ia mai de leu leo hataholi manamatek-kala daebafan-na neu. Nana, O nde been-na oe mata maso'dak, fo sila la'o elak-ka, Ou Manetualain.

YEREMIA 17:13 ပူးပေါင်းရင်းမြစ်များ

MAZMUR 22:4

Tehu O Manek Fo Malalao-malalafuk nanseli, fo Israel koa-kion.

MAZMUR 69:29

Nemen-na fo, sila na'den-na nanakoka henik neme susulak maso'dak-ka, dale mai; ma ta nanasulak nai hataholi manatao tunga ndoon-na, susulan dale fa.

MAZMUR 71:5

Nana au namahehenang-nga nde O ou Manetualain, Manetualain, au amahele O, neme tepo lelek, au muli-solung-nga.

MAZMUR 73:27

Hataholi fo, ana la'oela O-a, neukose ana hapu soe, O tao mamopo-mamate hataholi fo, ana ta lilineka neu O fa.

MAZMUR 97:7

Basa hataholi fo, manasene-do'ok neu sosongo-tatangok-ka, neukose nananakamumulu-nakamamaek, ma hataholi fo, dalen-na namatua neu bua-lo'as fo sosoa-ndandaan tak-kala; basa lamatua daebafak-kala, neukose ala sene-do'ok nai Manetualain matan.

AMSAL 10:7

Mafandele hataholi malole-a soona, ndia nalupa baba'e-papalak, tehu hataholi mangalauk-ka, nana nafandele henik no lai-laik.

AMSAL 14:14

Hataholi mangalauk-ka, neukose ketu-seu tatao-nono'i mangalaun-na buna-boan; tehu hataholi malole-a, neukose ana ketu-seu tatao-nono'i malolen-na, buna-boan.

YESAYA 1:28

Tehu hataholi masala-masingok fo manalena-la'ban Ndia paletan-na, neukose Ana tao namopo-namates, ma basa manala'o ela Manetualain-na, neukose Ana tao namopo-namates.

YESAYA 66:5

Mamanene hata fo, Manetualain nafa'dan, hai emi fo, manabii-mamata'u, ma tunga neun, “Hu kande emi lilineka neu Au boema, nai emi leoinam-ma dalek, hapu nggelok lakamuu-lakadau emi, ma ala ta nau leo-lapalasa lo emi fa. Ala hakinonoli emi, nenik lafa'da lae, ‘Nemen-na fo, Manetualain natu'du matua-mademan, fo ela ami mita, o namahoko-seteleem.’ Tehu sila mesak-kasa nde hapu mamaek-ka.

YEREMIA 14:8

Te'e-te'e O nde been-na Israel namahehenan-na, fo ana soi-tefan-na neme susa-soe mai. Tehu tao le'e de O sama leo hataholi nusa dea nai ami nusang dale, sama leo fui-a fo kada ana singo le'odaek esa, fo basa soona ana la'o.

YEREMIA 17:17

O boso da'di hata esa fo nakabibik au daleng-nga. O da'di mamana nafufunik ba'eneu au, metema totoa-tataak-ka mai.

YEREMIA 17:18

Sa'di bole manausi au-a, ma manatuni-ndeni au-a, O tao makamamaek-kana ma O tao mahenu dalen-na nenik bibi-namata'uk. Tehu boso tao leondiak ba'eneu au, O Manetualain. Muni fes mamate-mamopok neu sila losa sila lakalulutuk lanseli.

YEREMIA 17:5

Manetualain nafa'da nae, “Metema hataholi la'o ela Au, fo ndia Manetualain-na, fo namahena neu ka'da hataholi daebafak-ka boema nasalai dean-na neu ka'da be'i-balakain soona, neukose Au huku.

YEREMIA 19:4

Au tao dede'ak ndia nana loina ia la'o ela Au so. Ala tao langgenggengo mamanak ia nenik ala fe tutunu-hohotuk lo lamatua daebafak fe'ek-kala ba'eneu sila, ba'eneu sila bei ba'i-kain-nala, ma ba'eneu manek-manek manai Yehuda. Sila boeo ala tao hataholi sala taak-kala daan-na nai mamanak ia boe.

YEREMIA 2:13

Au anang-ngala tao sala-singok matak dua: ala la'o ela Au, fo oemata maso'dak-ka, de ala kali aon sila lifun-na, fo nde lifu fo, sama leo ule ba'ek-ka, fo oe ta nate'e nai dalek fa.”

YEREMIA 2:17

O nde tataom basa manda'dik manala'e o aoinam-ma, nanahu nai lelek Au hela-nole o nai leleo-lala'ok-ka dalek, o masadea Au, fo Amam Manetualaim-ma.

YEREMIA 50:7

Basa hataholi manamatongo no sila sapu las ma ala fe doidosok. Au anang-ngala musu-la lafa'da lae, ‘Beek fo ita tao ndia ta sala fa hu ka nde hataholi sila tao salak neu Manetualain. Bei-ba'ikain-nala lamahele neu Manetualain, boeo sila lamahele ka'da neu Manetualain.’

YESKIAL 13:9

Neukose Au huku emi, hai nabi-nabi fo, manakokolak dede'a-nafa'da elak pepekok-kala, ma malame'i hapu ninitak-kala! Emi ta bole masok leo Au anang-ngala nakabubuan-nala dalek meu, fo fe nakeketuk so'on. Emi na'dem-mala, nanakokahenik nai Israel susula ba'in-na dalek so, ma neukose, emi ta fali leo emi dae-oem meu so'on. Soona besak-ka, emi bubuluk mae Au nde, Manetualain Fo Mademaina.

