YEREMIA 17:11 - Susula Malalaok Hehelu Palak Ma Hehelu Beuk

¹¹ Nonokabai manupui lu'u tolok fo ndia nuun ta ndia fa, hataholi fo ta manatao ndos-sa fa hapu hata-heton soona, tatao-nono'in leondiak. Ka'da nai fai keke'uanak mesak-kana neukose namopo basa hata-heton-nala. Nai so'dak fai makabuin-na te butin-na nae ndia hataholi fo nggoak nanseli.

YEREMIA 17:11 ပူးပေါင်းရင်းမြစ်များ

AYUB 20:21

Metema na'a soona, na'a heni la'iesak-kasa, hu ndia de, tetu-teman ta nakatatakak fa.

MAZMUR 49:13

Hataholi daebafak-ka, ta hapu naso'da nakandoo nai tetu-temak-ka dalek fa; ndia boeo neukose mopo-mate sama leo bana-manu-a boe.

MAZMUR 55:23

Fe o dale manaba'ihanam-ma neu Manetualain, soona neukose Ana tia-to'ba o; nana hataholi dale ndoos-sa, Ana ta po'ilotak-kana kala fa.

AMSAL 13:11

Su'i-betes fo hapun no mudak, neukose mopon no lai-laik; tehu hata-heto fo, nananakaduduluk faa-faa, neukose boetai namaba'uk-ka.

AMSAL 15:27

See sanga nanalak fo ta malole fa soona, ana tao nakalulutuk teidale-bobongin-na. See ta hii sipo doi sosolo dalek fa soona, neukose so'dan-na naua-nanale.

AMSAL 21:6

Su'i-betes fo hapun nenik enok tipu-daik-ka, mopon lai-lai, ma neni mamates fe hataholi.

AMSAL 23:5

Nana o hata-hetom, bisa mopok-kasa, ka'da nai hatematak esa mesak-kana, nono'kabai malidak, de ana laa sama leo manupui kaka'ka laa leo lalai neu.

AMSAL 28:16

Manakoasa fo, manatuni-ndeni hataholi fe'ek-ka, ta nanuu dudu'a-aafi neulauk fa; manakoasa fo, ana ta hii eno peko-pakik-ka fa, neukose ana paleta teu-teuk.

AMSAL 28:20

Neukose, Manetualain ba'e-pala, hataholi dale ndoos-sa, tehu, hataholi fo nahiik namasu'i lai-lai-a, neukose ta nala huhukuk-ka deak fa

AMSAL 28:22

Hataholi tene petak-ka, nahiik namasu'i lai-lai; tehu ta name'da nae nuu-taa hata-taak-ka, no lai-laik tunin-na aoinan-na fa.

AMSAL 28:8

See da'di hataholi kamasu'ik, hu kande ana ho'i bunak, ma ana ho'i nanalak makadotok nanseli soona, neukose su'i-beten, tu'da leo hataholi fo, nanuu dale kasian, soaneu hataholi nuu-taa hata-taak-ka, liman dale neu.

YEREMIA 22:13

Soe ba'eneu hataholi fo nafofo'a uman-na no make'di-mandiuk, ma ana tao namaloan no ta tao tunga ndoon-na fa. Soe ba'eneu ndia fo nadenu hataholi-la laue-laos-sa te nggadi tak.

YEREMIA 22:17

Tehu o, Yoyakim, fe'ek. K'da o sanga nanalak neu o aopam-ma. O tao misa hataholi fo ta nasala-nasingo fa, ma o tuni-ndeni laun-na nenik nasa meluk.

YEREMIA 6:13

Sila basa-basas, matua ana, ala sanga nanalak nenik eno ke'di-ndiuk. Nakalenak nabi ma imam boe, tipu-dai hataholi.

YEREMIA 8:10

Hu ndia de, neukose Au fe sila tinan-nala leo dae lamatua fe'ek neu, ma Au fe sila saoinan nala, leo hataholi fe'ek neu. Sila basa-basas, ana-matua, sanga nanalak nenik eno peko-pakik. Lena-lenak nabi-la ma imam-imam-mala boeo, ke'di-ndiu hataholi.

