YEREMIA 12:1 - Susula Malalaok Hehelu Palak Ma Hehelu Beuk

¹ “Ou Manetualain, metema Au eni au dede'ang-nga leo O matam-ma neu, soona tao leo beeo neukose butina-na nae, O nde been-na ndos. Tehu hii atane seluk neu O la'eneu ndos ma matetuk-ka: Tao le'e de hataholi mangalauk-ka so'dan-na natetu? Tao le'e de hu ka nde hataholi fo ta ndos-sa fa ana hapu-dai?

YEREMIA 12:1 ပူးပေါင်းရင်းမြစ်များ

KEJADIAN 18:25

Boso taomisa hataholi sala taak sila-la, sama-sama loo hataholi masalak-kala. Bosok Manetualain! Nana, metema Manetualain taon soona, tao leo bee-o, neukose hataholi sala taak-kala, nanahukuk sama-sama loo hataholi masalak-kala. Hapu nai bee, manakee-manafula lalai ma daebafak-ka, ho'i nakeketuk fo ta ndoos ma matetuk fa!”

EZRA 9:15

Amak, fo Israel Manetualain-na. O ndoos ma matetuk, tehu, leomae leondiak boe, O po'ilotak ami maso'da. Ami manaku ami salam-ma neu O; ami ta manuu hak, soaneu mai leo O matam-ma mai fa.”

NEHEMIA 9:33

O nakeketum-ma ndoos ma matetuk, O huku ami fo masala-masingok; O lilineka mahele, leomae ami henuk no bu'u-ba'ek.

AYUB 12:6

Tehu, hataholi manabonga uma, so'dan-na nee-nee lino-linok; hataholi fo, napalani la'ban Manetualain-na, so'dan-na tetu-temak. Te se'kona, lasalai dean-nala neu lamatua daebafak-ka, fo ka'da be'i-balakaik mesak-kana.

AYUB 13:3

Tehu, au sanga kokolak o Ndia fo, Manakoasa; au hii asala'e au dede'ang-nga, nai Manetualain matan.

AYUB 24:12

Hataholi fo hihii nae maten-na, hoo-nggu'un nananamanenek nai kota-la, hataholi mabisuk-kala, laloo bebou, loke puli-namo'dok, tehu Manetualain ta nau namanene huhule-haladoin-nala fa; Ana ta nau taoafik neu fas.

AYUB 24:23

Manetualain fen naso'da no mole-dame, tehu Ana ta hahae nanea fan.

AYUB 8:17

Okan-na fefeo-na batu manai dae dale-la; ana fefeo nahele, de ta nanggengo fa.

MAZMUR 116:5

Manetualain ndia, manasue-manalai, ma ndoos ma matetuk; ita Manetualain, henuk no dale kasian.

MAZMUR 119:137

Ou Manetualain, O ndoos ma matetuk, basa O hoholo-lalanem-mala la'en.

MAZMUR 119:75

Ou Manetualain, au bubuluk, ae O nakeketum-ma, ndoos ma matetuk. O huku basa au so, nanahu O lilinekam.

MAZMUR 145:17

Manetualain ndoos ma matetuk nai tatao-nono'in-na dalek, ma henuk no susue-lalaik nai tatao-nono'in lala'ena dalek.

MAZMUR 37:1

Neme Dauk mai. O dalem-ma boso falahaa, nanahu hataholi mangalauk-ka, boso mape'da dalek neu hataholi fo, manatao salak-ka.

MAZMUR 37:35

Au ita hai, hataholi mangalauk esa, ana hii kokolak bafa louk; ndia sama leo ai fo doon-na momo'dok, ma okan-na tola demak-ka.

MAZMUR 51:4

Safe-saa au tatao-nono'i mangalaung lala'ena; tao balisi au neme au sala-singong-nga mai.

MAZMUR 51:6

Soaneu O, ka'da soaneu O mesam-ma, au asala-asingo, ma au tao hata fo O mafa'da mae mangalauk. Hu ndia de, nandaa O huku au, O naketu-nala'dim, ndoos ma matetuk.

MAZMUR 92:7

Hataholi nggoak-ka, ta bubuluk fa, hataholi nggoak-panganaa, ta nalelak dede'ak ndia fa.

AMSAL 1:32

Hataholi fo malelan-na ta dai fa, neukose maten, ma hataholi dudu'a-aafi taak-ka, neukose nakalulutuk, nanahu ana ta taoafik neu fa.

PENGKHOTBAH 8:14

Tehu basa sila-la bafa louk mesak-kana. Mete ka'da hata fo ana da'di nai daebafak ka: Hapu hataholi kamahehelek-ka nanahukuk sama leo hataholi malelesik. Hapu hataholi mangalauk-ka, hapu ngga'di sama leo hataholi kamahehelek. Da'di, ndia boeo manada'di tak.

YESAYA 41:21

Manetualain, fo Israel manen-na, nafa'da lamatua daebafak-kala nae, “Kalaak emi dede'am-ma, ma mafa'da emi buti-butim-mala!

YESAYA 48:8

Au bubuluk, o ta mamahele fa, neme makahulun-na mai, o nananita-nalelak da'di leo manamalelesik. Hu ndia de, o ta bubuluk-kana fa, o ta mamanene dede'ak de'ek esa boen.

