YEREMIA 16:20 - Susula Malalaok Hehelu Palak Ma Hehelu Beuk

²⁰ Hapu hataholi daebafak tao aon ndia lamatua daebafan-na do? Tao leo beo ta! Manataok ndia tao leo beo ta Manetualain fa.”

YEREMIA 16:20 ပူးပေါင်းရင်းမြစ်များ

2RAJA-RAJA 19:18

Ana hotu heni lamatua daebafan-nala boeo, nana lamatua daebafak sila-la, ta lanuu koasa makandondook fa. Sila ka'da dodoki-dudulak neme ai ma batu mesan, fo hataholi daebafak-ka nde taon-nana.

YESAYA 36:19

Nusa Hamat ma Arpad-ta, lamatua daebafan-na nai bee? Lamatua daebafak Sefarwaim-ma, nai bee? Ade ana mai soi-tefa Samaria do?

YESAYA 37:19

Ala hotuheni, ma ala tao lakalulutuk lamatua daebafan-nala boe, nana lamatua daebafak sila-la, ta lanuu koasa makandondook fa. Sila ka'da ai-batu nanadoki-dulak, fo hataholi daebafak-ka nde taon-nana.

YEREMIA 2:11

Beita hapu leoina esa, ana tuka heni lamatuan-na, leomae lamatuak ndia, Manetualain ta nde ndia fa. Tehu, Au anang-ngala tuka heni Au, fo sila mandela-masa'an-na, nenik hata esa fo, sosoa-ndandaan ta.

YEREMIA 5:7

Manetualain nafa'da nae, “Tao le'e de, Au muse fe do'o do ampon neu Au anang-ngala sala-singon? Ala la'o ela Au so, de ala sene-do'ok neu lamatua daebafak fe'ek. Au fes nana'ak, de la'a losa lakabete, tehu ala hohonge, ma nasi'a leu leo ina manasosoa-piaok-kala leu.

DANIAL 3:1

Faik esa boema, Mane Nebukadnezar-ra tao-na dodoki-dudulak esa, deman-na metel 27, ma loan-na metel 3. Napadedeik dodoki-dudulak ndia neu moo matetuk Dura, nai propensi Babel-la.

HATAHOLI 19:26

Besak ia, tolanoo kala mita ma mamanene matam, hata fo touk mana'de Paulus ndia, tao-no'in so. Ana kokolak nae, nitu lalais fo hataholi daebafa ka doki-dula kala, nitu lalais ta sila makandondook fa. Ma ana tao na hataholi makadotok lamahele nanoli na, fo ta ka'da nai Efesus ia fa, tehu hihii nae, nai basa nusa Asia lala'ena boe.

GALATIA 1:8

Hataholi fo mana tui-benga “hala malole” fe'ek neme Hala Malole fo ami tui-benga ka, neme na fo Manetualain huku – hataholi ndia leomae ami nde ndia, do ata nusa so'dak ndia boe!

GALATIA 4:8

Makahulu na, emi ta malelak Manetualain fa, hu ndia de emi da'di ata neme koasa fo lafa'da lae lamatuak, tehu tunga ndo na, Manetualain ta nde ndia fa.