YEREMIA 11:12 - Susula Malalaok Hehelu Palak Ma Hehelu Beuk

¹² Boema hataholi Yehuda-la ma Yerusalem laun-nala leu loke tutulu-fafalik neu lamatua daebafak fe'ek fo sila koa-kion no fe tutunu-hohotuk neu-a. Lamatua daebafak ndia neukose ta soi-tefa sila nai lelek susa-soe ndia mai-a fa.

YEREMIA 11:12 ပူးပေါင်းရင်းမြစ်များ

2TAWARIKH 28:22

Nai maso'dak fo henuk no toto'a-tataak ndia dalek, Ahas boetai tao sala-singok neu Manetualain.

YESAYA 45:20

Manetualain nafa'da nae, “Makabubua, fo mai sama-sama, hai emi basa-basam fo, maladeak neme leoinak-kala tala'da mai! Hataholi fo, ala ho'i leni ai nanadoki-dulak-ka, fo ala la'ok benongo okofeo nggolok-ka, ma hataholi manahule-haladoi neu lamatua daebafak-kala, fo ta hapu soi-tefa-nala fas-sala, hataholi nggoak-kala.

YESAYA 46:7

Dodoki-dudulak ndia, nanapakuk, ma nanape'dak nai mamanan-na, ana napadeik nai ndia, ma ta hapu laliheok-kana fa Metema, hataholi hule-haladoi neun soona, ana ta nataa fa, ma ana ta soi-tefa-nala fan, neme toto'a-tataan-na mai fa.

YEREMIA 18:15

Tehu Au anang-ngala lasanggango heni Au so, de ala hotu boomenik soaneu sosongok-tatangok-ka. Ala lakatunu lai enok makahulun eli, fo sila muse tungak-ka, boema ala singo leo enok fo nanatao natetu bei taak-ka.

YEREMIA 2:28

Emi taom-ma, emi sosongo-tatangom-mala lai bee? Metema hapu toto'a-tataak soona, madenus fo ala soi-tefa-la emi, metema ala bisa soi-tefa! Hai Yehuda, o lamatua daebafam-mala de'u o kotam-mala!

YEREMIA 44:8

Tao le'e de emi tao dede'ak fo ana taon-na Au amanasa? Emi mai de leo nai Masir, fo nusa dea ba'eneu emi ndia, boema emi songo-tango ma fe tutunu-hohotuk neu nusak ndia lamatua daebafan-nala. Ade emi nau tao makalutuk emi aopam-ma fo ela emi nananakaumulu-nakamamaek neme basa leoina manai daebafak ia lala'ena-na, ma emi na'dem-ma nanapakek da'di leo supa-sook do?

ULANGAN 32:37

Soona, Manetualain natane anan-nala nae, ‘Emi mamahena lamatua daebafak fe'ek fo, mabe'i-balakaik-kala, lai bee?’

ULANGAN 32:38

Sila la'a paa mina fo, emi tunu-hotuk-ka ma linu angol fo, emi tunu-hotuk-ka. Maloos fo, ala mai tulu-fali emi, nemen-na fo, ala da'di emi manasulu-mahapam.

HAKIM-HAKIM 10:14

Ka'da meu leo lamatua daebafak, fo emi helek ndia. Maloo bou neus! Nemen-na, fo sila nde da'di manatulu-manafali, nai lelek emi nai toto'a-tataak-ka dalek.”