YEREMIA 14:3 - Susula Malalaok Hehelu Palak Ma Hehelu Beuk

³ Hataholi kamasu'ik-ka nadenu basa malalau-maoonon-nala sanga nai basa mamanak lala'en-na; de leu leo basa oedolu lala'en-na, tehu oen-nala basa so. Ketel-la louk fo lenik-kala ala leni falik-kana. Ala mae de ala potiketu mata-panan-nala nana dalen-nala ba'ihanak-ka ma ketu dudu'an-nala.

YEREMIA 14:3 ပူးပေါင်းရင်းမြစ်များ

2 SEMUEL 15:30

Basa ndia boema, Dauk o'du heni ta'buein-na, de sama-sama no basa hataholi manatungan-nana, ala nda'e leo Pupuku Setun-na lain leu, boema ala kii ma ala poti ketu langan-nala, fo da'di neu ta'du-tana manasusak.

2 SEMUEL 19:4

Manek-ka poti ketu mata-panan, ma ana kii makaleleu napane'e nae, “Ou, au anang-ngonei! Au anang Absalom! Absalom, au anang-ngonei!”

1RAJA-RAJA 17:7

Basa faik de'ubee dalen-na boema, ma'da lee anak ndia oe na, nanahu u'dan ta.

2RAJA-RAJA 18:31

Boso mamanene Hizkia. Au, fo mane Asyur-ra paleta, fo ela emi kalua meme kota dale mai, fo manaku kala leona. Mahani te, emi bole mi'a angol boak, neme emi osi mesam-ma mai, ma mi'a mita kaa boak, neme emi ai kaa mesam-ma mai, ma minu oe, neme emi oedolu masem-ma mai,

ESTER 6:12

Basa ndia boema, Mordekhai fali ne'un leo uma manek-ka lelesu inan-na neu. Tehu Haman fali lai-lai. Ana ta nau hataholi nita fan, nanahu ana mae nanseli, boema ana poti ketu mata-panan.

AYUB 6:20

Tehu, sila namahehenan-na, manada'di tak nai lee oe taak-ka su'un-na.

MAZMUR 109:29

Nemen-na fo, hataholi manakalaak au-a, nakamumulu-nakamamaek-ka, poti-nalas, ma bibii-mamaek-ka nalu'e-nalas sama leo ba'du manalua.

MAZMUR 40:14

Ou Manetualain, soi-tefa-mala au, Manetualain, mai lai-lai, fo tulu-fali au!

YEREMIA 14:4

U'dan-na ta mai fa de dae-a tuk metomelok; manamaue-la potiketu mata-panan-nala nana delen-na ba'ihana nanseli.

YEREMIA 15:18

Tao le'e de ka'da au doi-doso ahele? Tao le'e de au bisung-nga matuina ma ana ta hapu hai fa? Ade O dudu'a mae taom-ma au daleng-nga ba'ihana sama leo lea da'di tuk nai fai hanan-na?”

YEREMIA 2:13

Au anang-ngala tao sala-singok matak dua: ala la'o ela Au, fo oemata maso'dak-ka, de ala kali aon sila lifun-na, fo nde lifu fo, sama leo ule ba'ek-ka, fo oe ta nate'e nai dalek fa.”

YEREMIA 2:37

Neukose no dale manaba'ihanak ma mamaek, emi la'oela Masir. Au fo Manetualain ta sipok sila, fo emi masalai emi deam-ma neus fa; neukose emi ta hapu nanalak hata-hata esa boen, neme sila mai.”

YEREMIA 20:11

Tehu O, ou Manetualain, O mook au; O be'im-ma nanseli ma nakalenak balakai ina. Sila fo manausil-la ma manatuni-ndeni au, neukose ala tu'u leu de be'i-balakai taak-kala. Neukose ala mae losa dodoon-na, sila dudu'a-dodoo manada'di taak-kala beno'u. Sila nakamumulu-nakamamaen ndia neukose nananafandele nahelek tatas esa.

YEREMIA 3:3

Hu ndia de, oe ta mai neme lalai mai, ma nai fai sele-nggalik-ka, u'dan-na ta mai fa. O hihii mae, sama leo ina mana sosoa-piaok-ka, ma bibii-mamae tak.

RATAPAN 4:4

Ni'iana beuana-la ta nananasu'uk fa, nalosa mates no maa ma'dak-ka. Ni'iana-la loke la'a, tehu ta hapu hataholi fe fas.

HOSEA 2:3

Metema, ana da'di manasosoa-piaok nahele soona, neukose Au o'du heni bua-lo'an, fo nakahola-la sama leo nai faik fo bongin-nana. Neukose Au tao-an, da'di sama leo dae ma'dak ma dae tokotik, soona neukose maten no maa ma'dak-ka.

YOEL 1:20

Lena-lenak bana fuik manai nula dale-la laloo bebou neu O loke tulu-falik. Ala ta hapu linu lakabete fa, nana ma'da la'iesak lee-la.

AMOS 4:7

Au kena-ka'i u'dan-na nai lelek emi bubu'a-palusam-mala paluu oe. Au akona u'dan leo kota esa neu, tehu kota fe'ek-kala ta. Tina esa hapu u'dan, tehu tina fe'ek-kala lamatuu.

AMOS 4:8

Nai kota de'ubee, laun-nala male henis no maa ma'dak-ka so, ala sanga oe nai kota fe'ek, tehu oe manai kota ndia ta dai fa. Leomae leondiak boe, emi ta nau fali leo Au mai fa.

ZAKHARIA 14:17

Metema hapu leoina ta nau neu leo Yerusalem neu, fo sene-do'ok Manek, fo Manetualain fa soona u'dan ta nai nusan-na fa.