YEREMIA 11:20

Boema au hule-haladoi ae, “Ou Manetualain Fo Manakoasa, O manamaketu-mala'dik fo matetuk; O nde so'ba-su'di dudu'a-aafik-ka ma hataholi-la dalen-na. Au dede'ang ia Au fen leo o-a neu. Ela leo been-na o nde ito mutang O bala hataholi-hataholi sila-la tatao-nono'in-nala.”

YEREMIA 12:6

O nana malelesi basak so, lena-lenak neme o tolano ka'a-fa'dim-mala mai; sila boeo sapu-la o. Boso mamahele neu sila, leomae sila hala-kokolan-nala makee-mamina.”

YEREMIA 3:20

Tehu o boeo, ta lilineka neu Au fa, sama leo saoinak fo, manalilineka taak-ka. Au, fo Manetualain nde manakokolak-ka.”

YEREMIA 3:7

Au aedaenga, lelek ana tao basa sila-la soona, neukose ana fali ma'in leo Au mai, te hu ana ta fali ma'i fan, te se'kona neu sosoa-piao. Hu ndia de, Au asi'da on, de Au usi henin. Yehuda, fo Israel tolanon, fo manalilineka taak ndia, nita basa sila-la, tehu ana ta bii-namata'u fa. Lena-lenak, ana da'di manasosoa-piaok,

YEREMIA 32:16

Au fe susulak nase'o-banasak sila lo Barukh neu beoma, au hule-haladoi as,

YEREMIA 5:11

Hataholi Israel-la, ma hataholi Yehuda-la, te'e-te'e ala ke'di-ndiu basa Au so. Au, fo Manetualain nde manakokolak-ka.”

YEREMIA 9:2

Ela leo been-na, au hapu mamana susunguk, nai moo solokaek-ka, ba'eneu hataholi fo, nai leleo-lala'on-na dalek! Soona neukose, au la'oela au leoinang, fo au alai leo naa u, fo au dook-ka eme sila mai. Sila basa-basas manatipu-daik-kala, hataholi manalilineka tak, bubuak esa,

RATAPAN 1:18

Tehu Manetualain nde la'en, nana au la'olena paletan-na so. Hai leoina-la lemin, mamanene au leona, mitak au nai doidosok dale. Basa au ta'eanang-anafe'oanang-ngala nanafook, de loos leo mamana tu'u-tapak neu.

YESKIAL 18:25

Fafa'kama, nggelok lafa'da lae leo ia, ‘Manetualain tatao-nono'in ndia, salan.’ Mamanene leon, hai hataholi Israel-la lemin! Ade, Au tatao-nono'ing ndia, salan do? Emi nde sala dei.

DANIAL 9:14

O, ou Manetualain, fo ami Manetualaim, O huku basa ami nenik sua-soe fo O sadia basan so; O nakeketum-ma la'en tataas esa, ndoos ma matetuk, tehu ami ta nau mamanene O halam-ma fa.

DANIAL 9:7

Ou Manetualain, O nakeketum-ma la'en tataas esa, ndoos ma matetuk tehu ami makamamaek ami aoinam-ma do'e-do'e fo nde: ami basa-basam fo manaleo nai Yudea ma Yerusalem, ma basa hataholi fo leoina esa lo ami, fo O fes tapasasala leo nusa dook-kala ma manadekak-kala, hu kande, ala ta lilineka neu O fa.

HOSEA 6:7

Tehu sama leo nai dae Adam-ma, emi malelesi emi hehelu-balatam moo Au-a.

HABAKUK 1:4

Ala heheta-aa'i hoholo-lalanek, ndoos ma matetuk-ka ta nanaho'un-nahelek la'iesa boen. Hataholi mangalauk-ka sengi hataholi manatao tunga ndoon-na, de ala puta-pai ndoos ma matetuk-ka.

ZEFANYA 3:5

Tehu Manetualain bei nai kota ndia. Ana tao hata ndoos-sa tataas esa, ma Ana beita tao hata masalak fa. Tunga-tunga fafain-na, tao leo bee-o, Ana fe ndoos ma matetuk-ka neu anan-nala. Tehu hataholi fo ta nalelak eno ndoos ma matetuk manai kota ndia fa, ana tao nahele tatao-nono'i mangalauk-ka, no ta nalelak bibii-mamaek fa.

MALEAKHI 2:17

Emi taom-ma Manetualain malua emi kokolam-ma. Tehu emi matane mae, “Da'di tao leo beek, de ami taom-ma Manetualain malua?” No emi mafa'da mae, “Basa hataholi manatao mangalauk-kala, Manetualain, nafa'da nae malole, ma nahiik-kasa.” Do no natatanek, “Manetualain manatao tunga ndoos ma matetun-na ndia, nai bee?”

MALEAKHI 3:15

Ita tita matan, hataholi manakoao-ndaeaok-kala laua-lanale. Hataholi mangalauk-ka, so'dan-na ta ka'da boetai malole ka fa, tehu metema ala so'ba Manetualain dale susue-na, nenik ala tao tatao-nono'i mangalauk, te ala ta hapu susa-soe boen.’ ”

ULANGAN 32:4

Emi manamasala'em-ma nde, Manetualain fo palani tatibatu, ue-le'din matetu-mandaak, ma basa enon-na ndoos ma matetuk. Emi Manetualaim-ma manalilinekak, ma ta masapepeko-masandandalik fa, Ana tao hata fo malole ma la'en.