YEREMIA 13:11 - Susula Malalaok Hehelu Palak Ma Hehelu Beuk

¹¹ Leondiak boe au dudu'a ae ela leo been-na hataholi Israel ma Yehuda nanapa'a nahelek neu au sama leo lafa keke'uk fo nanapa'a nahelek neu manapake kaile'bona. No leondiak de ala da'di au anang-ngala fo manataon-na au na'deng-nga nanakoa-kiok, ma manafe ha'da-holomata. Tehu, ala ta nau tunga Au fa.”

YEREMIA 13:11 ပူးပေါင်းရင်းမြစ်များ

MAZMUR 135:4

Ana hele Yakob ba'eneu Ndia, ma Ana tao hataholi Israel-la, da'di Ndia nuun.

MAZMUR 147:20

Ana ta tao leondiak neu leoina fe'ek-kala fa, de ala ta lalelak hoholo-lalanen fa. Koa-kio Manetualain leona!

MAZMUR 81:11

Au nde, emi Amam Manetualain fo manahela-nole emi kalua meme Masir mai. Lelek emi mamala'a, Au fe emi nana'ak.

YESAYA 43:21

Sila nde leoina fo, Au akadada'dik-kasa ba'eneu Au, fo ela, ala hapu tui-benga kokoa-kikiok ba'eneu Au.”

YESAYA 62:12

Neukose, sila nanafoik na'de: ‘Hataholi malalao-malalafuk’; Hataholi fo, ‘Manetualain soi-tefa-nalas’. Neukose, loke Yerusalem lae, ‘Kota fo Manetualain dalen-na, tu'da neun’, ‘Kota fo Manetualain ta la'oelan so'on’.”

YEREMIA 13:1

Manetualain nadenu au u asa lafa keke'uk nanataok neme temak lenan mai fo au paken, tehu au ta bole bolon leo oe dale nee fa.

YEREMIA 13:10

Leoina fo mangalauk ia-la langabatu lanseli ma ala ta nau lamahele neu au fa. Ala hule-haladoi, ma sene-do'ok neu kada lamatua daebafak fe'ek. Hu ndia de neukose silasama leo lafa keke'uk fo sosoa-ndandaan tak ndia.

YEREMIA 13:12

Amak Manetualain nafa'da nae, “Yeremia, mafa'da au hala-hehelung-nga neu hataholi Israel-la mae, basa nggusi mamana angol-la muse isi angol mahenus. Ala lataa lae, ‘Masa bole ami ta bubuluk mae basa nggusi-la muse tao nahenus nenik angol?’

YEREMIA 19:15

ae, Manetualain Fo Manakoasa, Fo Israel Manetualain-na nafa'da nae leo ia, “Hu ka nde emi malanga batu ma ta au mamanene fa, de neukose Au uni fe kota ia ma basa nggolo ta'duk manai boboa kaisun-nala, ma susa-soe lala'en-na fo Au dudu'a basas.”

YEREMIA 32:20

Makahulun eli O tao manada'dik beuk-kala ma dede'a matuaina-la nai Masir, ma losa besak ia boe, O bei tao mahelen, leomae nai hataholi Israel-la tala'da do nai leoina fe'ek-kala boe. Hu ndia de besak ia O nananita-nalelak nai basa mamanak lala'en-na.

YEREMIA 33:9

Yerusalem neukose ana da'di namahokok ma Au matua mademang. Basa leoina manai daebafak ia neukose ala da'di manabiik ma mamata'uk, ma ala ta fe ha'da-holomata mai Au, metema lamanene la'eneu basa malole-mana'a fo Au taon soaneu Yerusalem laun-nala, ma la'eneu tetu-temak fo Au fen neu kota ndia.”

YEREMIA 6:17

Boema Manetualain so'u manamanea la'inono'ik, fo fes nasanene'dak, fo ela lamanene pupuuk ta'du-tana liin-na. Tehu lafa'da lae, “Ami ta nau mamanene fa.”

YEREMIA 7:13

Leomae Au kokolak o emi la'inono'ik boe, tehu emi ta nau mamanene Au fa. Emi tao basa sala-singok sila-la, de metema Au aloo soona, emi ta nau mataa fa.

YEREMIA 7:23

Ka'da Au paletas, fo ala tunga Au, fo ela Au da'di sila Manetualain, ma sila da'di Au anang. Au adenus, fo laso'da tunga Au paletang-ngala, fo ela laua-lanale.

YEREMIA 7:24

Tehu ala ta nau lamanene, ma ta nau taoafik fa. Nakalenak, ala tunga ka'da sila hihii-nanau mesan fo matea ma mangalauk ndia. Ala ta da'di malole fa, te mangalaun-nala, boetai nakadelek-ka.

YEREMIA 7:26

Tehu ta hapu hataholi namanene, do taoafik neu fas. Nakalenak, emi boetai malanga batu, ma mangalauk lena heni emi bei-ba'i kaim-mala.”

AMOS 3:1

Mamanene Manetualain hala hehelun-na nde ia, hai leoina Israel fo Manetualain nos kalua leme Masir mai! Manetualain nafa'da nae,

LUKAS 10:11

‘Emi kota ma daesopum fo nakadita nai ami ei dale ma, ami sasapuhenin da'dileo nasanene'dak soaneu emi. Tehu bubuluk leona, te fai na deka soaneu Manetualain mulai paleta da'dileo Manek nai emi tala'da!’

ULANGAN 26:18

Faik ia, Manetualain sipok emi, da'di leo Ndia ana nanahele mesan, sama leo Ana helu basan neu emi so, ma Ana paleta emi fo, emi tao tunga basa paletan lala'en-na.

ULANGAN 26:19

Neukose Manetualain taon-na emi, mamade'u lena heni leoina fe'ek fo, Ana nakadada'dik basak-kala so, ma neukose emi nanakoa-nanakiok, ma nanafe ha'da-holomata. Emi da'di, emi Manetualaim-ma ana nanahelen, sama leo hala hehelun-na.”

ULANGAN 4:7

Leoina matuaina beek-kande, nanuu lamatua daebafak fo metema paluun soona, ana deka nanseli, sama leo ita Manetualain-na Ana deka no ita? Metema ita taloo bou-bou toke tutulu-fafalik soona, nataa ita, su'di neu fai beek ndia boe.

1 PETRUS 2:9

Tehu emi ia nde bee na, leoina nanahelek, fo la lalau-laoono mane ka mane ka imam mala, leoina malalao-malalafuk, ma Manetualain hataholi kamahehele susue-lalai nala. Manetualain hele emi, ma nalo emi kalua meme makahatu ka dalek mai, fo masok leo mangale'do mandela-masa'a na dalek meu, fo ela emi tao mamaloloa Manetualain tatao-nono'i matua ina nala.