YEREMIA 10:7 - Susula Malalaok Hehelu Palak Ma Hehelu Beuk

⁷ See ndia fo ana ta nau namahele fa, neu O, manek la'eneu leoina-la? Te'e-te'e o manafe ha'da-holomata nanseli. Neme basa malelak fo manai leoina-la tala'da ma neme basa sila manen-nala mai, ta hapu hataholi esa boen naksasamak no O fa, Ou Manetualain.

YEREMIA 10:7 ပူးပေါင်းရင်းမြစ်များ

2RAJA-RAJA 17:39

Tunga Au, fo emi Aman Manetualaim-ma, soona neukose, Au po'i emi neme emi musum-mala mai.”

1 TAWARIKH 16:25

Nana Manetualain matuaina ma nanakoa-nanakiok nanseli; Ndia muse nanabii-namata'uk lena neme basa lamatua daebafak lala'en-na mai.

ESTER 1:13

Manek-ka biasa noke hataholi malelaina-la hahapun-na, la'eneu dede'a hoholo-lalanek, ma ha'dak-ka. Hu ndia de, naloo-na, hataholi fo nanoli-nafa'da nalelak, hata fo muse ana taon, la'eneu dede'a matak leondiak-ka.

MAZMUR 147:5

Tete'ek-ka, ita Manetualain matua ma anseli, manatee-tenon-na, too-lanen ta.

MAZMUR 22:28

Neukose basa leoina-la lafandele neu Manetualain fo ala fali ma'is, basa leo ma leoina lala'ena, neukose ala sene-do'ok-kana.

MAZMUR 47:3

Nana Manetualain Fo Mademaina nde been-na, anseli nanseli, Mane Matua-madema fo manakoasa daebafak-ka lala'ena.

MAZMUR 72:11

Basa manek-kala, neukose ala sene-do'ok nai matan-na, basa leoina lala'ena, da'di atan-na.

MAZMUR 76:7

Basa ndala-la loo hataholi manasa'en-nala, tu'da de mates hu kande, O nasapalam-ma, ou Yakob Manetualain-na!

MAZMUR 86:8

Ou Manetualain, ta hapu lamatua daebafak sama leo O fa, ta hapu hataholi bisa tao hata fo, O taon fa.

MAZMUR 86:9

O makadada'dik basa leoina-la, neukose ala mai, ou Manetualain, fo ala sene-do'ok neu O, ma ala koa-kio O matua-mademam.

MAZMUR 89:6

Nakabuak manai nusa so'dak-ka, koa-kio O tatao-nono'im fo matabeuk, ma lakamee O lilinekam, Manetualain.

KELUARAN 8:10

Manek ndia nataa nae, “Balahaa soona, hule-haladoi fe au.” Musa nae, “Neukose au tao atetu au Ama Maneng-nga nonoken-na. Soona neukose, au Ama Maneng-nga bubuluk, nae ta hapu Manetualain fe'ek, sama leo Manetualain, fo ami Manetualaim-ma.

KELUARAN 9:14

Oek ia soona, neukose Au fe soe-a ta la'e ka'da manapaleta-la, ma laun-nala mesak-kana fa, tehu neu o boe, fo ela o bubuluk, mae ta hapu hataholi nakasusu'dik no Au, nai daebafak-ka lala'en-na fa.

YESAYA 2:4

Neukose naketu-nala'di nai leoina-la tala'da, ma naketu dede'ak nai leo-leo ma leoina-la tala'da. Neukose tafaina nanatutuk da'di tata'tis, ma tee-a taon da'di dope keke'di na'u. Leoina-la, esa ta sapu-na esa so'on, boeo ta laheheleao sanga latee-lata'ti fa.

YEREMIA 10:6

Manetualain do mandela masa'ak, ta hapu sama leo O fa, O na'dem-ma matua-madema ma henuk no koasa.

