YEREMIA 16:10 - Susula Malalaok Hehelu Palak Ma Hehelu Beuk

¹⁰ Metema o manduku-malosak basa iala neu sila so'on, fafa'kama neukose ala latane lae, tao le'e de au huku-doki sila ba'u-ba'u basa ndia. Neukose sila latane lae salan-na beek ma sila sala-singon-na beek neu au Amak fo sila Manetualain-na.

YEREMIA 16:10 ပူးပေါင်းရင်းမြစ်များ

YEREMIA 11:17

Au nde apadedeik Israel ma Yehuda, Au, Manetualain Fo Manakoasa. Tehu besak ia Au dudu'a basa soaneu Au eni fe susa-soe neu sila. Sila nde tao aon basa sila-la, nanahu la tao basa mangalauk so, fo nde ala fe tutunu-hohotuk neu Baal-la, de nalosa Au amanasa.”

YEREMIA 13:22

Fafa'kama emi matane mae, tao le'e de basa sila-la ala tuni-ndeni emi ao paam-ma, ma tao le'e de emi bua-lo'am-ma nana siba'ek, ma emi nana saok nenik laka-nakasetik. Bubuluk leon-na te, basa sila-la da'di nanahu emi sala-singom-mala ba'u nanseli.

YEREMIA 2:23

O mapalani manseli, mafa'da mae o malole, ma o mae o beita tunga hai Baal fa! Mete su'dik o tatao-nono'im neme bafak-ka, mafandele o tatao-nono'i mangalaum-ma, fo manakun leona! O sama leo ontaina mala'bik fo, nalai neu-mai, de ta hapu napanggee-na fan,

YEREMIA 2:35

emi mafa'da mae emi salam ta, ma emi mae Au ta amanasa seluk emi so'on. Tehu Au fo Manetualain, neukose huku emi, nanahu emi ta nau manaku, mae emi masala fa.

YEREMIA 44:3

Dede'ak ndia anan da'di nanahu laun-nala lasala-lasingo, de nalosa ala tao-la Au amanasa. Ala fe tutnu-hohotuk ma ala lakaluku-lakatele neu lamatua daebafak fo ala beita sene-do'ok lita fa, boema emi ma emi bei ba'i-kaim manamatem-mala.

YEREMIA 5:19

Tehu metema, ala latane lae, tao le'e de Au tao basa sila-la soaneus soona, hei Yeremia mafa'da leon, mae sama leo sila la'oela Au nai sila nusa mesan-na, fo da'di ata neu leoina fe'ek-kala lamatua daebafan-nala, leondiak boe, neukose sila da'di ata neu hataholi nusa dea-la, nai nusa fe'ek.”

YEREMIA 9:11

Manetualain nafa'da nae, “Neukose Au tao Yerusalem da'di ai-batu madodouk, fo ana da'di, busa fuik-kala mamana keke'ken. Kota-kota Yehuda-la, neukose ala da'di nee-nee lino-linok, mamanak fo, hataholi ta leon so'on.”

HOSEA 12:8

Manetualain nafa'da leoina Israel-la nae, “Emi dalem-ma ta ndoos, sama leo hataholi Kanaan-nala. Emi manadangam-mala nau tipu-dai sila hataholi manaasa lahele nai sila, nenik tatais ta matetuk fa.