YEREMIA 14:18 - Susula Malalaok Hehelu Palak Ma Hehelu Beuk

¹⁸ Metema Au u leo mook-ka, au ita mana mateek-kala popolan-nala nanahu natee-natatik-ka. Au ita toto'a-tataak-ka nai kota dalek, hataholi-la hihi lae mates nana la'a-ndoes-sa. Nabi-la ma imam-mala lakalala'ok bela-ba'un-nala te ta lalelak hata fo ala taok-ka fa.”

YEREMIA 14:18 ပူးပေါင်းရင်းမြစ်များ

YESAYA 22:2

Ta nandaa, kota-kota lala'en-na feta-dote ma eeki-latadale fa. Nana emi palani tatibatum, fo mates lai natee-natatik ia dalek, ta mates hu kande natee-natatik-ka fa.

YESAYA 28:7

Boeo nabi-nabi ma imam-imam fo ala mafuk, nanahu linu ala-lalu ba'uk-ka naseli. Ala la'ok laleu-lilok, ma lakatunu bee poko nanahu dudu'a-aafin-nala sese'do-babalik so. Nabi-la, ta lalelak ninitak fo, Manetualain fen neu sila, sosoa-ndandaan so'on. Imam-mala ta hapu laketu-lala'di dede'a-dede'ak fo, nanakalaak neu sila so'on.

YEREMIA 2:8

Ta hapu imam esa boen, fo natane nae, Au, fo ndia Manetualain-na nai bee fa. Basa manaketu-mala'dik-kala boeo, ta bubuluk see Au fa basa manakoasa-la, lena-la'ban Au paletang-nga. Basa nabi-la, kokolak pake Baal na'den-na, ma ala sene-do'ok neu sosongo-tatangok fo, sosoa-ndandaa taak-ka.”

YEREMIA 23:21

Manetualain nafa'da nae, “Nabi sila-la manggaten-nala seli, te sekon-na Au ta adenu fas. Ala tui benga pake Au na'deng-nga, te sekon-na ta hapu hala haitua esa boen fo Au en neu sila fa.

YEREMIA 5:31

nabi-la, lasapepeko-lasandandali, imam-mala, lalalau-laoono tunga sila dale hihii mesan-na, ma emi, fo Au anang-ngala, hii dede'ak ndia. Tehu metema, fai mate'ek-ka ana losa soona, neukose emi tao hata?”

YEREMIA 6:13

Sila basa-basas, matua ana, ala sanga nanalak nenik eno ke'di-ndiuk. Nakalenak nabi ma imam boe, tipu-dai hataholi.

YEREMIA 6:25

Ala ta lapalani leu leo enok lain do leu leo tina leu fa, nana nai mamanak lala'en-na, musu-a leleuk tafa-sisilon.

YEREMIA 8:10

Hu ndia de, neukose Au fe sila tinan-nala leo dae lamatua fe'ek neu, ma Au fe sila saoinan nala, leo hataholi fe'ek neu. Sila basa-basas, ana-matua, sanga nanalak nenik eno peko-pakik. Lena-lenak nabi-la ma imam-imam-mala boeo, ke'di-ndiu hataholi.

RATAPAN 1:20

Ou, Manetualain! Taoafik neu au, nana au daleng-nga ta tesa-tama ma tasibu, nakalulutuk nanahu au nalelesi makahulung-nga. Nai enok-kala lain, hapu kanisak, Nai uma dale, hapu mamates.

RATAPAN 2:19

O fo'a do'e-do'e le'odae katemak esa soaneu nggasi fo mafa'da o dalem-ma oe-isin neu Manetualain. Moke leon, fo ela dalen-na tu'da kasian neu o ana kamala'am-mala ma manasapala'ok manai basa eno heheok-kala.

RATAPAN 4:9

Ala doi-doso de ala mate faa-faa, hu kande ta lanuu nana'ak faa anak boen; fo manamatek manai natee-natatik-ka dalek bei naua-nanale lena neme manamatek hu kande la'a-ndoes-sa.

YESKIAL 7:15

Natee-natatik-ka, nai enok-kala lain nai kota dale, ma he'di-laus-sa nai uma-la. Su'di see fo nai kota deak, neukose maten nai natee-natatik dale, ma manaleo nai kota dale-la, neukose maten, nanahu he'di-laus ma la'a-ndoes-sa.

AMOS 4:6

Au nde fe la'a-ndoes neu basa emi kotam-mala, tehu emi ta nau fali leo Au mai fa.

MIKHA 3:11

Manakoasa kota-la paleta soaneu ala hapu doi sosolok, imam-mala lanoli Manetualain hoholo-lalanen soaneu hapu ngga'di, ma nabi-la loke natutu'duk neme Manetualain mai fo hapu doik – boema sila basa-basas lae daenga Manetualain nok sila. Lafa'da lae, “Manetualain nai ita tala'da heon; neukose susa-soe ta tuni-ndeni la'e ita fa.”

ULANGAN 28:36

Neukose, Manetualain no emi manem-ma, leo nusa dea fo, emi ta malelak-kana fa, ma emi bei-ba'i kaim-mala boeo, ta lalelak-kana boen. Nai ndia, neukose emi da'di ata neu lamatua daebafak fo, nanataok neme ai-batu mai.

ULANGAN 28:64

Neukose, Manetualain tao tapasasala emi, leo basa leoina manai daebafak-ka lala'en-na neu. Nai naa, neukose emi sene-do'ok neu lamatua daebafak fo nanataok neme ai-batu mai, lamatua daebafak fo, emi ta malelak-kana, ma emi bei-ba'i kaim-mala boeo, ta lalelak-kana fa.

2 PETRUS 2:3

Hu ka nde mese masapepekok sila la tenepeta nala de, neukose ala tui emi, sila tutui manapopo'de-papai nala, fo tao ka nde ala hapu nanalak neme emi mai. Tehu sila huhuku nala, nanasadiak doo ka so, boema momopo-mamates fo nananaketu basak soaneu sila boeo, nahani mema kasa so.