YEREMIA 15:1 - Susula Malalaok Hehelu Palak Ma Hehelu Beuk

¹ Manetualain nafa'da au nae, “Neukose Au ta sue-lai leoina ia-la so'on, leomae Musa ma Semuel lapadeik nai ia, fo loke susue-lalaik neu sila. Madenu laoina ia-la la'o, te Au ta nau mete-lakanae fas!

YEREMIA 15:1 ပူးပေါင်းရင်းမြစ်များ

KEJADIAN 19:27

Balahaa fafaianan-na boema, Abraham neu lai-lai leo mamanak, fo huas-sa napadeik nasasalematak no Manetualain-na.

2RAJA-RAJA 17:20

boema Manetualain ta manaku basa hataholi Israel-la lala'en-na so'on. Ana hukus, ma ana fes leo sila musu-musun, fo ha'da hataholi taak-kala neu. Ana ta taoafik-kasa so'on, de Ana tu'u-tapa henis, neme Ana fes dae-a mai.

MAZMUR 106:23

Boema, Manetualain tutu'u, sanga tao namopo-namate anan-nala, tehu Musa fo, hataholi hehelen-na, ana ka'in. Musa da'di hataholi tala'dak soaneu sila, de nalosa Manetualain nasan-na tenak.

MAZMUR 99:6

Musa ma Harun, nanalekek nai Ndia imam-mala dalek, Semuel nde bee-na, hataholi esa fo, ana hule-haladoi neun, Ala laloo bou-bou neu Manetualain, de Ana fe natataak.

AMSAL 14:35

Manek-ka dalen-na loak neu hataholi mana'a ngga'di malelak-ka; tehu namanasa hataholi mana'a ngga'di fo, ta hapu nakalala'ok bela-ba'uk fa.

YEREMIA 10:18

Oek ia soona neukose Manetualain po'ilotak basa leoina Yehuda-la neu mamana okak-ka; Neukose Ana tao nakalulutuk emi basa makandondook. Ndia nde been-na ala-heheluk neme Manetualain.

YEREMIA 11:14

Hu ndia de, Yeremia, boso hule-haladoi soaneu sila, ade moke tutulu-fafalik neme Au-a soaneu sila. Metema sila mai dudu'a-aafi makale'ok-ka dalek fo loke tutulu fafalik neme Au-a mai soona neukose Auta nau amanene fas.”

YEREMIA 14:11

Manetualain nafa'da au nae, “Boso moke Au tulu-fali hataholi sila-la.

YEREMIA 14:12

Leomae ala oka aon-nala boeo, Au ta nau taoafik neu sila nalolou fo loke tutulu-fafalik fa; ma leomae ala fe Au tunu-hotu nanatunuk ma tunu-hotu gandum, boeo neukose Au ta amahoko neu hataholi sila-la fa. Nasafalin-na neukose Au tao amate-amopos nenik natee-natatik, la'a-ndoes ma he'di-laus.”

YEREMIA 15:19

Manetualain nataa nae, “Metema o fali ma'im-ma soona, neukose Au sipok o. Neukose o da'di Au atang seluk bai. Metema o tui-benga dede'a-dede'ak fo masosoa-ndandaak, te ta kokolak bafa louk fa soona, o bole da'di Au nabing seluk ai. Neukose hataholi mai seluk leu o-a mai bai, te ta palu o mu leo sila fa.

YEREMIA 16:13

Hu ndia de, neukose Au usi heni emi neme nusak ia mai fo Au tu'u emi leo nusak esa fo nai doon-na seli ba'eneu emi ma ba'eneu emi manamaten-nala. Nai na, lele'do le'dodaem neukose emi hule-haladoi neu lamatua daebafak fe'ek, de neukose Au ta sue-lai emi fa.’ ”

YEREMIA 16:5

Yeremia, boso mu leo hataholi manasusak-ka uman neu. Boso falu soaneu se ndia boe, Neukose Au ta ba'e-pala au anang-ngala no tetu-temak so'n, ma neukose au ta atu'du Au susueng-nga do lalaing-nga neu sila fa.

YEREMIA 18:20

Natetu-nanda malole-a nanabalak nenik mangalauk-ka? Tehu sila kali bolok, fo ela au tu'da leo dalek neu. Mafandele dei, te au asala'e sila nai O matam, fo ela O boso mamanasa neu sila.

YEREMIA 22:28

Au Yeremia afa'da ae, “Ade manek Yoyakhin ana da'di sama leo ule ba'ek fo nanatapa henik ma ta lahiik-kana fa do? Hu ka nde ndia de ndia no anan-nala nanausik ma nanatu'u-tapak lo nusak fo dook-ka ba'eneu sila do?”

