YEREMIA 12:6 - Susula Malalaok Hehelu Palak Ma Hehelu Beuk

⁶ O nana malelesi basak so, lena-lenak neme o tolano ka'a-fa'dim-mala mai; sila boeo sapu-la o. Boso mamahele neu sila, leomae sila hala-kokolan-nala makee-mamina.”

YEREMIA 12:6 ပူးပေါင်းရင်းမြစ်များ

AYUB 6:15

Tehu emi, hai, tolanoong-ngala lemin, ta hapu amahele, do tasalai dea-tala neu emi fa. Emi sama leo lee manama'dak-ka, nai faik fo, u'dan-na ta mai fa.

MAZMUR 12:2

Ou Manetualain, tulu-fali ami, nana ta hapu hataholi ndoos so'on, hataholi manalilinekak neu O-a, mopok-kasa so.

MAZMUR 12:3

Sila basa-basas, esa nasapepeko-nasandandali esa, esa tipu-dai esa, nenik hala-kokola makee-mamina.

MAZMUR 69:8

Nana, hu kande O, de au nananakamumulu-nakamamaek, nanahu O, de au nananakadadaek

AMSAL 23:8

Mahani te, o ko'do heni beek ndia soona, o muta falik-kana, fo o dede'a-kokola makeem soaneun-na, sosoa-ndandaan ta.

AMSAL 26:25

Leomae, hala-kokolan mangana'uanak, tehu boso mamahelen; nanahu nakamuu-nakadauk-ka, koasa dalen-na.

YESAYA 31:4

Manetualain nafa'da au nae, “Sama leo singa namanasa, soaneu nanea nana'an-na, ma ta hapu nakabibiik-kana nenik manafoo bubuak esa eekin ma nakadiin, fo ala mai la'ban-nana, leondiak boe Au, neukose Au atee-atati, fo Au anea Pupukuk Sion-na.

YEREMIA 11:19

Au sama leo bi'i lopo-a fo ta pake dudu'a-dodok so'on, te nenin leo mamana dodo'dok-ka neu. Au ta bubuluk fa te, au nde da'di sila dudu'a-aafi mangalaun-na isin-na. Sila lafa'da lae, “Mai fo ata lo'o heni ai ia, beidai ana bei nabuna-naboa ia; Ita tao tamate-tamopon fo ela hataholi lasanggango heni na'den-na.”

YEREMIA 11:21

Kota Anatot hataholin-nala hii ela leo been-na Au mate. Sila lafa'da lae, “Metema O tui benga Manetualain hehelu-balatan neu ami tataas esa soona, neukose ami taomisa o.”

YEREMIA 20:10

Au amanene hataholi-la lamakukutuk nai basa mamanak-kala, “De bibii-namata'uk-ka boetai namatuak-ka! Mai fo tafa'da lo manakoasa!” Nakalenak basa u tia-laing-ngala lala'en-na lahani au tutu'dang-nga. Ala lafa'da lae, “Fafa'kama nenik fufu'di-oodok, ndia ita hapu tao takalan, fo ela ita hapu balas nanape'da-dalek neun.”

YEREMIA 9:2

Ela leo been-na, au hapu mamana susunguk, nai moo solokaek-ka, ba'eneu hataholi fo, nai leleo-lala'on-na dalek! Soona neukose, au la'oela au leoinang, fo au alai leo naa u, fo au dook-ka eme sila mai. Sila basa-basas manatipu-daik-kala, hataholi manalilineka tak, bubuak esa,

YEREMIA 9:3

ma laheheleaon tataas esa, fo lasapepeko-lasandandali. Ndoos-sa ta koasan-nai nusak-ka lala'en-na fa, nakalenak puta-paik feo nusak-ka. Manetualain nafa'da nae, “Au anang-ngala, ta hahae tao tatao-nono'i mangalauk fa, Ala ta manaku Au, da'di leo sila Manetualain fa.”

YEREMIA 9:4

Hataholi-a esa-esak, muse nanea besa-besa soaneu nonon-na, ma tolano bongik-ka boeo, ta hapu nananamahelek fa. Nana, sila boeo, sama leo Yakob, de sila esa-esak ke'di-ndiu seluk tolanon-na. Hataholi-a esa-esak, la'ok su'di leo bee neu, fo kokolak nanggenggeo hataholi na'den, ma kokolak dede'a masapepeko-masandandalik.

YEREMIA 9:5

Basa-basas, lake'di-landiuao, ta hapu hataholi kokolak ndoos fa; Bafan-nala, biasa lasapepeko-lasandandali so, ala ta tuka tei-sale dale labe'i sala-singon-nala fa. Tatao-nono'ik ha'da hataholi taak-ka, latutungao, ke'di-ndiuk-ka, latutungao, ala taon lakandondoo henin ala ta sipok Manetualain makandondook fa.

MATEOS 10:21

Neukose losa fai na te, hataholi a fe tolanoo na leo hataholi fe'ek neu fo ala tao lisan, Ma dede'ak ndia boeo, neukose ana da'di neu ama ka no ana ka. Ana kala, ala la'ban ina-ama nala, Ala fe ina-aman leo hataholi fe'ek leu fo, ala tao lisas.

MARKUS 12:12

Boema basa lasi-lasi leoina Yahudi fo mana mamanene nakandandaak ndia, ala sanga enok ho'u Yesus, nana ala bubuluk Yesus kokolak nakandandaak ndia, ana tu'da la'e sila nde ndia. Tehu ala bii hataholi makadoto kala. Da'di, ala la'oela Yesus.

YOHANIS 7:5

Nana, tolanoo nala boeo, ta lamahele fan.)

HATAHOLI 16:22

Hataholi makadoto kala boeo, sapu la Paulus no Silas. Boema mana paleta la sisii-lulu'iheni hataholi nadedenuk sila la ba'du nala leme ao nala mai, de ladenu hataholi la filuk duas.

HATAHOLI 18:12

Lelek fo Galio da'di gobelnol nai Akhaya boema, hataholi Yahudi la teikesa-dalekesa de ala la'ban Paulus, boema lon leo mana maketu-mala'di kala neu.