YEREMIA 13:27 - Susula Malalaok Hehelu Palak Ma Hehelu Beuk

²⁷ Au ita basa emi tao-no'i dede'ak-dede'ak fo Au ta hii fan. Au ita basa emi tunga lamaua daebafak fe'ek-kala nai pupukuk-kala ma nai tina-osi-la, sama leo hataholi touk-kala lamula hataholi saoinan, do sama leo ndala mane-a asa sasaon-naneu ndala ina. Yerusalem Laun-nala lemin, soe ba'eneu emi! Neukose faihi'da de fo emi matapo'i neme basa mangalauk-kala mai?”

YEREMIA 13:27 ပူးပေါင်းရင်းမြစ်များ

MAZMUR 94:4

Ala kokolak dede'a manggenggeok, ma ala koao-ndaeao lenik sila tatao-nono'i mangalaun-na.

MAZMUR 94:8

Hai au leoinang-ngala lemin, boso mamanggoa ba'u basa ndia, manoli pake emi dudu'a-aafim.

AMSAL 1:22

“Hai, hataholi nggoak-panganaa-la lemin! Emi nau leondiak mahele, losa faihi'da? Faihi'da, besak-ka fain-na losa, soaneu emi hahae makadadaek manatee-tenok-ka, ma tipa nanolik-ka?

YESAYA 57:7

Emi meu leo letek-kala poin-na meu, fo tunu-hotu tutunu-hohotuk, fo emi tao matetu emi nasa sao-anam.

YESAYA 65:7

nanahu sila sala-singon, ma sila bei-ba'i kain-nala sala-singon. Ala lakadadaek Au, nenik ala tunu fe lamatua daebafak-kala boomenik, nai mamana sosongo-tatangok-ka nai pupukuk lain. Neukose Au balas sila, nandaa no sila tatao-nono'in, nai tepo lelek maneuk-ka.”

YEREMIA 11:15

Manetualain nafa'da nae, “Au anang-ngala fo Au sue-laik-ka ala tao basa eno-dalak, fo mangalauk so. De sila ta lanuu hak lai Au umang-nga fa. Sila leuik-ka lae, hu ka nde no tao hehelu-balatak-ka, ma hu ka nde no tutunu-hohotuk bana-manu, de neukose sila hapu binga. Ta'da-la mamate-mamopok-ka. Ade hu ka nde no enok ndia de sila bisa lamahoko?

YEREMIA 3:6

Nai tepo lelek Mane Yosia paleta, Manetualain nafa'da au nae leo ia, “O mita basa hata fo Israel, inak fo ta manalilinekak ndia, tao-no'ik-ka so do beik? An la'oela Au, de ana sosoa-piao nai pupuku mademaina-la esa-esak lain, ma nai ai huu matuaina-la, esa-esak huun-na.

YESKIAL 16:23

Manetualain Fo Mademaina, nafa'da nae, “Soe ba'eneu o! Soe te'e-te'e! O tao basa tatao-nono'i mangalauk lala'en-na so.

YESKIAL 2:10

fo nanasulak nai boboan duas. Boema nai susula nanadikuk ndia dalek, nanasulak, kikii-makaleleuk, haladoik-ka, ma hoo-nggu'uk-ka.

YESKIAL 20:28

Au os leo nusak fo, Au helu basa, Au fen leo sila neu so. Lelek fo, ala lita pupuku mademaina-ma, ma ai matuaina-la, doon-nala leloaka, boema leu tunu-hotu tutunu-hohotu nai mamanak sila-la. Ala tao-la Au amanasa, nanahu sila tutunu-hohotu nanatunun-nala, ma tutunu-hohotu angon-nala.

YESKIAL 24:12

Tehu, ha'i-a ta na'aheni la'iesak lulutun-na fa.

YESKIAL 24:13

Hai Yerusalem, o tatao-nono'i ha'da hataholi taa-ma, tao nanggenggeo o aoinam-ma. Au so'ba, tao balisi o, tehu sosoa-ndandaan ta, nana o manggenggeok mahele. Neukose, o ta balisi seluk so'on, losa Au kalua Au nasa-melung neu o.

YESKIAL 24:6

Manetualain Fo Mademaina, nafa'da nae, “Soe ba'eneu kota fo henuk no kanisak-ka! Kota ndia, sama leo ulek-ka nalulutu, fo beita lose nita fan. So'deheni paa manai ulek ndia dalek-ka, biak esa-esa, fo boso ela biak esa boen.

