YEREMIA 13:17 - Susula Malalaok Hehelu Palak Ma Hehelu Beuk

¹⁷ Metema o ta nau mamanene fa, neukose au kii amanininok. Au kii amatani neu O nakatutuam ndia no dale nameme'dak. Au lu'uoeng-nga nasalalalok nanahu Manetualain anan-nala nanafua sama leo hataholi nanafook.

YEREMIA 13:17 ပူးပေါင်းရင်းမြစ်များ

MAZMUR 119:136

Au luuoeng-nga faa sama leo lee-a, nanahu ta hapu hataholi tunga O hoholo-lalanem fa.

MAZMUR 80:1

Soaneu mauli-malanga nakameek-ka. Tunga nakameek: Laisona se'bang-nga. Asaf fe sakasii Kokoa-kikion.

YESAYA 63:11

Boema ala nafandele-la, tepo lelek makahulun-na, Musa, fo Manetualain atan-na, tepo lelen-na. Ala latane lae, “Manetualain fo, manahela-nole anan-nala mauli-malangan-nala, tunga tasi dale-a, nai bee? Manetualain fo, manafe koasan-na neus-sala, nai bee?

YEREMIA 14:17

Manetualain nadenu au afa'da au dale he'ding-nga neu ndia anan-nala. Muse au afa'da ae leoia, “Memena fo au kii ta pake tata'da fa, lele'do le'dodaen lu'u oe-la titi-beboto Nana au leoinang bisu matua ma ala doidoso lanseli.

YEREMIA 15:17

Au ta amahoko-setelee o hataholi fo ka'da lakabubua soaneu lakasosoe aok fa. Hu ka nde namahelek neu o-a de, au ame'dan no nameme'dak nasa-meluk.

YEREMIA 17:16

Ou Manetualain, tehu ta la'i esa boen fo au akaseti O fa, fo fe namate-namopok neu sila. Au boeo ta hii, fo ela susa-soe-a la'e sila fa. O bubuluk ndia so Manetualain. O bubuluk hata fo O mafa'dak-ka.

YEREMIA 22:5

Tehu metema emi ta tao tunga Au paletang ia fa soona, Au soo-supa ae, neukose uma manek ia ana da'di batu-ai madodok. Au, Manetualain, nde manakokolak-ka.

YEREMIA 23:1

Manetualain fo Israel Manetualain-na nafa'da nae, “Soe ba'eneu emi basa mauli-malanga fo manatao tapasasala Au anang-gala! Tunga ndoon-na emi masamumumu-masamamao Au anang-ngala, tehu emi ta tao-no'i fan; emi po'ilotak-kasa ala tapasasala ma lalai. Besak ia neukose Au huku emi nanahu emi tatao-nono'i mangalaum-mala.

YEREMIA 9:1

Malole lenak, au langang-nga sama leo oedolu, fo oe henun, ma au matang-nga da'di oelolok, fo ana faa nakandoo! Boema au kii lele'do-le'odaen, kii-makaleleu hataholi fo, ami leoina esa, de musu nok-ka taonisas.

RATAPAN 1:16

Hu ndia de, au luuoeng-nga titi henin, ta hapu hataholi fe au manggatek ma kokoe-nanasik fa. Au leoinang-nga lamopo hata lala'en-na so, nanahu musu-a koasan-na lena.

RATAPAN 1:2

Le'odae katemak esa dalen-na, ana kii no dale he'dik, luuoen-na titi nai nasebu'un-na. Ta hapu hataholi esa boen, neme basa tou-ta'e susuen-na nau kokoe-nanasik fan. Tia-lain-nala lalelesin de lasafali da'di musu nok.

RATAPAN 1:9

Manggenggeon-na, nananitak no mangale'dok, tehu ta nafaduli, neukose hata da'di la'eneu aoinan-na fa. Tutu'dan-na ba'un-naseli, tehu ta hapu hataholi esa boen, kokoe-nanasi fan. Boema ana dokodoe susue-lalaik neme Manetualain mai, nanahu musun-nala sengi so.

RATAPAN 2:18

Hai papaka nanadamak Yerusalem-mala lemin, maloo bou-bou neu Manetualain! Fe o luuoem-ma tu'da sama leo lee-a ana faa lele'do-le'odaen. Kii makandoo fo boso hahae losa o aom-ma sota-mangu!

RATAPAN 3:48

Au luuoeng-nga faa, sama leo lee-a nanahu au leoinang-nga nakalulutuk so.

YESKIAL 24:16

“Hai hataholi daebafak fo, manasapu-manalalok-konei, neukose no kaiboianak, Au ho'i-a hataholi fo, o sue-lai man, ba'un-na seli. Tehu, o ta bole makaleleu do kii fa, do o luu oem-ma, ana ti'ti boe.

YESKIAL 34:31

Tete'ek-ka, Au bi'ilopong-ngala nde emi, de Au fe emi mi'a. Emi nde been-na Au anang, ma emi Manetualaim nde Au. Au, Manetualain Fo Mademaina, nde manakokolak-ka.”

YESKIAL 36:38

Kota-kota fo besak ia lakalulutuk-ka, neu makabuin-na te, henuk no laun-na, sama leo makahulun-na, fo nai fai-fai malole soona, Yerusalem henun no bi'ilopo nanatunu-hotuk-kala. Soona besak-ka emi bubuluk, mae Au nde Manetualain-na.”

YESKIAL 9:4

“Muu leo kota bu'un lalaena muu, fo tao ta'du neu hataholi manadale he'dik-kala, ma manasusak-kala dedein-nala, hu kande basa tatao-nono'ik nanamauluak-kala nanatao-no'ik nai kota ia dalek.”

MALEAKHI 2:2

Fe ha'da-holomata neu Au nenik emi tatao-nono'im. Metema emi ta nau mamanene Au dede'a-kokolang fa soona, neukose Au soo-supa emi. Emi sipo basa baba'e-papalak-kala, neukose nasafali da'di soo-supak. Tete'ek-ka, Au soo-supa basa hata malole sila-la so, nanahu emi ta tao taoafik neu Au paletang-nga fa.

SEMUEL SUSULAK-KA ESAN-NA 15:11

“Au asasale dale, so'u Saul da'di manek, nana ana lepos nasadea Au so, ma ana ta nakalala'ok Au paletang-nga fa.” Semuel dalen-na he'dis-sa, de le'odae katemak esa, ana haladoi neu Manetualain.

SEMUEL SUSULAK-KA ESAN-NA 15:35

Losa mate Semuel, te ta natongo seluk no Saul fa. Tehu Semuel dalen-na he'dis-sa, nanahu Manetualain nasasale dale, Ana so'u basa Saul da'di Israel manen-na so.