YEREMIA 11:11 - Susula Malalaok Hehelu Palak Ma Hehelu Beuk

¹¹ Hu ndia de, Au, fo Manetualain, fe nasanene'dak ae, neukose Au eni fe sila susa-soe de sila ta hapu laladeak fa. Metema ala lalo bebou, loke tutulu-fafalik neme Au-a mai soona, Au ta nau amanene fa.

YEREMIA 11:11 ပူးပေါင်းရင်းမြစ်များ

2RAJA-RAJA 22:16

Manetualain dede'a-kokolan nde ia nae, “Neukose, Au huku Yerusalem no basa laun-na lala'en-na, sama leo hata fo, nanasulak nai susulak fo, besak-ka manek-ka lees ndia dalek

2TAWARIKH 34:24

‘Neukose Au huku basa Yerusalem no basa laun-nala lala'en-na nenik so so-susupak fo nanasulak nai susulak ndia dalek, de ala lees fen neu manek-ka. Susulak ndia isi-liin nae,

AYUB 35:13

Ala nggasi lapane'e lanseli, tehu manada'di tak; Ndia Fo Manakoasa, ta mete do namanene fas.

MAZMUR 18:41

O taom-ma, au musung-ngala lalai leme au mai; hataholi fo ala lakamuu-lakadau au-a, au tao amopo-amates.

MAZMUR 66:18

Metema au nau dudu'a-dodoo mangalauk nai au daleng dale soona, tao leo bee-o, Manetualain ta nau namanene fan.

AMSAL 1:28

Nai lelek ndia, neukose emi maloo au, tehu neukose, au ta ataa fa. Neukose emi sanga au nai basa mamanak lala'ena, tehu emi ta matongo moo au fa.

AMSAL 29:1

Metema nanoli-nafa'da see, fo ana la'ban nakandoo soona, neu faik esa te, neukose nakalulutuk, fo ta bisa tao matalololen fa.

YESAYA 1:15

Metema, emi so'uk emi limam-ma, fo emi hule-haladoi soona, Au ta nau taoafik neu fan. Au ta paluu emi huhule-haladoim dede'un-na de'ubee fa, ma Au ta nau amanene fan, nana emi manisa la'i ba'uk-ka nenik emi limam ndia so.

YESAYA 24:17

Mamanene leon, hai basa daebafak-ka laun-nala lemin! Tasi'bu, meo besik, hihi'ik, lahani emi.

YEREMIA 11:14

Hu ndia de, Yeremia, boso hule-haladoi soaneu sila, ade moke tutulu-fafalik neme Au-a soaneu sila. Metema sila mai dudu'a-aafi makale'ok-ka dalek fo loke tutulu fafalik neme Au-a mai soona neukose Auta nau amanene fas.”

YEREMIA 11:17

Au nde apadedeik Israel ma Yehuda, Au, Manetualain Fo Manakoasa. Tehu besak ia Au dudu'a basa soaneu Au eni fe susa-soe neu sila. Sila nde tao aon basa sila-la, nanahu la tao basa mangalauk so, fo nde ala fe tutunu-hohotuk neu Baal-la, de nalosa Au amanasa.”

YEREMIA 14:12

Leomae ala oka aon-nala boeo, Au ta nau taoafik neu sila nalolou fo loke tutulu-fafalik fa; ma leomae ala fe Au tunu-hotu nanatunuk ma tunu-hotu gandum, boeo neukose Au ta amahoko neu hataholi sila-la fa. Nasafalin-na neukose Au tao amate-amopos nenik natee-natatik, la'a-ndoes ma he'di-laus.”

YEREMIA 14:2

“Yehuda dale he'dis kota-kota-nala hihi maten. Hataholim-mala langape'uk nai dae-a ma lasasaledale. Yerusalem lakadi beau loke tutulu-fafalik

YEREMIA 15:2

Metema ala latane neu o lae, sila muse leu leo bee leu, soona matas mae leoia, ‘Manetualain nafa'da nae, fo nananaketu basak soaneu maten nanahunamahe'di soona nemena fo maten nanahu he'di-laus. Fo nananaketu basak soaneu mate nai netee-natatik-ka dalek soona, nemena fo maten nai natee-natatik dalek. Fo nananaketu basak soaneu maten nanahu la'a-ndoes-sa soona, nemena fo maten nai la'a-ndoes-sa dalek! Fo nananaketu basak soaneu nanafook, nemena fo nanafua nenik da'di leo nanafook-ka!’

YEREMIA 18:11

Manetualain nafa'da neu au nae, “Besak ia mafa'da meu hataholi Yehuda-la ma Yerusalem laun-nala mae, Au sanga tao dudu'a-dodok soaneu la'ban sila, ma sadia huhukuk soaneu sila. Madenus fo ala hahae sila so'da-molen fo masala-masingok ndia, boema tao lahii sila ha'da-paliin ma tatao-nono'in-nala.

