YEREMIA 12:7 - Susula Malalaok Hehelu Palak Ma Hehelu Beuk

⁷ Manetualain nafa'da nae, “Au mamana leleong-ngaau ta tao afik neu fan, nusak fo da'di au nung-nga au la'o ela so'on, ma au anang-ngala fo Au sue-laik-kala, au fe heni basas leo musu-a liman dale neu.

YEREMIA 12:7 ပူးပေါင်းရင်းမြစ်များ

2RAJA-RAJA 21:14

Neukose, Au po'ilotak laun fo bei ela kala, da'di musun-nala nana'an-na, fo neukose, musu-a namanako ma kalo nusan-na.

MAZMUR 106:40

Boema Manetualain nasan-na lua ponu-ponu soaneus, Ana malua seluk, Ndia nuu mesan-na.

MAZMUR 78:62

Ana namanasa anan-nala, fo Ndia pusakan-na de Ana po'ilotak-kasa nanatao nisak nenik tafaina.

YESAYA 2:6

Ou Manetualain, O la'oela O anam fo, Yakob tititi-nonosin-nala so! Nana nai mamanak lala'en-na, hataholi manai nusak ia, ala pake bale mata neme dulu, ma neme Filistin mai, ala na'da hataholi nusa dea-la ha'dan-na.

YEREMIA 11:15

Manetualain nafa'da nae, “Au anang-ngala fo Au sue-laik-ka ala tao basa eno-dalak, fo mangalauk so. De sila ta lanuu hak lai Au umang-nga fa. Sila leuik-ka lae, hu ka nde no tao hehelu-balatak-ka, ma hu ka nde no tutunu-hohotuk bana-manu, de neukose sila hapu binga. Ta'da-la mamate-mamopok-ka. Ade hu ka nde no enok ndia de sila bisa lamahoko?

YEREMIA 14:19

Manetualain, ade O tipa-dede'a heni Yehuda makandondook, ma o ta hii makanae Sion laun-nala fa do? Tao le'e de O fepa-li'u mapane'e ami tao leondiak, de nalosa ami ta hai so'on? Ka'da palsuma la'iesak-kana ami sanga mole-dame-a, te ami mamahena lelea-hahaik-ka sosoa-ndandaan taa, nana hapu ka'da naset-nalakak-ka.

YEREMIA 17:4

Neukose emi fe heni ae fo Au fen neu emi ndia no laka-nakasetik, ma neukose Au tao-a emi makaluku-makatele neu emi musum-ma nai nusak fo te'e-te'e da'di nusa dea ba'eneu emi. Au tao basa sila-la lala'en-na, nanahu Au nasa-melung lua ponu-ponu sama leo ha'i fo nanapilak-ka fo ta hapu nakamate fa.”

YEREMIA 22:5

Tehu metema emi ta tao tunga Au paletang ia fa soona, Au soo-supa ae, neukose uma manek ia ana da'di batu-ai madodok. Au, Manetualain, nde manakokolak-ka.

YEREMIA 23:33

Manetualain nafa'da nae, “Yeremia, metema hataholi esa neme Au anang-ngala do, hataholi nabi esa do imam natane neu o, ‘Ade Manetualain helu nae leo bee?’ Soona o muse mataa mae, ‘O nde been-na lelepa mabelan-na Manetualain; hu ndia de neukose o nanatu'u-tapa henik.’

YEREMIA 23:39

Soona, neukose Au ho'u as fo Au tapas leu dook-ka neu, leomae sila ma kota fo Au fe basan neu sila, ma sila bei ba'i kai manamaten-nala.

YEREMIA 51:5

Au, Manetualain, Amak Manetualain Fo Manakoasa, Israel Amak Manetualain Malalao-malafu, neukose ta la'o ela Israel ma Yehuda fa leomae sila tao salak neu Au.

YEREMIA 7:14

Nah, Au Umang fo emi masalai emi deam-ma, ma mamanak fo Au fen neu emi bei-ba'i kaim, ma neu emi ia, neukose Au taon, sama leo makahulun-na Au tao Silo-a.

YEREMIA 7:29

Manetualain nafa'da nae, “Wahai, laun Yerusalem-mala lemin, susa leona! Nggute-ma, emi langadoom-ma, fo tu'u henin leona! Makamee nakamee kii-makaleleuk nai letelepak-kala poin-na, nana Au, fo Manetualain, amanasa de Au tipa basa emi basa-basam-mala so.

YESKIAL 24:21

anduku-alosak hala heheluk-ka nde ia neu emi: Emi dalem-ma namatua neu Manetualain Uman-na be'i-balakain. Emi hii meten fo emi meu donge-daman, tehu neukose Manetualain tao nanggenggeo Uman-na. Ma o teidalem fo bei muli-solum fo manaleo manai Yerusalem-ma, neukose nanataonisak nai natee-natatik dale.

HOSEA 11:1

Manetualain nafa'da nae, “Au sue-lai Israel neme lelek bei anan-na mai, Au aloo Au anang sila-la, kalua leme Masir mai.

HOSEA 9:15

Manetualain nafa'da nae, “Basa sila tatao-nono'i mangalaun-na, ana mulai neme Gilgal mai. Nai ndia nde, Au mulai ta ahiik anseli o fas. Hu ka nde sila tatao-nono'i mangalaun-na, de neukose Au usi henis leme Au nusang ia mai. Neukose, Au ta sue-lai seluk-kasa so'on. Basa sila mauli-malangan-nala, ala lena-la'ban Au so.

YOEL 2:15

Puu pupuuk-ka nai Sion, fo Manetualain leten-na, po'a-benga fai oka aok-ka, tao natotongo matuaina.

YOEL 3:2

Neukose Au tao akabubua basa leoina-la, fo Au os leo Bafa Naketu-nala'dik-ka neu. Boema nai ndia, Au aketu-ala'di sila tatao-nono'i mangalaun neu Au anang-ngala, nanahu ala baba'e dae Israel-la, ma ala tu'u heni Au anang-ngala leo nusa-nusak-kala leu.

LUKAS 21:24

Hapu nggelok neukose nanataonisak ninik tafaina, hapu nggelok neukose lon da'dileo hataholi nanahukuk leo hataholi nusa-namon. Hataholi fo ta nalelak Manetualai na, neukose ala heheta-aa'i Yerusalem losa basa faik fo Manetualain naketu basan soaneu sila.”

ULANGAN 33:12

La'eneu leo Benyamin-na, Musa nafa'da nae: “Manetualain leo susue-lalain-na nde ia-la. Lele'do-le'odaen, Ana nasulu-nahapas, ma Ana leo nai sila tala'da.”