YESKIAL 16:63

Neukose, Au fe ampon neu o salam lala'en-na, tehu neukose o ta hapu mafandele heni fan, ma neukose o mame'da mamaek, soaneu mafa'da su'di beek-ka. Au, Manetualain Fo Mademaina, nde manakokolak-ka.”

YESKIAL 36:32

Hai leoina Israel-la lemin, mafandendelek leona, te Au tao basa sila-la, ta hu kande emi fa. Emi muse mame'da bibii-mamaek, ma nananakadadaek, hu kande emi ha'da-tataom-ma. Au, Manetualain Fo Mademaina, nde manakokolak-ka.’ ”

DANIAL 12:2

Hataholi manamate basak sila-la ba'uk-ka, neukose laso'da falik; neukose nggelok hapu so'da manaketu basa taak-ka, ma neukose nggelok bai soona, nananakadadaek ma ala hapu toto'a-sosota matuaina fo manaketu basa taak-ka boe.

YOEL 3:16

Manetualain nangao neme Sion, fo Ndia leten lain mai, halan-na nadodolo neme Yerusalem mai. Hu Manetualain de, lalai-a ma daebafak-ka langgengo. Tehu neukose, Manetualain nasala'e nahele ma nasulu-nahapa Israel, fo anan-nala.

ZAKHARIA 13:1

Manetualain Fo Manakoasa, nafa'da nae, “Nai faik ndia, neukose oemata esa ana faa, fo ana tao nalalao-nalalau Dauk tititi-nonosin ma laun Yerusalem-mala, leme sala-singok ma sosongo-tatangok fo ala taok-ka.

ZAKHARIA 9:12

Fali leon, hai hataholi nanafook-kala lemin, besak ia, emi manuu namahehenak so. Fali me'um-ma leo emi mamana nasulu-nahapam meu, Neukose Au ba'e-pala ahele emi. Mamanene leona: Neukose Au ba'e-pala emi diku la'i dua nanahu basa doidosok lala'en, fo emi la'ola'din.

LUKAS 10:20

Leomae leondiak boe, boso mamahoko hu ka nde dula dale mangalau kala tunga emi paleta ma. Malole lenak emi mamahoko, hu ka nde emi na'de ma nanasulak nai susula maso'dak manai nusa so'da ka.”

YOHANIS 4:10

Tehu Yesus naen nae, “Leo uni ka o bubuluk Manetualain baba'e-babatin, boema o bubuluk see nde mananoke o oe ia soona, tao leo bee o, o nde moke masafali hataholi ndia oe, soona neukose Ana fe o oe maso'da ka.”

YOHANIS 4:14

tehu metema see ninu oe fo Au fe ka soona, neukose ana ta maa ma'da so'on, losa dodoo na. Nanahu Au fe oe ndia, neukose ana da'di oe mata nai aon dale, fo ana faa leo deak mai. Oe ndia nde nini so'da matetu ka, ma manaketu basa ta ka.”

HATAHOLI 28:20

Hu ndia de au nau atongo o emi, fo au kola-kola o emi nana au nanalangek hu ka nde Mana Soi-Mana Tefa fo leoina Israe la namahehena ka.”

1 TIMOTIUS 1:1

Timotius, au ana ndoong fo nai Lamatua ka dalek! Susulak ia, neme au Paulus, fo Kristus Yesus ana nadedenun. No Manetualain, fo ita Manen Mana Fe So'da na, ma no Yesus Kristus fo ita tamahehena ka paleta na, de au oke. Ela leo bee na, Amak Manetualain, ma ita Lamatuan Yesus Kristus, Ana fe baba'e-papalak, susue-lalaik ma mole-dame neu emi.

NINITAK 20:15

Hataholi fo na'de na ta nanasulak nai Susula Hataholi Maso'da ka dalek, nanatapak leo tasi ha'ik dale neu.

NINITAK 21:6

Boema Ana kokolak nae, “Basa so! Au nde Alfa ma Omega, fo makassososak ma mate'ek. Au nde Lamatuak neme Makasososak ma Makabuik. Basa hataholi mana maa ma'da kala, neukose Au fes linu hiik neme oe mata fo manafe maso'da ka.

NINITAK 22:1

Ata nusa so'dak ndia boeo natu'du au lee fo oe na ana fe maso'dak. Lee ndia mangadilak sama leo titino ka, ma ana faa neme Manetualain ma Bi'ilopo Ana ndia kandela mane na mai,

NINITAK 22:17

Manetualain Dula Dale na ma Penganten Ina ka lafa'da lae, “Mai leona!” Basa hataholi fo lamanene dede'ak ia boeo, muse lafa'da lae, “Mai leona!” See fo ana maa ma'da soona, ela leo bee na ana mai! Ma see fo nahii kana soona, ela leo bee na ana ho'i oe fo manafe maso'dak ndia no ta bae fa.

NINITAK 7:17

Nana Bi'ilopo Ana fo nangatuuk nai kandela manek ndia tala'da heo na, neukose Ana da'di sila manafoo na. Neukose Ana hela-noles leo oe mata manafe maso'da ka leu. Ma neukose Manetualain hali nama'da hataholi sila luu oe nala leme mata nala mai.”