YEREMIA 23:39

Soona, neukose Au ho'u as fo Au tapas leu dook-ka neu, leomae sila ma kota fo Au fe basan neu sila, ma sila bei ba'i kai manamaten-nala.

YEREMIA 35:19

Hundia de, Au, Manetualain Fo Manakoasa, fo Israel Manetualain-na, helu nae, neme Rekhab anan Yonadab tititi-nonosin mai-a neukose hapu mahele hataholi touk fo nalalau-naoono Au.”

YEREMIA 52:3

Manetualain namanasa nanseli neu hataholi Yerusalem ma Yehuda boema ana usi henis de ta nasulu-nahapa fa. Zedekia ana tao nasak neu Nebukadnezar fo manek Babel,

YEREMIA 9:19

Hala kikii-makaleleuk-ka, nananamanenek nai Sion nae, “Ita mate-mopo, ma nananakamamaek nanseli. Ita muse la'oela ita nusan-na, ita uman-nala, nanatao nakalulutuk so.”

YESKIAL 14:14

Leomae Noh, Danel ma Ayub, ala leo leme mamanak ndia, tehu sila telu tatao-nono'i malolen-na, hapu soi-tefa-na ka'da sila telu samanen-na mesak-kana. Au, Manetualain Fo Mademaina, nde manakokolak-ka.

YESKIAL 22:30

Nai hataholi Israel-la dalek, Au sanga hataholi fo, ana bisa napadedeik papala nanadamak, do napadeik neu mamanak fo, papala nanadaman-na tu'u neu, fo nakataka nahele nusak ndia, metema Au sanga tao akalulutuk-kana, nai Au nasa-melung fo manalua ponu-ponung-nga dalek; tehu Au ta hapu hataholi esa boen.

HOSEA 9:15

Manetualain nafa'da nae, “Basa sila tatao-nono'i mangalaun-na, ana mulai neme Gilgal mai. Nai ndia nde, Au mulai ta ahiik anseli o fas. Hu ka nde sila tatao-nono'i mangalaun-na, de neukose Au usi henis leme Au nusang ia mai. Neukose, Au ta sue-lai seluk-kasa so'on. Basa sila mauli-malangan-nala, ala lena-la'ban Au so.

ZAKHARIA 3:3

Yosua napadeik nai ndia, tehu ana pake bua-lo'a manggenggeok nanseli.

ULANGAN 9:26

de au hule-haladoi ae leo ia: Ou Manetualain, Fo Matua-madema, boso tao mamate-mamopo O anam fo, O soi-po'is ma O moos kalua leme Masir mai, nenik O be'i-balakaim, ma O koasa matuainam-ma.

IBRANI 9:24

Nana Kristus ta masok leo Kama Malalaok fo hataholi daebafak nde tao nana, ndia ka'da salaok esa neme Kama Malalao matetu ka mai. Kristus mesa kana nde masok leo nusa so'da ka neu; de besak ia, Ana nasasalematak no Manetualain, hu ka nde ita paluu na.

HAKIM-HAKIM 5:9

Neu basa Israel malanga solda'du matuainan, ala fe aoinan-nala no sila dale hihii-nanau mesan-na, au anduku-alosak au kokoa-kikiong neus. Koa-kio Manetualain leona!

SEMUEL SUSULAK-KA ESAN-NA 12:19

Boema, lafa'da Semuel lae, “Fali-ma, ami dei Ama, hule-haladoi neu Manetualain fo o Manetualaim-ma, fo ela boso mate ami. Besak ia, ami mame'da mae fe'ek neme ami sala-singom makahulun-na mai, ami masala-masingo seluk, nanahu ami moke manek esa.”

SEMUEL SUSULAK-KA ESAN-NA 12:23

La'eneu au soona, sa'di leo been-na, boso nalosak au asala-asingo neu Manetualain nanahu au ta hule-haladoi fe emi fa. Nasafalin-na, neukose au boeo, au anoli akandoo emi nanolik malole ma ndoos.

SEMUEL SUSULAK-KA ESAN-NA 7:9

Hu ndia de, Semuel do'do bi'ilopoana esa, de ana tunu-hotun da'di leo tutunu-hohotu nanatunuk soaneu Manetualain. Basa ndia boema, ana hule-haladoi, fo daenga Manetualain tulu-fali hataholi Israel-la, boema Manetualain sipok huhule-haladoin ndia.