YEREMIA 16:4 - Susula Malalaok Hehelu Palak Ma Hehelu Beuk

⁴ Neukose sila mates nana he'di-laus fo maneni mamates la'es ma neukose sila mates nai natee-natatik-ka dalek, do mates nanahu la'a-ndoes-sa. Neukose ta hapu hataholi esa boen kii namatanis do natotoi-natotonok fas. Neukose sila popolan-nala tongganggali samaleo pupuk-ka nai dae-a, ma manupui-la no bana makisu-makak-kala la'as.

YEREMIA 16:4 ပူးပေါင်းရင်းမြစ်များ

2RAJA-RAJA 9:10

Neukose, Izebel ta nananatoi-natonok fa. Neukose, busa manai nusak Yizreel-la, la'a popolan-na.’ ” Nabi muli-soluk ndia, kokolak basa dede'ak sila-la boema, ana leo deak neu, de nalai.

MAZMUR 78:64

Sila imam-mala, nanatao nisak nenik tafaina, inafalun-nala ta hapu kii-makaleleu fa.

MAZMUR 83:10

Taos sama leo hataholi Midian-nala, sama leo Sisera ma Yabin neme Lee Kison-na,

YESAYA 18:6

Neukose basa solda'dun-nala popolan-nala nanala'o elak, fo ala da'di manupui fai hanas-sala nana'an, ma bana makaak-kala nai fai makalinin-na.”

YESAYA 5:25

Manetualain namanasa leoinan-na. Naheheleaon basa, soaneu Ana hukus so. Neukose letek-kala langgengo; hataholi manamatek-kala popolan-nala besenggela-besenggali sama leo kadafuk-ka nai enok-kala lain. Tehu Manetualain bei namanasa, de neukose ka'da Ana huku.

YEREMIA 19:7

Neukose Au tao-a hataholi Yehuda-la ma Yerusalem laun-nala buna-boa taak-kala nai mamanak ia. Neukose Au po'ilotak sila nana tao nakalak neme sila musum-mala mai, ma nana tao nisak nai natee-natatik-ka dalek. Neukose Au po'ilotak manupui-la ma bana makaa-makisu-la la'a sila popolan.

YEREMIA 21:6

Neukose au isa basa kota ia laun-nala; leomae hataholi daebafak do bana-manu boeo, neukose mates nanahu he'di-laus fo mabela ina.

YEREMIA 25:33

Neu faik ndia te, hataholi-hataholi fo manataonisak neme Manetualain mai-a, neukose popolan-nala lalefu'ak nai basa daebafak-ka poin-na. Neukose nanaki-namatani tak, ma nanako'o tak soaneu nananatoik, te ka'da nanapo'ilotak nai dae sama leo hu'u-kadafu madodouk-ka.

YEREMIA 34:20

Neukose Au fe emi lo musu-a fo lahik tao lisa emi-a. Neukose manupui-la ma bana makisu-makak-kala la'a emi popolam-mala.

YEREMIA 36:30

Ndia, de Au, Manetualain, afa'da neu o, hai manek Yoyakim, ae ta hapu hataholi esa boen neme o tititi-nonosim neukose ana paleta da'di manek neme Dauk tititi-nonosin mai. Neukose o popolam-ma nanapia henik lo deak neu, fo makato'bik-ka la'en nai lele'don-na ma dinis-sa la'en nai le'dodaen-na.

YEREMIA 44:12

Ma metema neme hataholi Yehuda fo bei elak-kala hapu lakisak dalen-nala fo leu lo Masir soaneu ala leo lai na soona, neukose mate-mopo la'iesak-kasa. Sila basa-basas ana matua, neukose mates nai Masir, nai natee-natatik-ka dalek do hukande la'a-ndoes-sa. Neukose hataholi litas soona, lame'da langgenggengo ao, ma neukose lakamumulu-lakamamaek-kasa. Sila na'den-nala neukose nanapakek da'di leo soo-supak.

YEREMIA 44:27

Nekose Au ulepo'de fo ela emi tu'da-monu ma so'dam-mala ta neulauk fa, losa mate la'iesak emi nai natee-natatik-ka dalek do nau hukande hedi-laus matua ina.

YEREMIA 7:33

Sila popolan-nala, neukose ala da'di manupui-la, ma bana makaak-kala nana'an, fo ta hapu hataholi usi heni fas.

YEREMIA 9:22

Hataholi manamatek-kala, popolan-nala lalefule'ak nai mamanak lala'en-na, sama leo kadafuk-ka nai dae lain; sama leo gandum nanake'di henik, boema nanala'o elak, de ta nanahele nakabubuak so'on. Au tui-benga Manetualain hala hehelun-na, nde ndia.”

RATAPAN 4:9

Ala doi-doso de ala mate faa-faa, hu kande ta lanuu nana'ak faa anak boen; fo manamatek manai natee-natatik-ka dalek bei naua-nanale lena neme manamatek hu kande la'a-ndoes-sa.

YESKIAL 24:21

anduku-alosak hala heheluk-ka nde ia neu emi: Emi dalem-ma namatua neu Manetualain Uman-na be'i-balakain. Emi hii meten fo emi meu donge-daman, tehu neukose Manetualain tao nanggenggeo Uman-na. Ma o teidalem fo bei muli-solum fo manaleo manai Yerusalem-ma, neukose nanataonisak nai natee-natatik dale.

YESKIAL 5:12

Metema, ba'e o laum-ma neu baba'ek telu soona, Au taoisa baba'ek esa, nanahu he'di-laus ma la'a-ndoes-sa da'di nai kota dale. Baba'ek esa, nanado'do nisak nai kota deak, ma neukose Au nggenggela-ngganggali baba'ek esa seluk, leo basa daebafak-ka bu'un-nala leu, ma neukose Au usis tataas esa nenik tafaina.

ZEFANYA 1:17

Manetualain nafa'da nae, “Neukose, Au fe susa-soe ba'uk-ka, leo hataholi daebafak-ka neu, nalosa lafangganggao, sama leo hataholi pokek-ka. Lasala-lasingo neu Au so, de besak ia, neukose daan-nala faa sama leo oe-a, ma popolan-nala laboo lai dae lain.”

ULANGAN 28:22

Neukose, Manetualain huku emi nenik he'di madaik-ka, petaaok-ka ma sumaik-ka. Neukose, Ana fe dae-a namatuu, ma Ana fe ani mato'bik-ka mai, nalosa emi dae-oem buna-boan nalutus. Soe sila-la, ala tuni-ndeni lahele emi, losa mate-mopo emi.

ULANGAN 28:26

Metema, mate emi soona, manupui-la ma bana makaa-makisuk-kala, la'a emi popolam-ma, boema ta hapu hataholi, usiheni bana sila-la fa.