YEREMIA 13:21 - Susula Malalaok Hehelu Palak Ma Hehelu Beuk

²¹ Fo neukose emi mafa'da beek-ka metema hataholi-hataholi fo emi taos sama leo emi tolanom-mala ala tao lakala emi, ma ala koa emi? Tao leo beo neukose emi mame'da he'dis sama leo inak-ka fo ana sanga bongi.

YEREMIA 13:21 ပူးပေါင်းရင်းမြစ်များ

2RAJA-RAJA 16:7

Ahas nadenu hataholi neu leo Tiglat-Pileser, fo mane Asyur-ra neu, fo nini hala heheluk-ka nde ia: “Au ia, o atam fo manalilinekak; hu ndia de, au dokodoe fo, mai leon-na, fo soi-mala au, neme mane Siria, ma mane Israel-la, te besak ia, ala sapu-la au.”

YESAYA 10:3

Neukose emi tao beek nai faik fo, Manetualain huku emi? Ade emi sanga enok tao leo beek, nai lelek fo Ana fe soe-a mai neme nusa dook mai? Neukose emi moke tutulu-fafalik neu see? Neukose emi mafuni emi su'i-betem sila-la nai bee?

YESAYA 13:8

Neukose bibii-namata'uk-ka ho'un-nalas, ma ua-kakalun-nala lakapii fo lita he'dis, sama leo inak-kala sanga bongi. Neukose, esa mete esa no bibii-namata'uk, ma mata-panan-nala pilas, hu kande mamaek-ka.

YESAYA 21:3

Ninitak ndia, ana taon-na au apangamak, nalosa au ta hapu ita, do amanene so'on. Au bii-amata'u ma ame'da he'dis, sama leo inak manabongik-ka.

YEREMIA 2:25

Israel, o boso muu usi lamatua daebafak-kala, ma boso eki fo maloos, mahani te, neukose o eim-ma nakahina, ma o nggati anam-ma namatuu, nanahu maa ma'dak-ka. O mafa'da mae, ‘Ta, neukose au ta bisa fali fa, nana au sue lamatua daebafak-kala, ma au nau u tungas.’ ”

YEREMIA 22:23

Emi leo-mapalasa no nene-lino-linok ma nana okofefeok nenik dii kaiyou Libanon, tehu metema nai lelek hedi-laus la'e emi soona, neukose emi doi-doso sama leo inak fo ana sanga bongi.”

YEREMIA 30:6

So'ba dudu'a-dodoon ma mete matalololen! Fafakama touk bisa bongi ni'iana beuana do? Metema leondiak soona, tao le'e de Au ita touk-kala esa-esak mata-panan-nala putuk beke esak ma ala ne'e tein-nala nenik liman-nala sama leo inak-ka fo sanga bongi-a?

YEREMIA 38:22

Nai ninitak ndia dalek, au ita inak-inak fo bei manai Yehuda uma manen-na basa-basas nanafoo nenik lo deak neu fo leo manek Babel-la mauli-malangan-nala neu. Ala bei la'ok, te lafa'da lae, ‘Manek-ka nananakadadaek neme tia-lai dedenan-nala mai, ma ala koasa-nan. Besak ia, basa ein-na sapi lo'do lo lane dale neu soona, sila basa-basas lakano'dok.’ ”

YEREMIA 4:30

Hai Yerusalem, o nanalaoelak so, de o ta hapu tao hata-hata esa so boen! Sosoak hata, pake ba'du pilas ma balias aoinam-ma nenik lilopilas, lilofulak, boema lose badaak neu o mata lou laim-ma? Palsuma la'iesak-kana, o balias o aoinam-ma, nana basa o susue tou-ta'em ina-anafe'om-mala ta litu o so'on, nakalenak, ala nau taolisa o

YEREMIA 4:31

Au amanene hala hoo-nggu'uk-ka sama leo inak fo, ana sanga bongi; sama leo anafe'oanak-ka, bongi ana makasososan-na, Yerusalem kii de hahaen-na nakase'e leondiak. Liman nggape-nggape, ma nahoo nae, “Soe ba'eneu au – musu-a, sanga taonisa au!”

YEREMIA 48:41

Kota-kota ma kota musu neukose nanaho'i nak, ma soloda'dun-na ala bii sama leo inak fo ana sanga bongi.

YEREMIA 5:31

nabi-la, lasapepeko-lasandandali, imam-mala, lalalau-laoono tunga sila dale hihii mesan-na, ma emi, fo Au anang-ngala, hii dede'ak ndia. Tehu metema, fai mate'ek-ka ana losa soona, neukose emi tao hata?”

YEREMIA 6:24

Laun Yerusalem-mala lamanenehalak ndia boema, bendole-bendaku. Bibii-namata'uk-ka sa'e-nalas, de ala doi-doso, sama leo inak-ka ana sanga bongi.

YESKIAL 28:9

Nah, metema faik ndia losa soona, o bei bisa mafa'da mae Manetualain nde o do? Nai o hataholi kanisam-mala matan, ala bubuluk lae o ia, ka'da hataholi daebafak mesan.

MATEOS 24:8

Basa sila la besa ka makasososa na nde ndia, sama leo inak esa name'da he'di bobongi na nai lelek fo ana sanga bongi a.

1 TESALONIKA 5:3

Nai faik fo hataholi a nafa'da nae, basa hata lala'na neenee-lino linok ma malole mesa-mesan soona, nai faik ndia nde, susa-soe a, ana mai no kaiboik fo tuni-ndeni nalas, sama leoinak esa nameda he'di bobongik, nai lelek fo ana sanga bongi a.