YEREMIA 16:7 - Susula Malalaok Hehelu Palak Ma Hehelu Beuk

⁷ Ta hapu hataholi neukose tete'i loti ba'e fe hataholi manafaluk-kala. Nakalenak neukose ta hapu hataholi fo ana fen ninu neme nggala namahokok-ka nanahu inan do aman mamaten-na fa.

YEREMIA 16:7 ပူးပေါင်းရင်းမြစ်များ

AYUB 42:11

Basa Ayub ka'an-nala, ma feton-na, boema basa hataholi nalela palaan-nala, ala mai donge-daman, boema ala feta sama-sama lon, nai uman. Lafa'da lae sila boeo, tunga susa neu basa susa-soe lala'en fo, Manetualain fen neu Ayub, boema ala fen kokoe-nanasik. Sila esan-na, fe Ayub doik, ma ndeli lilopilas beke esak.

PENGKHOTBAH 4:1

Basa boema, au taoafik seluk neu ta ndoos ma matetuk lala'en fo ala da'di nai daebafak ia. Hataholi nanantuni-ndenik-kala kii, ma ta hapu hataholi nau tulu-fali fas. Ta hapu hataholi esa boen, nau tulu-fali fas, nanahu manatuni-ndenik sila, lanuu koasa matuaina.

YEREMIA 22:10

Hai hataholi Yehuda, boso dale-he'dis soaneu Manek Yosia mamaten-na. Te ka'da kii-mamatani neu Yoahas fo ana manen-na nana ala lon so de ana ta fali fa. Dae oen fo mamana fua funin neukose ana ta nita fa.

RATAPAN 1:9

Manggenggeon-na, nananitak no mangale'dok, tehu ta nafaduli, neukose hata da'di la'eneu aoinan-na fa. Tutu'dan-na ba'un-naseli, tehu ta hapu hataholi esa boen, kokoe-nanasi fan. Boema ana dokodoe susue-lalaik neme Manetualain mai, nanahu musun-nala sengi so.

YESKIAL 24:17

Boso nalosa o kii masakeke'du fo, hataholi namanene. Pake o fefeo langam-ma, ma pake o ta'bu eim-ma, boso poti ketu o mata-panam, ma boso mu'a loti fafaluk-ka.”

HOSEA 9:4

Nai nusak sila-la, neukose emi ta hapu tunu-hotu angol, ma tutunu-hohotu bana-manu soaneu tao mamahoko Manetualain Manakoasa dalen-na. Neukose emi nana'am-ma, ana tao-na basa hataholi mana'ak-kala, da'di langgenggeo, sama leo na'a nana'ak manai feta natoi mamates-sa. Nana'ak ndia, sosoa-ndandaan nde ka'da, soaneu tao-na emi makabete. Neukose, emi ta meni faaanak boen, leo Manetualain Uman neu, fo tunu-hotun nai naa fa.

ULANGAN 26:14

Au ta u'a tunu-hotuk ndia faaanak boen, nai lelek au falu mamates, do nai lelek au anggenggeo de, au ta leo nai uma dale fa, do au temfei leo mamates neu. Au tunga Manetualain so; basa hata lala'en fo, O paletan neu au-a, au tao la'iesak-kasa so.