YEREMIA 13:16 - Susula Malalaok Hehelu Palak Ma Hehelu Beuk

¹⁶ Emi muse mamatua-mamadema emi Amam Manetualain-na, te ana beita fe makahatuk-ka mai fa, emi eim-ma makatunun nai letelepak-ka, te mangale'dok fo emi mamahehenak-ka beita tao nasafali fan da'dik makiu-makahatuk fa.

YEREMIA 13:16 ပူးပေါင်းရင်းမြစ်များ

AYUB 3:5

Tao-ma faik ndia, da'di fai makahatuk kikiuina, keluha'buk fo ta nasalaa fa; poti-man, nenik ko'as, ma masakoko'ak-ka, babaaketun neme le'do-a haan-na mai.

MAZMUR 107:10

Hapu nggelok langatuuk nai makahatuk dale, hataholi nanahukuk, fo ana doi-doso nai lange besi dalek,

MAZMUR 107:14

Ana noos kalua leme makahatuk dale mai, ma Ana tao nala'di sila langen-nala.

MAZMUR 29:2

Koa-kio Manetualain na'de mandela-masa'an, sene-do'ok-kana nenik pake papake-ngganggao masene-do'ok.

MAZMUR 44:19

Ami dalem-ma ta nalelesi O fa; ami ta mafandele heni O paletam esa boen.

KELUARAN 10:21

Manetualain nafa'da Musa nae: “So'uk o limam-ma leo lain neu leona, soona neukose makiu makahatuk-ka potin-na dae Masir-ra.”

PENGKHOTBAH 11:8

Ela leo been-na, o moke makasi, metema teum-ma popo-tama. Tehu mafandendelek, te leomae o maso'da-mala dook-ka nai daebafak-ka boe, o le'do-faim manai daebafa mamates-sa, doon-na lena seluk bai. Da'di o nau mamahena beek bai? Basa-basan palsuma ma manada'di tak.

YESAYA 5:30

Nai faik ndia, nai Israel-lala'en-na, lamanene nasanggati natee-natatik-ka kao-kao, sama leo lii tasi-a. Mitak, nusak ndia lala'en-na makahatuk fo neni makase'ek-ka. Mangale'dok-ka da'di makahatu kiu-kiuk.

YESAYA 59:10

Ami mafanggonggoe, sama leo hataholi pokek-ka; ami makatunu nai fai le'dohanan-na, sama leo nai fatila'da; ami sama leo, hataholi manamatek, nai hataholi maso'dak-ka tala'da.

YESAYA 59:9

Boema, leoina ndia, nafa'da Manetualain nae, “Besak ia, ami bubuluk, tao le'e de, O ta soi-tefa-mala ami neme hataholi fo, manatuni-ndeni ami-a fa. Ami mahani mangale'dok-ka, tehu hapu ka'da makiu-makahatuk-ka.

YESAYA 60:2

Makiu-makahatuk-ka, potin-na daebafak-ka, Makiu-makahatuk-ka, potin-na leoinak-kala; tehu Manetualain mangale'don-na, ana tii nai o lain, mandela-masa'an, nananitak nai o lain.

YESAYA 8:22

do leo dae neu, neukose ta lita hata esa boen, te ka'da to'a-taak-ka, makahatuk-ka, boema makahatuk fo neni bibii-namata'u matuaina. Neukose sila nanatu'u-tapak leo mamana makahatuk ndia neu.

YEREMIA 14:19

Manetualain, ade O tipa-dede'a heni Yehuda makandondook, ma o ta hii makanae Sion laun-nala fa do? Tao le'e de O fepa-li'u mapane'e ami tao leondiak, de nalosa ami ta hai so'on? Ka'da palsuma la'iesak-kana ami sanga mole-dame-a, te ami mamahena lelea-hahaik-ka sosoa-ndandaan taa, nana hapu ka'da naset-nalakak-ka.

YEREMIA 2:6

Au ta afaduli fa; Au fo, manahela-noles nai enok so, ma Au os kalua leme Masir mai la'ola'di moo solokaek-ka, dae tokotiik fo dopelele'un makadotok, boema tuuk, bai te henuk no soe-a – mook fo, nanaleo taak ma ta la'ok tunga fan!

YEREMIA 23:12

Hu ndia, de sila enon-na neukose talimo'dis-sa ma makahatuk-ka, de nalosa ala lo'do de la tu'u leu. Neukose Au uni soe ba'eneu sila, metemea fain-na losa soaneu huku-doki sila. Au, Manetualain nde manakokolak-ka.

YEREMIA 4:23

Au mete leo daebafak-ka neu, au itan louk, ma tokotiik, au anganalo leo lalai neu, ta hapu hata nasalaa fa.

