YEREMIA 16:13 - Susula Malalaok Hehelu Palak Ma Hehelu Beuk

¹³ Hu ndia de, neukose Au usi heni emi neme nusak ia mai fo Au tu'u emi leo nusak esa fo nai doon-na seli ba'eneu emi ma ba'eneu emi manamaten-nala. Nai na, lele'do le'dodaem neukose emi hule-haladoi neu lamatua daebafak fe'ek, de neukose Au ta sue-lai emi fa.’ ”

YEREMIA 16:13 ပူးပေါင်းရင်းမြစ်များ

2RAJA-RAJA 25:21

fo nai Hamat dae paletan dale. Ala losa naa boema, ala tao doi-dosos, de basa boema, ala taolisas. Hataholi Yehuda-la, nanafook leme sila nusan-na mai, leo mamana ookak-ka neu-a, tutuin-na leondiak.

2TAWARIKH 7:20

soona neukose Au kaluaheni emi neme nusak fo Au fe basan neu o so. Neukose Au boeo la'oela uma ia, fo Au aketu basan da'di mamana makaluku-makatele neu Au. Neukose uma ia nananakamumulu-nakamamaek ma nanahikak nai mamanak lala'en-na.

MAZMUR 81:12

Tehu Au anang-ngala, ta nau lamanene Au fa, Israel ta nau tunga neu Au fa.

YEREMIA 10:18

Oek ia soona neukose Manetualain po'ilotak basa leoina Yehuda-la neu mamana okak-ka; Neukose Ana tao nakalulutuk emi basa makandondook. Ndia nde been-na ala-heheluk neme Manetualain.

YEREMIA 14:8

Te'e-te'e O nde been-na Israel namahehenan-na, fo ana soi-tefan-na neme susa-soe mai. Tehu tao le'e de O sama leo hataholi nusa dea nai ami nusang dale, sama leo fui-a fo kada ana singo le'odaek esa, fo basa soona ana la'o.

YEREMIA 15:1

Manetualain nafa'da au nae, “Neukose Au ta sue-lai leoina ia-la so'on, leomae Musa ma Semuel lapadeik nai ia, fo loke susue-lalaik neu sila. Madenu laoina ia-la la'o, te Au ta nau mete-lakanae fas!

YEREMIA 15:14

Neukose au tao-a sila da'di ata neu sila musun-nala nai nusa dea fo ala ta lalelak-kasa fa, nana au nasa-melung lua ponu-ponu sama leo ha'i-a pila lo'a-lo'a ma ta hapu nakamate fa.”

YEREMIA 15:4

Neukose Au tao basa leoina manai dabafak ia, ala mete seoona, langgenggengo ao. Au tao basa sila-la nanahu Manasye fo Hizkia ana manen-na tatao-nono'in nai Yerusalem, fo nai lelek ana da'di Yehuda manen-na.”

YEREMIA 16:5

Yeremia, boso mu leo hataholi manasusak-ka uman neu. Boso falu soaneu se ndia boe, Neukose Au ta ba'e-pala au anang-ngala no tetu-temak so'n, ma neukose au ta atu'du Au susueng-nga do lalaing-nga neu sila fa.

YEREMIA 17:4

Neukose emi fe heni ae fo Au fen neu emi ndia no laka-nakasetik, ma neukose Au tao-a emi makaluku-makatele neu emi musum-ma nai nusak fo te'e-te'e da'di nusa dea ba'eneu emi. Au tao basa sila-la lala'en-na, nanahu Au nasa-melung lua ponu-ponu sama leo ha'i fo nanapilak-ka fo ta hapu nakamate fa.”

YEREMIA 22:26

Neukose Au use heni o mo o inam fo Au tu'u emi lo nusak fo ta emi mamana fua funi-ndala sila ma fa, ma neukose mateemi nai na.

YEREMIA 22:28

Au Yeremia afa'da ae, “Ade manek Yoyakhin ana da'di sama leo ule ba'ek fo nanatapa henik ma ta lahiik-kana fa do? Hu ka nde ndia de ndia no anan-nala nanausik ma nanatu'u-tapak lo nusak fo dook-ka ba'eneu sila do?”

YEREMIA 5:19

Tehu metema, ala latane lae, tao le'e de Au tao basa sila-la soaneus soona, hei Yeremia mafa'da leon, mae sama leo sila la'oela Au nai sila nusa mesan-na, fo da'di ata neu leoina fe'ek-kala lamatua daebafan-nala, leondiak boe, neukose sila da'di ata neu hataholi nusa dea-la, nai nusa fe'ek.”

YEREMIA 6:15

Tunga ndoon-na, ala mae, nanahu ala tao basa, dede'a nananakamumulu-nakamamaek ndia so. Tehu lakapapalu lou, ma bibii-mamae tak-kala. Hu ndia de, neukose ala tu'da, sama leo hataholi fe'ek-kala boe; metema Au hukus soona, mopo dipon-nala. Au, fo Manetualain nde manakokolak-ka.”

ULANGAN 28:36

Neukose, Manetualain no emi manem-ma, leo nusa dea fo, emi ta malelak-kana fa, ma emi bei-ba'i kaim-mala boeo, ta lalelak-kana boen. Nai ndia, neukose emi da'di ata neu lamatua daebafak fo, nanataok neme ai-batu mai.

ULANGAN 29:28

Manetualain nasa-melun fo'a nanseli, de nai nasa-melu matuainan ndia dalek, Ana usiheni leoina Israel-la neme sila nusan-na mai, de Ana tapas leo nusa dea neu, boema ala leo leme ndia.’