YEREMIA 11:4 - Susula Malalaok Hehelu Palak Ma Hehelu Beuk

⁴ Hehelu-hoholong ndia Au tao basan neu sila bei-ba'ikain-nala, nai lelek Au O falik-kasa kalua leme Masir mai, fo nusak ndia sama leo tasi ha'i ba'eneu sila. Au adenus lamahele neu Au, ma tao no'i basa hata fo Au paleta basak-ka so. Besak ia Au afa'da basa hataholi Yehuda-la ma Yerusalem laun-nala ae, metema ala lamahele Au soona, neukose sila da'di Au anang, ma sila Manetualain nde Au.

YEREMIA 11:4 ပူးပေါင်းရင်းမြစ်များ

KEJADIAN 17:8

Neukose, Au fe dae ia neu o, ma o tititi-nonosim, fo nde dae fo besak ia, o leon da'di leo hataholi manamai. Basa dae Kanaan-na lala'en-na, neukose da'di o upu-anam pusakan, losa dodoon-na, ma neukose, Au da'di sila Manetualain-na.”

1RAJA-RAJA 8:51

Sila nde been-na O ana mesam, fo O moos kalua leme Masir mai, fo mamanak sila nana tuni-ndenik.

2RAJA-RAJA 18:6

ma ana lilineka neun. Ana beita la'ban nita Manetualain fa. Hizkia tunga no te'e-te'ek, basa Manetualain paletan lala'en fo Ana fen tunga Musa.

KELUARAN 20:6

Tehu, Au atu'du Au susue-lalaing neu hataholi fo manasue-lai Au, ma manatunga Au paletang-ngala, tititi-nonosin lifu-lifun.

YESAYA 30:6

Manetualain hala hehelun-na leo iak, la'eneu basa bana fo manaleo dae kona, “Basa hataholi nadedenuk-kala fua sila keledein ma ontan-nala nenik bua palsen, boema ala la'ok tunga mamanak fo henuk no soe, ma singa, menge malasok, ma buta mali'dak-ka mamana leleon-na. Ala tunu-hotu bua palsen sila-la, neu leoina esa, fo ana ta hapu tulu-fali sila fa.

YESAYA 48:10

Au fola o nai ha'i doidosok dale, sama leo lilofulak-ka, nanafolak nai dapu ha'i dale.

YEREMIA 11:7

Lelek fo Au ofalik sila bei ba'i-kain-nala kalua leme Masir mai-a, Au fes nasanene'dak mahelek, fo ela lamahele neu au. Losa faik ia be, au bei fe ahele au anang-ngala nasanenedak la'eneu dede'ak ndia,

YEREMIA 24:7

Neukose Au fes dudu'a maneu soaneu lalelak lae, Au ia Manetualain. Soona neukose sila da'di Au anang-ngala, ma Au da'di sila Manetualain-na, nanahu ala fali lo Au-a mai no dale katematuak.

YEREMIA 26:13

Hu ndia de tao mahii emi so'dam-ma heheo-hihilu ma emi tatao-nono'im; nanda no tunga emi Amam Manetualaim-ma, fo ela Ana pe'da tatak dudu'an-na soaneu tao namopo-namate emi.

YEREMIA 32:28

Kota ia neukose Au po'ilotak-kana nanakoasak neme Nebukadnezar fo manek Babel-la no basa soloda'dun-nala lala'en-na. Neukose ala latona-na kota ia,

YEREMIA 38:20

Boema au ataa ae, “Ta, Neukose ala ta fe Ama Manek lo sila neu fa. Au dokodoe no namahehenak, fo ela Ama Manek tunga Manetualain hala haituan-na; meten te basa lala'en-na lamadai, ma neukose ala ta tao lisa Ama Manek fa.

YESKIAL 11:20

Boema, neukose ala tunga Au nakaneneteng-ngala, ma ala tunga basa Au paletang lala'en-na, no dale katematuan-nala. Neukose ala da'di Au anang, ma Au da'di sila Manetualain.

YESKIAL 14:11

Au tao basa sila-la, fo ela hataholi Israel-la, boso boe dook-ka leme Au mai, ma boso boe tao langgenggeo aoinan-nala, nenik sala-singok-ka. No enok ndia, neukose ala da'di Au anang, ma Au da'di sila Manetualain.” Au, Manetualain Fo Mademaina, nde manakokolak-ka.

YESKIAL 36:28

Boema neukose, emi leo nusak fo, Au fen neu emi bei-ba'ikaim-mala. Neukose emi da'di Au anang, ma Au boeo, neukose da'di emi Manetualaim-ma.

