YEREMIA 12:4 - Susula Malalaok Hehelu Palak Ma Hehelu Beuk

⁴ Nusak ia tuk losa fai hi'da, ma na'un-nala male nai basa tina-la lala'en-na? Manupui-la ma bana-manu fe'ek-ka mates nanahu ami leoinam-mala tatao-nono'i mangalaun-nala. Sila lafa'da lae, neukose Au ta ita sila ua-nalen-na so'on.”

YEREMIA 12:4 ပူးပေါင်းရင်းမြစ်များ

MAZMUR 107:34

Ana tao dae maoe-maisik-ka, da'di mook fo, daen-na masik, nanahu hataholi manaleo nai dae ndia, tatao-nono'i mangalaun-nala

MAZMUR 50:21

Ndia nde o taon, tehu Au ka'da denge-denge, da'di tunga o dale dodoom-ma, Au sama leo o. Tehu besak ia, Au akamuu-akadau o, ma basa sila-la, Au taos da'di mangale'dok ba'eneu o.

YESAYA 24:4

Daebafak-ka, ana da'di tuuk, ma ana male, basa daebafak-ka lala'en-na ta napena fa. Lalai ma daebafak-ka, sama-sama ta lapena fa.

YESAYA 24:6

Hu ndia de, Manetualain supa-soo basa daebafak-ka so, ma Ana huku laun-na, nanahu sila tatao-nono'in. Sila nanatao naputuk, de ka'da sila lumanak laso'da.

YEREMIA 12:11

Memak tete'ek-ka Au ita ala tao Au nusang-nga da'di mamanak nes nan seli. Basa-basan lala'en-na lalengulanga pikok, te ta hapu manatao falik fa.

YEREMIA 14:2

“Yehuda dale he'dis kota-kota-nala hihi maten. Hataholim-mala langape'uk nai dae-a ma lasasaledale. Yerusalem lakadi beau loke tutulu-fafalik

YEREMIA 23:10

Ita nusa-namon-na henuk no hataholi fo ta manalilineka neu Manetualain fa. Sila so'dan-na mangalauk, ma ala tao sala sila ha'da palin-na. Nanahu Manetualain supa-soo de, na'u manai mook-ka ana da'di tuk, ma basa nusak lala'en-na kii-lamatani.

YEREMIA 4:25

Au ta ita hataholi daebafak fa, manupui-la boeo, basa-basas ala laa so

YEREMIA 4:28

Neukose daebafak-ka teisusa dale he'dik, lalai-a makahatu kiu-kiun-na. Manetualain kokolak basa de neukose, ta nasafali dale tutu'un-na fa. Ana ho'i basa nakeketuk so, de neukose, ta nakadedeak nggani eik esa boen.

YEREMIA 5:13

Bole tafa'da tae, nabi sila-la, ka'da anin mesan, nana Manetualain hala hehelun-na, ta nai sila fa.”

YEREMIA 5:31

nabi-la, lasapepeko-lasandandali, imam-mala, lalalau-laoono tunga sila dale hihii mesan-na, ma emi, fo Au anang-ngala, hii dede'ak ndia. Tehu metema, fai mate'ek-ka ana losa soona, neukose emi tao hata?”

YEREMIA 7:20

Au, Manetualain Fo Mademaina, neukose Au po'a Au nasa-melu matuainang-nga neu uma makaluku-makatele ia, neu hataholi daebafak-ka ma bana-manu, boeo neu ai-la, ma daebafak-ka buna-boan. Neukose Au nasa-melung, ana pila lo'a-lo'a, sama leo ha'i fo, ta hapu taonisa fan.”

YEREMIA 9:10

Au, fo Yeremia afa'da ae, “Au sanga kii ma teisusa dale he'dik, nanahu moo mana'uk manai moo solokaek-ka, ma manai letek-kala, lamatuu-tongo so, de hataholi ta tunga ndia fa Ta tamanene bana-manu halan-nala so'on, manupui ma bana-manu fe'e-fe'ek-kala lalai, de mopok-kasa so.”

YEREMIA 9:9

Tao le'e de, Au ta fe huhukuk fo nandaa, neu leoina matak leo ia-ka fa? Neukose Au balas sila tatao-nono'in; Au, fo Manetualain nde manakokolak-ka!”

HOSEA 4:3

Hu ndia de, nusak ia neukose ana da'di dae ma'dak, ma neukose, mate la'iesak basa hata fo laso'da lai ndia. Neukose mopo-mate la'iesak bana-manu mata-matak manai lalai, dae ma'dak-ka, ma manai tasi dale-la.”

YOEL 1:18

Bana-manu lakadii-lakau ma hela hae, nana ta hapu moo mana'uk fo la'a so'on. Bi'ilopo-la boeo, bendole-bendaku.

AMOS 1:2

Dede'ak fo Amos nafa'dak-ka nde ia, “Manetualain nangao sama leo singa neme Pupukuk Sion-na mai, Halan-na nadodolo sama leo ta'tas-sa neme Yerusalem mai. Moo mana'uk-kala da'di na'u tak, na'u manai Lete Karmel-la lamatu tongo.”

HABAKUK 3:17

Leomae ai kaak-ka boan ta ma ai angol-la boan ta, leomae ai saitun-na buna-boan ta, ma gandum-ma nai tina pi'da-nalak leomae mate la'iesak bi'ilopo-la ma bana-manu lalaen-nala louk,

ZAKHARIA 1:12

Boema, ata nusa so'dak ndia nae, “Manetualain Fo Manakoasa, O mamanasa Yerusalem ma kota-kota manai Yehuda-la, teuk hituhulu dalen-na. Neukose O mamanasa maheles, ma ta fe do'o do ampon neu fas losa faihi'da?”

ROMA 8:22

Ita bubuluk basa, losa faik ia, daebafa ka lala'ena hoo-nggu'u ngguu, sama leo inak esa, ana hoo-nggu'u nai lelek fo ana sanga bongi a.