YEREMIA 12:13 - Susula Malalaok Hehelu Palak Ma Hehelu Beuk

¹³ Au anang-ngala sele-nggali gandum, tehu ala ketu-kolu dila-nggauk. Ala puselaipana no ue osak, tehu buna-boan ta. Au amanasa anseli os de nalosa ala ta ketu-kolu fa.”

YEREMIA 12:13 ပူးပေါင်းရင်းမြစ်များ

MAZMUR 78:62

Ana namanasa anan-nala, fo Ndia pusakan-na de Ana po'ilotak-kasa nanatao nisak nenik tafaina.

YESAYA 55:2

Sosoak hata, asa hata esa, fo ta tao namahoko emi dalem-ma, ma maue-male'di soaneu hata fo, ta nandaa emi dalem-ma fa? Tunga Au paletang-nga, soona neukose emi mi'a hata fo malole, ma mi'a nana'a mala'da.

YEREMIA 17:10

Au Manetualain, manapalisak dalek, Au su'di-dou hataholi daebafak dale bobongo anan-na, Neukose Au balas hataholi-a esa-esak tunga ndia tatao-nono'in. boema Au tao tunga sila tatao-nono'in.”

YEREMIA 4:26

Dae malolek-ka, ana da'di moo solokaek tuuk kota-kota-la lakalulutuk, de ala da'di ai batu mana tapasasalak, nanahu Manetualain namanasa anan-nala nanseli. (

YEREMIA 9:5

Basa-basas, lake'di-landiuao, ta hapu hataholi kokolak ndoos fa; Bafan-nala, biasa lasapepeko-lasandandali so, ala ta tuka tei-sale dale labe'i sala-singon-nala fa. Tatao-nono'ik ha'da hataholi taak-ka, latutungao, ke'di-ndiuk-ka, latutungao, ala taon lakandondoo henin ala ta sipok Manetualain makandondook fa.

HOSEA 8:7

Au anang-ngala sele-nggali anin, de neukose ala ketu-seu ani-sangu! Sila tina gandum-ma ta namalatu fa, de neukose ana ta fe buna-boak, fo ala tao ha'desopuk soaneu sila nana'an-na fa. Tehu, metema tina ndia namalatu boeo, neukose leoina fe'ek-kala, la'a heni gandum-mala.

IMAMAT 26:16

neukose, Au huku emi. Neukose, Au fe soe-a la'e emi, he'di-laus ma sumaik manalea-hai taak-ka, nalosa poke emi matam-ma, ma emi maso'da doi-doso. Neukose, emi foi-fala, tehu emi ta mi'a buna-boan fa, nana emi musum-mala mai, fo ala ho'i leni la'iesak, emi sele-nggalik-kala, buna-boan.

IMAMAT 26:20

Emi sosota-mamangum lala'en-na, manada'di tak, nana emi dae-ma, neukose ta fe buna-boak, ma emi bubu'u-palusam, neukose ta labuna-laboa fa.

MIKHA 6:15

Emi sele-nggali gandum, tehu neukose emi ta ketu-kolu buna-boan fa. Neukose emi tao mina neme ai setun-na boan-na mai, tehu emi ta hapu pake minan-na fa. Neukose emi he'e angol-la oen-na, tehu neukose emi ta minu fan.

HABAKUK 2:13

O matona-ma leoina-la, ala sota-mangu te sosoa-ndandaan ta, ma ha'i na'a heni basa lapadedeik-la hata lala'en-na. Manetualain Fo Manakoasa, hihi-nanaun basa sila lala'en-na.

HAGAI 1:6

Emi sele-nggali basa bini ngges makadotok so, tehu emi ketu-kolu faanak. Emi manana'ak de emi mi'a, tehu emi ta makabete fa. Emi manuu angol de emi minu, tehu emi dalem-ma, ta namahoko fa. Emi manuu bua papakek, tehu ta dai, soaneu tao nato'bi emi aoinam-ma fa. Ma kuli-la sipo ngga'di-a, ta dai soaneu tao natetu so'dan-nala fa.

HAGAI 1:9

Emi mamahena emi ketu-kolum buna-boan sasi kao-kao, te se'kona emi hapu ka'da faa anak nanseli; emi ho'i meni, emi ketu-kolum ndia buna-boan, tehu Au fun, nalosa anin-na fuu neni la'iesak-kasa. Tao le'e de, Au tao enok ndia? Natatan-na nde ia: Nanahu, Au Umang-nga bei nalupa ai-batu madodouk, tehu emi basa-basam-mala puselaipana no mafofo'a emi esa-esak uman.

ROMA 6:21

Nai lelek ndia, emi hapu nanalak hata neme basa tatao-nono'ik fo besak ia emi tao-no'in no bibii-mamaek ndia? Basa tatao-nono'ik sila la ninini na ka'da mamate sa!

ULANGAN 28:38

Emi sele-nggali bini-ngges makadotok, tehu emi buna-boak ka'da faa anak, nanahu lamak-ka, na'aheni emi bubu'u-palusam.