YESKIAL 36:25

Basa ndia soona, neukose Au pisi oe neuk neu emi, fo ela emi malalaok neme basa emi sosongo-tatangom lala'en-na mai, ma neme basa hata lala'en fo, manatao nanggenggeo emi.

YESKIAL 36:37

Manetualain Fo Mademaina, nafa'da nae, “Hai leoina Israel-la lemin, Au fe emi loak seluk, fo moke tutulu-fafalik neme Au mai; neukose Au fe mamade'u, sama leo bi'ilopo bubuak-kala.

YESKIAL 6:13

Neukose hataholi manamatek-kala, lalefu-le'ak lai sosongo-tatangok-kala tala'da, ma lai mei tunu-hotuk-kala boboa-kaisun, beelenga basa pupukuk mademaina-la poin-na, ma lai basa letek-kala poin-na, lai ai doo manaleloakak-kala huun-na, ma lai basa ai matuaina-la huun-na; dede'a keke'un-na, su'di nai mamanak bee, fo ala tunu tutunu-hohotuk fe sila sosongo-tatangon soona, hapu mamates nai ndia. Soona besak-ka basa hataholi-la, ala bubuluk lae Au nde Manetualain-na.

HOSEA 1:2

Lelek Manetualain, Ana kokolak makasososan-na no leoina Israel-la tunga au, Manetualain nafa'da nae, “Hosea, sao-ma ina manasosoa-piaok esa, fo neukose o anam-mala, ala da'di sama leo ndia boe. Au anang-ngala sama leo o saoinam ndia, nanahu ala ta lilineka neu Au fa, ma ala la'oela Au so.”

HOSEA 4:2

Ala soo-supa tehu ala ta tao tunga fan; ala lasapepeko-lasandandali, lanisa, lamanako, ma ala hohonge. Tatao-nono'i mangalauk-ka boetai nakadele, ma kanisak-ka ana da'di, latutungao.

HOSEA 8:5

Au ta ahiik anseli neu sapi lilopilas fo kota Samaria laun-nala sene-do'ok-ka fa. Au amanasas nanseli. Neukose losa faihi'da, ala tao langgenggeo aoinan-nala tataas esa, nenik ala sene-do'ok neu sosongo-tatangok-ka?

ZEFANYA 3:1

Soo-supak neu Yerusalem, kota manggenggeok ma kota fo anan nau ka'da lena-la'ban Manetualain ma ana tuni-ndeni laun-nala!

MATEOS 11:21

“Soe ba'eneu kota Korasi no hataholi nala! Ma soe ba'eneu kota Betsaida no hataholi nala boe. Leo uni ka, manda'di beuk fo nanataok neme emi tala'da ndia, nanatao basak neme Tirus no Sidon soona, tao leo bee o hataholi manai naa la, ala tuka tei-sale dale basa doo ka leme sala-singo nala mai so, ma ala pake bua papake fafaluk, boema ala tao afu neu langa nala lain.

2 KORINTUS 12:21

Au bibii ka'da boso nalosak mahani te nai lelek au ne'i, te Manetualain nakadadaek au nai emi matam fo au kii-makaleleu nana sila ba'u ka nai emi dalek, makahulu na lasala-lasingo, ta lasafali dale nala, ma ala ta hahae tao sila tatao-nono'i manasosoa-piao na, manggenggeok ma ta kandaa ka fa.

2 KORINTUS 7:1

Tolanoo susue ngala lemin! Basa hala heheluk sila la ala fen neu ita. Hu ndia de ela leo bee na tao talalao aoina tala neme basa hata fo tao nanggenggeo ita ao paa samanen. Ela leo bee na ata fe ha'da-holomata neu Manetualain, ma sanga enok fo taso'da mateu-mandaak sama na leo Ndia.

YAKOBIS 4:4

Emi nde bee na, hataholi ta mana lilinekak fa! Ade emi ta bubuluk fa te, metema emi tao tia-laik mo daebafak ia soona, emi da'di Manetualain musu noon fa do? Hu ndia de, metema see tao tia-laik noo daebafak ia soona, hataholi ndia tao ao ina na da'di, Manetualain musu noon.

NINITAK 8:13

Boema au mete ita manupui kaka'ka esa ana bei laa dema na seli nai lalai, nalo bou-bou nae, “Soe, Soe, Soe ba'eneu basa hataholi manai daebafa ka, metema lamanene ata nusa so'da katelu fe'e kala, mahani te ala puu pupuu nala!”