YEREMIA 14:9 - Susula Malalaok Hehelu Palak Ma Hehelu Beuk

⁹ Tao le'e de O sama leo hataholi fo mapangamak-ka; sama leo palani tatibatu fo ta tulu-fali be'i fa do? Tehu, tao leo beeo O nai ami tala'da, Manetualain! Ami anam-mala, de O boso la'o ela ami!’ ”

YEREMIA 14:9 ပူးပေါင်းရင်းမြစ်များ

2TAWARIKH 7:14

boema Au anang fo manapake Au na'deng sila-la lakaloe-lakadae aon-nala ma ala hule-haladoi boema ala mai leo Au mai ma ala tuka tei sale dale leme sila tatao-nono'i mangalaun-nala mai, soona neukose Au amanene sila huhule-haladoin neme nusa so'dak-ka mai. Neukose Au fe do'o do ampon neu sala-singon-nala ma Au tao asafali sila nusan-na da'di nusak tetu-temak seluk.

MAZMUR 10:1

Ou Manetualain tao le'e de, O nai dook-ka, ma mafuni, lelek ami nai to'a-taak-ka dalek?

MAZMUR 27:9

boso mafuni meme au mai.” Boso mamanasa, ma tipa O atam-ma, nana O nde tulu-fali basa au so. Boso tu'u-tapa do la'oela au, ou Manetualain, fo au manasoi-manatefang-nga.

MAZMUR 46:5

Hapu lee manafaak fo tao lamahoko-setelee Manetualain kotan-na, Manetualain Fo Mademaina mamana leleon-na.

YESAYA 12:6

Hai, laun Sion-nala lemin! Eeki-matadale leona, makamee no namahokok. Israel Manetualain malalao-malalafun-na, tete'ek-ka mandela-masa'ak, Ana leo nai emi tala'daheom.”

YESAYA 43:7

Nana sila basa-basas, nananaloo basak, nenik Au na'deng-nga so, Au akadada'dik-kasa, soaneu lamatutua-lamadedema Au.”

YESAYA 51:9

Fo'a leon, ou Manetualain, fo tulu-fali ami, soi-tefa-mala ami, nenik O koasam-ma. Fo'a leon, sama leo nai tepo lelek makahulun-na nai lelek O tao makalulutuk Rahab: ma pau misa buta tasi ndia, losa maten.

YESAYA 59:1

Boso maedaenga Manetualain tapandoes nanseli, soaneu soi-tefa emi, do pakek nanseli, soaneu namanene emi hala naloloom-ma.

YESAYA 63:19

O tao ami nono'kabai, O beita koasa hai ami fa; nono'kabai, ami beita da'di hai, O anam fa.

YEREMIA 15:16

O kokolak mo au, de au amanene basa O hala-kokolam lala'en-na. O num au, ou Amak Manetualain Fo Manakoasa, hu ndia de O hala kokolam neni namahokok ma naua-nanale fe au.

YEREMIA 51:5

Au, Manetualain, Amak Manetualain Fo Manakoasa, Israel Amak Manetualain Malalao-malafu, neukose ta la'o ela Israel ma Yehuda fa leomae sila tao salak neu Au.

YEREMIA 8:19

Mamanene! Te nai nusak-ka lala'en-na nadodolo, au leoinang kii ma lakadii-lakau no latane lae, “Ade Manetualain ta nai Sion so'on do? Manen-na, besak ia nai bee so?” Manetualain, fo sila manen-na nataa nae, “Tao le'e de, o sene-do'ok neu lamatua daebafak-kala, fo sosoa-ndandaan ta makandondook ndia fa? Tao le'e de, o tao makahehe'dik Au daleng-nga, nenik sene-do'ok neu sosongo-tatangok-kala?”

RATAPAN 5:20

Masa bole O la'oela ami dodoo basa ndia? Ade, fafa'kama O mafandele heni ami nai tepo-lelek manalu ia do?

YESKIAL 48:35

Basa papala nanadamak ndia lala'en-na, nanalun-na kilo sio. De mulai hatematak ia, hataholi-la foi kota ndia na'de: “Manetualain NAI NDIA!”

HABAKUK 1:2

Ou Manetualain, au muse oke tutulu-fafalik losa faihi'da? Faihi'da fo besak-ka O mamanene ma soi-tefa-mala ami neme tuni-ndenik-ka mai?

ZAKHARIA 2:5

Manetualain naheluk basa nae, neukose Ndia nde da'di papala nanadamak ha'i okofefeo kota ndia, fo nasulu-nahapan, ma neukose Ana leo nai naa, nai koasa ma matua-mademan lala'en-na dalek.”

ZAKHARIA 8:3

Neukose Au fali leo Yerusalem, fo Au kota malalao-malalafung ndia u, fo Au leo nai ndia. Neukose lalelak Yerusalem, da'di leo kota manalilinekak, ma neukose loke Manetualain Fo Manakoasa pupukun-na soona, lae Pupuku Malalao-malalauk.

BILANGAN 11:23

Boema Manetualain nataa nae, “Ade Au koasang-nga matoo-lanek do? Neukose no lai-laik o mita, ade Au afa'dak ndia, tete'ek-ka ana da'di do ta!”

HATAHOLI 15:17

fo daenga beiela hataholi sila la, ala sanga Amak Manetualain, sama-sama lo leoina fe'ek fo ta hataholi Yahudi la fo Au alos soaneu ala da'di Au nuu ngala.’ Amak Manetualain nae leondia,

2 KORINTUS 6:16

Tututi na leo beek nai Manetualain Uma na no Uma sosongo-tatango ka tala'da? Ita ia, Manetualain uman, fo nde Manetualain fo maso'da ka. Manetualain nafa'da nae, “Neukose Au leo nai sila tala'da heon, ma Au aso'da sama-sama os. Neukose Au da'di sila Manetualain, ma neukose sila da'di Au hataholi kamaheheleng.

ULANGAN 23:14

Emi Manetualaim-ma, sama-sama no emi nai uma ofu dale, fo Ana nasulu-nahapa emi, ma Ana fe emi sengi, emi musum-mala. Hu ndia de, manea emi uma ofum-ma fo ela balisi nahele. Boso hapu hata esa, ta kandaak nai emi dalek boen, fo ela Manetualain boso la'oela emi.”

ULANGAN 28:10

Soona basa leoina manai daebafak-ka, neukose lita lae emi nde been-na, Manetualain leoina hehelen, de neukose ala hia-penge emi.

IBRANI 13:5

Boso fe doi ka koasa emi so'da ma, tehu ela leo bee na emi mamahoko neu hata fo emi manuu ka. Nana Manetualain nafa'da basa nae, “Neukose Au ta po'ilotak emi do la'oela emi fa.”

NINITAK 21:3

Boema au amanene hala ka neme kandela manek ndia nalo bou-bou napane'e nae, “Besak ia Manetualain mamana leleo na nde bee na nakabubua no hataholi daebafa ka! Neukose naso'da nos, ma neukose ala da'di Manetualain hataholi kamahehelen. Neukose Manetualain nde leo nos, ma Ana da'di sila Manetualai na.

SEMUEL SUSULAK-KA ESAN-NA 12:22

Manetualain soo-supa basa, nae neukose Ana ta la'oela emi fa, nanahu naketu basa soaneu Ana tao emi da'di Ndia anan so