YEREMIA 12:10 - Susula Malalaok Hehelu Palak Ma Hehelu Beuk

¹⁰ Manakoasa nusa dea ba'uk-ka tao lalutu la'iesak Au osi angol-la, ma ala heheta-aa'i lakalulutuk basa Au tina-osing lala'en-na. Au nusang fo malole-mana'a, ala tao lasafalin da'di moo-solokaek fo mamana nes.

YEREMIA 12:10 ပူးပေါင်းရင်းမြစ်များ

YESAYA 3:14

Manetualain ho'i nakeketuk da'di leo manakee-manafula soaneu basa manamauli-malanga anan-nala. Manetualain kalaan soaneu sila nde ia: “Emi nde mamanako osi angol-la buna-boan-nala; emi umam-ma henuk no bua-lo'as fo emi kalo menis neme hataholi nuu-taa hata-taak-kala mai.

YESAYA 43:28

o imam-mala, ala tao langgenggeo Au Umang-nga. Hu ndia de, Au fe heni Israel, fo nananakadadaek, Au po'ilotak Yakob tititi-nonosin, nanatao namate-namopok.”

YESAYA 63:18

Tao le'e de, O po'ilotak, musu-a heheta-aa'i, O Umam-ma, ma hataholi-la tao langgenggeo, O pupuku malalao-malalafum-ma?

YEREMIA 23:1

Manetualain fo Israel Manetualain-na nafa'da nae, “Soe ba'eneu emi basa mauli-malanga fo manatao tapasasala Au anang-gala! Tunga ndoon-na emi masamumumu-masamamao Au anang-ngala, tehu emi ta tao-no'i fan; emi po'ilotak-kasa ala tapasasala ma lalai. Besak ia neukose Au huku emi nanahu emi tatao-nono'i mangalaum-mala.

YEREMIA 25:38

Sama leo singa kalua neme bolon dale mai, leondiak boe Manetualain kalua soaneu Ana huku anan-nala. Natee-natatik-ka ha'i-ha'i no Manetualain nasa-melun tao nasafali nusak ia da'di mok solokaek.

YEREMIA 25:9

‘Neukose Au alo basa leoina manai neme ki mai-a, ma Au atang Nebukadnezar fo manek Babel-la boe. Neukose Au fe sila soaneu latee-latati la'ban Yehuda no laun-nala, ma basa leoina manai boboa-kaisun-nala. Leiona Yehuda no leoina titia-tatain-nala neukose Au tao akatoto'a-akatatak-kasa ma Au po'ilotak-kasa lakalulutuk soaneu losa dodoon-na. Hataholi fo manamitas-sala neukose ala nggenge-la ma lame'da bibi-namata'uk. Au, Manetualain nde manakokolak-ka.

YEREMIA 3:19

Manetualain nafa'da nae, “Israel, Au hii sipok o da'di leo Au anang, ma Au fe o, nusak fo nandaa no o dalem-ma, nusak fo malole nanseli, nai basa daebafak-ka lala'en-na. Au hii o maloo Au mae ama, ma o ta malai meme Au mai so'on.

YEREMIA 39:3

boema latona-la Yerusalem. Boema manek Babel-la mauli-malangan-nala basas mai de leu langatu-la lelesu ina tala'dak-ka. Nai sila dalek hapu Nergal-Sarezer, Samgar Nebo, Sarsekim fo uma manek malanga uma loon-na, Nergal-Sarezer Rabmag ma malanga soloda'du fe'ek-kala.

YEREMIA 6:3

manakoasa-la loo solda'dun-nala, neukose ala ofu lai naa Neukose, ala lofa sila tema lalaan-na, okofefeok kota ndia, boema esa-esak nai mamanak fo nahiik-kana.

YEREMIA 9:10

Au, fo Yeremia afa'da ae, “Au sanga kii ma teisusa dale he'dik, nanahu moo mana'uk manai moo solokaek-ka, ma manai letek-kala, lamatuu-tongo so, de hataholi ta tunga ndia fa Ta tamanene bana-manu halan-nala so'on, manupui ma bana-manu fe'e-fe'ek-kala lalai, de mopok-kasa so.”

YESKIAL 34:2

“Hai hataholi daebafak fo, manasapu-manalalok-konei, fe mane-manek Israel-la, nasanene'da mahelek, ma manduku-malosak hata fo Au, Manetualain Fo Mademaina, nafa'das nae, ‘Soe ba'eneu emi, hai manafoo Israel-la lemin. Emi dudu'a-dodoo ka'da emi aoinam-ma mesak-kana, te emi ta dudu'a-dodoo, emi b'ilopom-mala fa.

YESKIAL 34:5

Hu kande bi'ilopo sila-la, manafoon ta, boema ala tapasasala, de bana fuik-kala la'ahenis.

DANIAL 8:13

Basa boema, au amanene ata nusa so'dak-kala, esa nafa'da esa nae, “Basa hata fo nananitak nai ninitak ndia dalek-ka, neukose ana da'di losa faihi'da? Sala-singo matuaina ndia, ana nggati tutunu-hohotu su'di faik-ka losa faihi'da? Ana heheta-aa'i solda'du nusa so'dak-kala ma uma mamasok ndia losa faihi'da?”

ZAKHARIA 7:14

Au sapu balisis, sama leo ani-sangu-a, nalosa no nakasetik, leu leo nai nusa dea-la. Dae maisi-mamina ia, ana da'di nee-nee lino-linok, hataholin ta, ma na'u-aianan ta.”

LUKAS 21:14

Pake ka'da dalek esa mae neukose emi ta bii la'eneu hata fo emi muse kokola kana soaneu masala'e aoina mala.

NINITAK 11:2

Tehu boso uku uma so'dak manai Manetualain Uman ndia dea ka, nana mamanak ndia fe basan neu hataholi ta manamalelak Lamatua ka fa. Neukose ala heheta-aa'i kota malalaok ndia, dodoo na bulak hahulu dua dale na.