YEREMIA 19:15

ae, Manetualain Fo Manakoasa, Fo Israel Manetualain-na nafa'da nae leo ia, “Hu ka nde emi malanga batu ma ta au mamanene fa, de neukose Au uni fe kota ia ma basa nggolo ta'duk manai boboa kaisun-nala, ma susa-soe lala'en-na fo Au dudu'a basas.”

YEREMIA 19:3

Au muse afa'da leo ia, “Hai Yehuda manen-nala ma Yerusalem laun-nala lemin! Mamanene hata fo Au, Manetualain Fo Manakoasa, fo Israel Manetualain-na, sanga kokolak no emi. Neukose Au uni susa-soe fo matuaina lo mamanak ia mai, de nalosa hataholi fo manamamanenek-kala nggenge.

YEREMIA 23:12

Hu ndia, de sila enon-na neukose talimo'dis-sa ma makahatuk-ka, de nalosa ala lo'do de la tu'u leu. Neukose Au uni soe ba'eneu sila, metemea fain-na losa soaneu huku-doki sila. Au, Manetualain nde manakokolak-ka.

YEREMIA 25:35

Tao leo beo neukose emi ta maladeak fa.

YEREMIA 35:17

Hundia, de Au, Manetualain Fo Manakoasa, fo Israel Manetualain-na, neukose uni fe emi hataholi Yehuda-la ma Yerusalem-mala – basa totoa-tataak fo Au aketu basan soaneu emi, sama leo hata fo Au afa'dak-ka. Au afa'da dede'ak ndia nanahu emi ta nau mamanene, metema Au kokolak o emi, ma emi ta nau mataa fa metema Au alo emi.”

YEREMIA 36:31

O, ma o tititi-nonosim, ma basa o mauli-malangam-mala neukose Au huku-doki nanahu sala-singok fo emi tao-no'ik-kala. Neukose Au uni fe emi basa usa-soe fo Au tuni-ndenin neu emi, nanahu leomae o mo Yerusalem ma Yehuda laun-nala ta tao afik neu Au tutuni-ndendening ndia fa.”

YEREMIA 6:19

Taoafik leon, hai daebafak-konei! Au anang-ngala, ta nau sipok Au nanoling-nga, ma ala ta nau tunga Au fa. Au fe soe-a la'es, fo da'di leo sila dale tutu'un-na, buna-boan.

RATAPAN 2:22

O ka'i musu fo ami bii-mamata'uk-kala soaneu tao feta-dote dale susue-lalai tak-ka nai ami boboa-kaisum. Ala taolisa la'iesak sila fo ami makabobois ma sue-lais. Nai O fai nasa-melum-ma, ta hapu hataholi esa boen bisa nalai fa.

YESKIAL 14:3

“Hai hataholi daebafak fo, manasapu-manalalok-konei, hataholi ia-la, lase'o basa so'dan-nala neu sosongo-tatangok so, nalosa ala tu'da leo sala-singok dale leu. Masa bole ala nau latane Au dale hihiing-nga?

YESKIAL 7:5

Manetualain Fo Mademaina, nafa'da leoina Israel-la, dede'ak-ka nde ia, “Neukose soe esa basa soona, soe esa mai, fo ana tuni-ndeni-na emi.

YESKIAL 8:18

Neukose, ala lame'da lita, Au nasa-melung matuainang-nga! Neukose, Au ta fes do'o do ampon fa. Leomae ala nggasi, fo besak-ka ala hule-haladoi neu Au boe, Au ta nau amanene sila hule-haladoin ndia fa.”

AMOS 5:19

Heo-hilun sama leo hataholi fo nalai neme singa mai, tehu natongo no meoasu-a. Do sama leo, hataholi fo ne'un leo uma neu, de ana to'ba liman-na neu uma papala nanadaman-na, boema menge kaan!

MIKHA 3:4

Neukose fain-na losa, emi nggasi moke tutulu-fafalik neu Manetualain, tehu Ana ta nau nataa fa. Neukose Ana ta namanene emi huhule-haladoim fa, nanahu emi tao tatao-nono'i mangalauk so.

ZAKHARIA 7:13

Au ta ataa huhule-haladoin-nala fa, nanahu sila boeo ta lamanene Au, nai lelek Au kokolak fa.

1 TESALONIKA 5:3

Nai faik fo hataholi a nafa'da nae, basa hata lala'na neenee-lino linok ma malole mesa-mesan soona, nai faik ndia nde, susa-soe a, ana mai no kaiboik fo tuni-ndeni nalas, sama leoinak esa nameda he'di bobongik, nai lelek fo ana sanga bongi a.

IBRANI 1:3

Ndia nde nangale'do Manetualain matua-mademan, fo mandela-masa'a ka; Ndia nde dulak fo mangale'dok neme Manetualain ao ina na mesa kana. Ndia boeo nde nakaboboi lalai no daebafak maloa ia matea-mahelen ninik dede'a-kokolan fo mana koasa matua ina na. Ana soi basa enok fe hataholi daebafa ka soaneu nanasoi-po'ik neme sala-singo nala mai boema, Ana nangatuuk kandela mana paleta nai nusa so'da ka sama-sama no Manetualain fo Mana koasa ma madema ina.