YESKIAL 37:23

Neukose, ala ta tao langgenggeo seluk aoinan-nala, nenik ala tao sala-singok, ma sene-do'ok neu sosongo-tatangok fo, nanamaluak ndia so'on. Neukose, Au soi-po'is leme mamanak fo ala tao sala-singok-ka mai, nalosa ala mulai lalelesi Au. Neukose Au tao alalaos, fo ala da'di Au anang, ma Au da'di sila Manetualain.

YESKIAL 37:27

Neukose, Au leo sama-sama os, fo Au da'di sila Manetualain, ma sila da'di Au anang.

DANIAL 3:26

Boema Nebukadnezar neu de napadeik deka ha'i manafolokakaak ndia lelesun-na, ma naloo bou-bou nae, “Sadrakh, Mesakh ma Abednego, Manetualain Fo Mademaina, atan-nala lemin! Kalua meme ha'i manafolokakaak ndia dalek mai leon!” Boema ala kalua leona.

IMAMAT 26:12

Neukose, Au sama-sama o emi; neukose Au da'di emi Manetualaim, ma emi da'di Au anang.

IMAMAT 26:3

Metema emi maso'da tunga Au nakaneneteng-ngala, ma tunga Au paletang-ngala

ZAKHARIA 13:9

Neukose maso'dak ka'da baba'ek esa neme baba'ek 3 mai. Ma neukose, Au tao alalao-alalafu hataholi sila, sama leo ha'i tao namaneu lilofulak-ka. Neukose Au so'bas, sama leo hataholi-a, ana fola lilopilas-sa. Boema neukose, ala hule-haladoi neu Au, fo neukose, Au ataa huhule-haladoin-nala. Neukose Au afa'das ae, sila nde been-na, Au anang, ma sila boeo, neukose manaku lae, Au nde Manetualain fo sila Manetualain-na.”

ZAKHARIA 6:15

Neukose hataholi-la, ala mai leme mamana dook-ka mai, fo ala tulu-falin, fo lafofo'a falik Au Uma nga. Metema tao basa uma ndia soona, neukose ala bubuluk, lae Au Manetualain Fo Manakoasa, nde nadenu basa o, leo sila neu so. Neukose basa sila-la, ala da'di, metema te'e-te'e ala tao tunga Au, Manetualain fo sila Manetualain, paletan-nala.”

ZAKHARIA 8:8

fo Au o falik-kasa leme dulu ma leme muli mai, fo ala leo seluk lai Yerusalem. Neukose sila da'di Au anang, ma Au da'di sila Manetualain. Neukose Au paletas no lilinekak ma tunga ndoos ma matetuk.”

MATEOS 28:20

Boema manolis, fo ala tao tunga basa hata fo Au paleta basan neu emi a. Ma mafandendelek te, neukose Au o ahele emi losa fai mate'e ka.”

2 KORINTUS 6:16

Tututi na leo beek nai Manetualain Uma na no Uma sosongo-tatango ka tala'da? Ita ia, Manetualain uman, fo nde Manetualain fo maso'da ka. Manetualain nafa'da nae, “Neukose Au leo nai sila tala'da heon, ma Au aso'da sama-sama os. Neukose Au da'di sila Manetualain, ma neukose sila da'di Au hataholi kamaheheleng.

ULANGAN 11:27

Neukose emi hapu baba'e-papalak, metema emi tunga, emi Manetualaim-ma paletan fo faik ia, au anduku-alosak-kana neu emi.

ULANGAN 4:20

Tehu emi nde been-na, leoina fo nanasoi-tefak neme Masir mai, mamanak fo emi doi-doso manseli. Noo emi kalua meme nusak ndia mai, fo ela emi da'di Ndia leoinan, sama leo besak ia.

ULANGAN 5:6

‘Au nde emi Manetualaim-ma, fo mananoo emi kalua meme Masir, fo mamanak emi da'di ata.

IBRANI 5:9

Hu ndia de, nananakadada'di basak da'di mana soi-tefa fo matetu-mandaak, boema Ana da'di oe mata so'da molek fo mana ketu basa ta ka, ba'eneu hataholi fo mana makatele neun nana,

SEMUEL SUSULAK-KA ESAN-NA 15:22

Tehu Semuel nae, “Beek kande, Manetualain nahiik-kana, tunga do fe tutunu-hohotuk? Tunga neu Manetualain, nde mole lena neme tunu-hotu tutunu-hohotuk. Tunga no dale katematuak, malole lena neme bi'ilopo mina mai.