AMOS 3:10

Manetualain nafa'da nae, “Hataholi-la tao lahenu sila uma manen-nala nenik bua-lo'as fo ala hapus neme lumu-esek ma tatao-nono'i susue-lalai taak-ka mai. Lena-lenak ala ta tao tunga ndoon-na makandondook fa.

MIKHA 2:9

Emi usi heni inak manai Au anang-ngala dalek, neme uma susuen-na mai, ma emi loso-ma baba'e-papalak fo Au fen neu anang-ngala losa dodoon-na.

MIKHA 7:3

Basa-basas lalelak lanseli nai tatao-nono'i mangalauk-ka dalek. Manapaleta ma manakee-manafula loke doi sosolok, ma lasi nggolok-kala lakaseti laun-na tunga hihii-nanaun-nala, lalahalak sama-sama leondiak.

ZEFANYA 1:9

Neukose Au huku basa hataholi fo ala sene-do'ok, sama leo hataholi fo ta lalelak Au fa, ma sila fo lamanako, ma lanisa, fo ala tao lahenu sila malangan-na uman-na nenik bua-lo'a nakok-kala.”

ZAKHARIA 5:4

Manetualain Fo Manakoasa, nafa'da nae, soo-supak ndia, neukose Ana fen sa'e-na basa nakodaa-la, ma hataholi manasoo-supa pepekok-kala uman-na. Soo-supak ndia, neukose la'e nakandoo uma sila-la, losa ala da'di ai-batu madodouk.”

MALEAKHI 3:5

Manetualain Fo Manakoasa, nafa'da nae, “Neukose Au mai neu emi, fo aketu-ala'di. Neukose no lai-laik, Au da'di sakasii neu hataholi manasuangik-kala, manahohongek-kala, manasakasii pepekok-kala, hataholi fo ana ta bae natetu hataholi mana'a ngga'di-la, ngga'din-na fa, manatuni-ndeni faluina-anamaak-kala, hataholi nusa dea, ma neu basa hataholi fo ana ta fe ha'da-holomata neu Au fa.”

MATEOS 23:13

“Soe ba'eneu emi, fo mese agama la ma hataholi Farisi la lemin! Emi ia hataholi mana dea-dale kala. Emi mapanggengge hataholi soaneu ala da'di lima eik neme Manetualain hataholi kamahehele nala mai. Emi nde ta nau da'di lima eik neme Manetualain hataholi kamahehele nala mai fa, boema hataholi mana nau kala, emi mapanggengges. [

LUKAS 12:20

Tehu Manetualain nafa'dan nae, ‘Hei nggoa konei! Le'odaek ia boe, mate o, fo neukose see ka nde hapu basa su'i-betes fo o makadudulu mak sila la?’

1 TIMOTIUS 6:9

Tehu metema hataholi a nau namasu'i soona, ana tu'da leo sosoba-susu'dik dale neu, ana tu'da leo hihi'ik dale neu ma ana tu'da leo hihii-nanau nggoak mata-matak fo mana tao makalulutu ka, dalek neu.

TITUS 1:11

Hataholi matak leo sila kala, muse ko'o ketu bafa nala, nana ala tao lalutu uma lo ba'u ka, ninik sila nanoli manda'di taan sila la. Ala tao enok ndia nana, ala sanga nanalak leomae enok ndia nini mamaek!

2 PETRUS 2:14

Ala ta pela malua no tao sala-singo ka fa, ma ala hii mete inak no mata mana koteok. Ma hataholi fo besa ka namahele, fo namahehele na beita natea-nahele fa soona, leu fufu'di-oodo kasa. Hataholi sila dale nala, lateme no tenepeta ka so. Hataholi sila la nde bee na, hataholi nanasoo-supa basa kala so!

2 PETRUS 2:3

Hu ka nde mese masapepekok sila la tenepeta nala de, neukose ala tui emi, sila tutui manapopo'de-papai nala, fo tao ka nde ala hapu nanalak neme emi mai. Tehu sila huhuku nala, nanasadiak doo ka so, boema momopo-mamates fo nananaketu basak soaneu sila boeo, nahani mema kasa so.