YEREMIA 14:2 - Susula Malalaok Hehelu Palak Ma Hehelu Beuk

² “Yehuda dale he'dis kota-kota-nala hihi maten. Hataholim-mala langape'uk nai dae-a ma lasasaledale. Yerusalem lakadi beau loke tutulu-fafalik

YEREMIA 14:2 ပူးပေါင်းရင်းမြစ်များ

AYUB 34:28

Sila tao la hataholi nuu-taak hata-taak-ka haladoi sila kikii-namatanen-na Manetualain namanene.

MAZMUR 144:14

Ela leo bee-na, ita sapin-nala, boetai lamade'u, ma ta hapu mopo do kalaheni fa. Ela leo bee-na, ta tamanene hoo-nggu'u doidosok nai ita kotan-na, enon-nala fa.

KELUARAN 2:24

Manetualain namanenes, ma nafandele hehelu-balataan no Abraham, Isak ma Yakob.

YESAYA 15:5

Au daleng-nga he'dis neu Moab! Laun-nala lalai leo kota Zoar-ra ma leo kota Eglat-Selisia leu. Nggelok nda'e leo enok manaleo Luhit neu, boema ala kii; nggelok lalai leo Horonaim leu, boema lakadii-lakau, nanahu soe-a tuni-ndenis.

YESAYA 24:11

Hataholi-la nggasi lai enok-kala, nanahu basa angol-la. Ta hapu namahoko-seteleek nai nusak ndia so'on, losa dodoon-na.

YESAYA 24:4

Daebafak-ka, ana da'di tuuk, ma ana male, basa daebafak-ka lala'en-na ta napena fa. Lalai ma daebafak-ka, sama-sama ta lapena fa.

YESAYA 24:7

Ai angol-la ta nalole fa, ma susa nanseli soaneu hapu angol oek. Hataholi fo makahulun-na, lamahoko-setelee, tehu besak ia, ala dale he'di.

YESAYA 3:26

Neukose hataholi-la manato'a-taak, ala kii-makaleleu nai kota lelesuinan-nala, ma neukose kota ndia mesak-kana sama leo ina nanao'du nakaholak-ka de nangatuuk nai dae lain.

YESAYA 33:9

Nusak-ka nanala'o elak, de ana da'di nusa nee-nee lino-linok. Libanon nulan-nala male-tale, ma bafak Saron fo, maoe-maisik-ka, ana da'di sama leo moo solokaek-ka. Akidook-kala, kono bepoko, nai Basan ma lete Karmel-la.

YESAYA 5:7

Nana Manetualain Fo Manakoasa osi angol-la nde been-na, nde hataholi Israel-la, ma hataholi Yehuda-la nde been-na, osi angol fo Ana selen. Namahena ndoos ma matetuk-ka neme sila mai, tehu hapu ka'da tatao-nono'i ha'da hataholi tak-ka Namahena, sila lapadedeik latetu ndoos-sa, tehu hapu ka'da hoongguk-ka, fo loke ndoos ma matetuk-ka.

YEREMIA 11:11

Hu ndia de, Au, fo Manetualain, fe nasanene'dak ae, neukose Au eni fe sila susa-soe de sila ta hapu laladeak fa. Metema ala lalo bebou, loke tutulu-fafalik neme Au-a mai soona, Au ta nau amanene fa.

YEREMIA 12:11

Memak tete'ek-ka Au ita ala tao Au nusang-nga da'di mamanak nes nan seli. Basa-basan lala'en-na lalengulanga pikok, te ta hapu manatao falik fa.

YEREMIA 12:4

Nusak ia tuk losa fai hi'da, ma na'un-nala male nai basa tina-la lala'en-na? Manupui-la ma bana-manu fe'ek-ka mates nanahu ami leoinam-mala tatao-nono'i mangalaun-nala. Sila lafa'da lae, neukose Au ta ita sila ua-nalen-na so'on.”

YEREMIA 18:22

Madenu manabonga uma-la mai no kaiboik lo sila uman-na, de nalosa ala laka'di-lakau no bibik-ka. Ala kali bolok fo ela au tu'da leo dalek neu, ma ala lona hihi'ik soaneu ho'u-la au.