YEREMIA 5:22

Au nde Manetualain-na; te tao le'e de, emi ta bii-mamata'u neu Au fa? Tunga ndoon-na, emi muse dele ngge'be-ngge'be neu Au! Au nde tao tasi su'un-na, da'di tasi too-lanen, fo ta hapu la'o lena fan, losa dodoon-na. Tasi fo'a, fo lii-la napoponu, tehu ana ta hapu lena dae too ndia fa.

DANIAL 2:27

Danial nataa nae, “Ama Manek, ta hapu hataholi malelaina, dukun malelak, mananafa'da nalelak manda'dik manamaik-ka, do malela nduuk-kala hapu lafa'da dede'ak ndia neu Ama Manek.

DANIAL 2:28

Tehu nai nusa so'dak-ka, hapu Manetualain, fo Ana soi heni basa bibila-babaak lala'en-na so, de nafa'da basa Ama Manek, hata fo ana da'di nai fai makabuin. Besak ia, fe atam-a loak soaneu nafa'da mangalele'do me'is ma ninitak fo Ama Manek hapun nai lelek Ama Manek sungu ndia.

HABAKUK 3:2

Ou Manetualain, au amanene la'eneu O tatao-nono'im boema, au ame'da nai au daleng dale, henuk no malela ka. Sa'di leo been-na, O tao la'iesa seluk, tatao-nono'i matuaina ndia. Ma O mafa'dan nai ami tepo-lelem ia. Ela leo been-na, O sue-lai ami, leomae O dalem-ma namahana loo-loo.

ZAKHARIA 2:11

Nai lelek ndia, neukose leoina makadotok, ala mai leo Au mai, fo ala da'di Au anang. Neukose, Ana leo nai emi tala'daheom, ma neukose emi bubuluk, mae Manetualain haitua basa au leo emi neu so.

MALEAKHI 1:11

Basa leoina manai daebafak-ka lala'en-na, ala fe ha'da-holomata neu Au. Ala tunu boomenik, su'di nai bee-bee boe, fo ala fe ha'da-holomata neu Au na'deng-nga, ma ala tunu-hotu tutunu-hohotuk-ka nandaa, nana basa leoina-la, ala fe ha'da-holomata neu Au!

LUKAS 12:5

Malole na Au atu'du fe emi, see ka nde emi muse emi bii-mamata'u nana. Bii-mamata'u leona neu Manetualain! Nana Ana ho'i basa ani haha'e ka soona, nanuu koasa boe, soaneu tapa emi leo tasi ha'ik dale neu. Te'e-te'e Ndia nde muse emi bii-mamata'u nana!

1 KORINTUS 8:6

Tehu ba'eneu ita soona, Manetualain ka'da esa. Ndia nde Amak, fo mana makadada'dik basa hata lala'ena. Fo ita taso'da soaneu Ndia. Ma Lamatuak ka'da esa boe, fo nde Yesus Kristus. Tunga Ndia de, Manetualain nakadada'dik basa hata lala'ena, ma hu ka nde Ndia boe, de ita taso'da.

YOSUA 4:24

fo ela basa hataholi manai daebafak-ka bubuluk, Manetualain koasan-na ba'un-na seli. Ma no enok ndia boe, neukose emi fe ha'da-holomata neu emi Manetualaim-ma, losa dodoon-na.”

NINITAK 11:15

Boema ata nusa so'da kahitu puu pupuu na, boema nai nusa so'da ka hala kala nananamanenek bela na seli nafa'da nae, “Koasa soaneu paleta daebafa ka besak ia nai ita Manetualain ma Mane Mana Fe So'dak fo nanahelu ka, liman dale. Neukose Ana paleta losa dodoo na!”

NINITAK 15:4

See ka nde ta bii neu O fa Lamatuak? See ka nde ta nau tui-benga O matua-mademan fa? Ka'da O mesa ma nde malalaok. Basa leoina lala'ena neukose ala mai sene-do'ok neu O, nanahu O tatao-nono'im tunga matetu na, basa hataholi la litan so.”