YEREMIA 50:6

Au anang-ngala sama leo bi'ilopo manapo'ilotak, fo ala latofa-lasalak nai lete pe'dak-kala hu ka nde manafoo tak, ala laputak leme letek esa leo letek fe'ek leu, ma ala tabubuluk sila uman-na nai be.

YEREMIA 6:21

Neukose, Au tao-a hataholi ia-la lakatunu, fo ala tu'u leu. Neukose amak-ka, ma anak-ka, tia-laik ma uma titia-tataik-kala, basa-basas mopo-mate.”

YEREMIA 8:15

Palsuma la'iesak-kana, ita tamahena mole-dame, ma le'do-fai lea-haik-ka, nana hapuk-ka nde, ka'da naseti-nalakak mesak-kana.

RATAPAN 4:17

Ami matam-ma so'ta no memetek-ka mahani tutulu-fafalik fo ana ta losa fa. Ami mamahena leoina esa tutulu-fafalin, fo tunga ndoon-na ana ta hapu fe hata esa boen.

YESKIAL 21:15

Ana tao-na Au leoinang-nga mopo palanin-nala, de ala tu'u fo'a. Au fe nasanene'dak mahelek neu sila kotan-na, nenik tafaina fo isin-na, nangale'do sama leo ndelas-sa, ma naheheleaon fo nado'do-napau ndia.

YESKIAL 34:12

sama leo manafoo esa, ana sanga bi'ilopon-nala, fo ana foo nakabubua manatapasasalak-kala, boema nakabobois. Neukose Au foo falik-kasa leme mamanak fo, nai bee ala tapasasala, nai faik fo nasakoko'a ma makahatuk ndia.

YESKIAL 36:15

Ta paluu dae ia namanene seluk hakinonolik neme leoina fe'ek-kala mai, do ana lu'a-lepa hataholi nakamumulu-nakamamaen so'on. Neukose dae ia, ta tao nakalulutuk leoina fo manaleo nai dalek-ka so'on. Au, Manetualain Fo Mademaina, nde manakokolak-ka.’ ”

YOEL 2:2

Faik ndia makiuk ma makahatuk, henuk no makamamasuk ma'u-ma'uk-ka. Lamak bubuaina esa mai osu-osu sama leo ko'as fo natabaa nai letelepak lain. Manada'dik leondiak-ka, beita da'di nita fa, ma neukose ana ta da'di seluk losa dodoon-na.

AMOS 4:13

Manetualain Manakoasa nde nakadada'dik letek-kala ma anin-na. Nafa'da dale tutu'un-na neu hataholi daebafak-ka. Ana tao lele'dok ma le'odaek. Ana la'ok nai daebafak-ka poin-na. Manetualain Fo Manakoasa, na'den-na nde ndia.

AMOS 5:18

Tete'ek-ka, soe ba'eneu emi fo mahiik Manetualain fain-na! Faik ndia, sosoan-na beek ba'eneu emi? Faik ndia ka'da nalupa fai makahatuk, te ta fai mangale'dok ba'eneu emi fa.

MALEAKHI 2:2

Fe ha'da-holomata neu Au nenik emi tatao-nono'im. Metema emi ta nau mamanene Au dede'a-kokolang fa soona, neukose Au soo-supa emi. Emi sipo basa baba'e-papalak-kala, neukose nasafali da'di soo-supak. Tete'ek-ka, Au soo-supa basa hata malole sila-la so, nanahu emi ta tao taoafik neu Au paletang-nga fa.

YOHANIS 12:35

Boema Yesus nae, “Ka'da ba'ihanak mesa kana, mangale'dok ndia nai emi tala'da. Hu ndia de, leo la'ok beidai mangale'dok ndia bei hapun, fo ela makahatu ka boso tuni na emi. Hataholi manaleo la'ok nai makahatu ka dale ka, neukose ana ta bubuluk leo bee neu fa.

YOSUA 7:19

Yosua nafa'da Akhan nae, “Anang-ngonei, makaheik, fo mafa'da no mangale'dok nai ia, nai Manetualain fo Israel Manetualain-na matan, o taon beek so. Mafa'dan neu au, fo boso mafunin.”

1 PETRUS 2:8

ma “Batu ndia, nde tao na hataholi a nakatunu, boema ala tu'u leu.” Hataholi sila lakatunu nana, ta lamahele Manetualain dede'a-kokolan fa. Manetualain naketu basa hataholi sila la, leondiak so.

SEMUEL SUSULAK-KA ESAN-NA 6:5

Da'di, emi muse nana dulak neme peta-paek ma lafo fo nanataok neme lilopilas, manatao nalutu emi nusam-ma. No enok ndia, emi fe ha'da-holomata neu Israel Manetualain-na. Fafa'kama, neukose Ana hahae huku emi, ma emi lamatua daebafam-mala boema emi daem-ma.