YEREMIA 4:28

Neukose daebafak-ka teisusa dale he'dik, lalai-a makahatu kiu-kiun-na. Manetualain kokolak basa de neukose, ta nasafali dale tutu'un-na fa. Ana ho'i basa nakeketuk so, de neukose, ta nakadedeak nggani eik esa boen.

YEREMIA 46:12

Emi heheo-hihilum fo maneni mamaek-ka nanabubuluk basak neme leoina-la mai. Emi hala nalom-ma nananamanenek nai basa daebafak lala'en-na. Soloda'du-la esa sa'en-na esa; de basa-basas tu'u latatama ao leo dae lain.

YEREMIA 8:21

Au daleng-nga nakalulutuk, nanahu au nggileo bobonging namahe'di belak; au daleng-nga he'dik, ma au daleng-nga ta tesa-tama fa.

RATAPAN 2:8

Manetualain naketu basa nae Sion papala nanadaman-nala muse tao nandefa henis. Papala nanadamak-kala ma uma puni madema-la besak ia, basa-basas da'di ai-batu madodouk.

RATAPAN 2:9

Dae-a nakadofu ketu lelesuinan-nala, la'di la'iesak ai betubalan-nala; manek-ka no manapaleta-la lai mamana tu'u-tapak. Ta lanoli hataholi-a, Manetualain hoholo-lalanen so'on, nabi-la ta sipo ninitak neme Manetualain mai so'on.

RATAPAN 5:10

Ami doi-doso no la'a-ndoes-sa, nalosa ami loum-ma pila lo'a-lo'a sama leo ha'ikaak-ka.

HOSEA 4:3

Hu ndia de, nusak ia neukose ana da'di dae ma'dak, ma neukose, mate la'iesak basa hata fo laso'da lai ndia. Neukose mopo-mate la'iesak bana-manu mata-matak manai lalai, dae ma'dak-ka, ma manai tasi dale-la.”

YOEL 1:10

Tina-la belutu so. Dae-a falu, nana mate basa gandum lala'en-na, angol-la boan-na lamatuu, ma basa mina setun-nala.

YOEL 1:11

Hai hataholi manatao tina-osi-la lemin, makaleleu leo na! Hai manamanea osi angol-la lemin, kii leona. Nana gandum, jelei, ma keketu-kokoluk lala'en-na mate basas.

YOEL 1:14

Paleta basa hataholi-lala'en-na, fo ala oka aon-nala, po'a-bengas, nakabubua matuaina! Ka'i basa mauli-malangan-nala ma lasi-lasik-kala boema basa Yehuda laun-nala lala'en-na, fo daenga ala mai leo Manetualain Uman mai, fo laloo beebou loke tutulu-fafalik neun.

YOEL 2:6

Lelek ala tutulumatak, basa hataholi-la dele bengge'be, basa mata-panak befula ma bema'u.

HAGAI 1:11

Au fe fai hanas nakandoo neu dae ma'dak-ka, ma pupukuk-kala, neu tina gandum-mala, neu osi angol-la, boema osi setun-nala, ma neu basa bubu'u-palusa manai dae lain-na, boe te, neu hataholi-a, ma bana manu, boema basa hata lala'en fo emi palusak-kala boe.”

ZAKHARIA 7:13

Au ta ataa huhule-haladoin-nala fa, nanahu sila boeo ta lamanene Au, nai lelek Au kokolak fa.

SEMUEL SUSULAK-KA ESAN-NA 5:12

Mate ela hataholi bee soona, he'di peta-paek la'en, nalosa kota ndia laun-na nggasi neu sila lamatua daebafan-nala, fo loke tutulu-fafalik.

SEMUEL SUSULAK-KA ESAN-NA 9:16

“Balahaa fafaik, fafa'kama li'u ba'u ia, neukose Au adenu hataholi esa neme leo Benyamin-na mai, neu natongo no o. So'u hataholi ndia, nenik lose mina neun, fo ana da'di manek neu Au anang Israel. Neukose ana soi-tefa-na Au anang-ngala leme hataholi Filistin-nala mai. Au ita basa Au anang-ngala doi-doson ma kikii-makaleleun loke tutulu-fafalik so.”