YEREMIA 11:19 - Susula Malalaok Hehelu Palak Ma Hehelu Beuk

¹⁹ Au sama leo bi'i lopo-a fo ta pake dudu'a-dodok so'on, te nenin leo mamana dodo'dok-ka neu. Au ta bubuluk fa te, au nde da'di sila dudu'a-aafi mangalaun-na isin-na. Sila lafa'da lae, “Mai fo ata lo'o heni ai ia, beidai ana bei nabuna-naboa ia; Ita tao tamate-tamopon fo ela hataholi lasanggango heni na'den-na.”

YEREMIA 11:19 ပူးပေါင်းရင်းမြစ်များ

AYUB 28:13

Manatee-tenok-ka, ta nai hataholi daebafak-ka tala'da heon fa; ta hapu hataholi bubuluk beli mate'en-na fa.

MAZMUR 109:13

Nemen-na fo, basa tititi-nonosin lala'ena, nanatao namopo-namatek, ma bobongi makabuik-kala, lafandele heni na'den-na.

MAZMUR 112:6

Hataholi malole-a, hapu buna-boak tataas esa, nai ue-osan-na dalek; neukose ta lafandele heni fan, losa dodoon-na.

MAZMUR 116:9

Boema, au bole aso'da nai daebafak ia, fo nai Manetualain nasulu-nahapan-na dalek.

MAZMUR 142:5

Lelek au lipa leo boboak u, te au ta ita, manatulu-manafali ba'eneu au fa. Ta hapu manamasulu-mahapa ba'eneu au, do manataoafik neu au aoinang-nga fa.

MAZMUR 27:13

Au amahele, neukose au la'ola'di Manetualain dale malolen-na, nai au maso'dang-nga dalek, nai daebafak ia.

MAZMUR 31:13

Au nananafandele henik, sama leo hataholi manamatek-ka, ma au da'di sama leo, buas fo nanatapa henik-ka.

MAZMUR 35:15

Tehu nai lelek au susa, sila lamahoko, ma lakamomotu-la au, fo ala la'ban au. Ala la'ok sama leo hataholi ei helak-ka, fo lakamumulu-lakamamaek au.

MAZMUR 52:5

O sue-lai tatao-nono'i mangalauk-ka neme tatao-nono'i malole-a mai, o hii masapepeko-masandandali neme o mafa'da tunga ndoon-na.

MAZMUR 83:4

Ala tutu'u eno ke'di-ndiuk soaneu la'ban O anam-mala; ma lakokolaok fo la'ban hataholi fo, O masulu-mahapak-kala.

AMSAL 10:7

Mafandele hataholi malole-a soona, ndia nalupa baba'e-papalak, tehu hataholi mangalauk-ka, nana nafandele henik no lai-laik.

AMSAL 24:15

Boso sama leo hataholi mangalauk-ka, fo lalahalak lamanako hataholi dale ndoos-sa, fo latona-la uman-na.

AMSAL 7:22

Ana ta pake dudu'a naluk fa, te ana tunga inak ndia sama leo sapi-a nanafok leo mamana dodon-na neu ma sama leo hataholi nanahukuk fo loon soaneu sipo huhukun-na fo nanasadiak ba'eneu hataholi dudu'a-aafi taak-ka;

YESAYA 32:7

Boema hataholi manatipu-daik esa, ana dudu'a-dodoo hata fo mangalauk. Ana sanga enok, soaneu tao soe hataholi nuu taa-hata taak-ka, nenik dede'a-kokola pepekok, ma ana kena-ka'is soaneu hapu sila haak-ka.

YESAYA 38:11

Au afa'da ae, au ta akanae Manetualain nai daebafak-ka so'on, do au ita hataholi daebafak-ka, nai daebafak ia fa.

YEREMIA 18:18

Hataholi-la lafa'da lae, “Mai fo ata tao naabua makahatuk soaneu la'ban Yeremia. Ta ka'da ndia mesak-kana kokolak no Manetualain fa. Te neukose hapu imam fo manamanoli-manamafa'da, hapu hataholi manatee-tenok fo ana hapu fe nanoli-nafa'da; ma hapu nabi fo ana bisa nanduku-nalosak hehelu-hoholok neme Manetualain neu ita. Mai fo ita kalak-kana lo manamaketu-mala'di-la neu, fo ela ita ta tamanene dede'a-kokolan seluk fa.”

YEREMIA 20:10

Au amanene hataholi-la lamakukutuk nai basa mamanak-kala, “De bibii-namata'uk-ka boetai namatuak-ka! Mai fo tafa'da lo manakoasa!” Nakalenak basa u tia-laing-ngala lala'en-na lahani au tutu'dang-nga. Ala lafa'da lae, “Fafa'kama nenik fufu'di-oodok, ndia ita hapu tao takalan, fo ela ita hapu balas nanape'da-dalek neun.”

YEREMIA 26:8

Au po'a-benga basa Manetualain hala haituan fo ana paletak ndia tutik-ka, ala ho'u-la au ma ala eeki lae, “O muse mate!

YESKIAL 32:24

Elam maten de latoi nai naa, de solda'dun-nala laten-na okofefeo-lan. Sila basa-basas mate lai natee-natatik-ka dale, tehu nanasunat bei tak-kala, boema ala kona leo hataholi manamatek-kala, mamanan-na leu. Lelek bei laso'da, leni bibii-namata'uk, tehu besak ia, mates so, de muse ala lu'a-lepa mamaek-ka, sama-sama loo hataholi manamatek manai natee-natatik dale-la.

DANIAL 9:26

Nai tepo-lelek ndia mate'en-na, mauli-malangan fo Manetualain helek sila-la, neukose nanataonisak, te se'kona salan ta. Soona mane mabe'i-balakaik esa solda'dun-nala mai, boema ala tao lakalulutuk kota Yerusalem-ma ma Manetualain Uman-na. Neukose tepo-lelek ndia mate'en-na, ana mai sama leo faa matuaina, fo neni natee-natatik, ma nakalulutuk, sama leo Manetualain naketu basan so.

HOSEA 9:8

Manetualain nadenu au, da'dileo nabi, soaneu fe nasanene'dak neu emi, fo anan-nala, tehu au u leo bee u boe, emi sanga enok, fo makahihi'ik au sama leo manupui-a. Laun-na musu no ami fo Manetualain nabin-nala, nai Manetualain nusan-na.