YEREMIA 10:5 - Susula Malalaok Hehelu Palak Ma Hehelu Beuk

⁵ Dodoki-dudulak sosongo-tatangok sila-la sama leo hataholi nai osi aido dale. Sila ta hapu kokolak fa, ta hapu nggani ein-nala fa, ma muse so'us. Boso bii-mamata'u neus, nana ala ta tao mangalauk neu emi fa; Ta lakatatakak tao malole boen fa.”

YEREMIA 10:5 ပူးပေါင်းရင်းမြစ်များ

1RAJA-RAJA 18:26

Boema ala hele la sapi esa de ala sadia lan. Basa boema ala hule-haladoi neu Baal-la neme fafain ndia losa le'dohana no ala nggasi-nggasi mesan lae, “Mataa ami leon, Baal-la!” Ala tao dede'ak ndia no ala foti longe okofefeok sila mei tunu-hotu na. Tehu ta hapu hala natataak makandondook fa.

2TAWARIKH 25:15

Tatao-nono'in ndia taon-na Manetualain namanasa nanseli. Ana nadenu nabi esa neu leo Amazia neu. Nabi ndia nafa'da nae, “Tao le'e de Ama Manek sene-do'ok neu leoina fe'ek lamatua daebafan fo ana ta hapu soi-tefa-na leoinan neme Ama Manek koasan-na mai fa?”

YESAYA 16:12

Hataholi Moab-pala sota-mangu kae pupuku tunu-hotuk-ka, fo leo sila mamana makaluku-makatelen-na leu, soaneu hule-haladoi, tehu buna-boan ta.

YESAYA 45:20

Manetualain nafa'da nae, “Makabubua, fo mai sama-sama, hai emi basa-basam fo, maladeak neme leoinak-kala tala'da mai! Hataholi fo, ala ho'i leni ai nanadoki-dulak-ka, fo ala la'ok benongo okofeo nggolok-ka, ma hataholi manahule-haladoi neu lamatua daebafak-kala, fo ta hapu soi-tefa-nala fas-sala, hataholi nggoak-kala.

YESAYA 46:1

Babel lamatua daebafan-nala, babasan-na nde ia; makahulun-na, dodoki-dudulak Bel ma Nebo, nanasene-do'ok, tehu besak ia, nanafuak nai bana-manu lain, de ala da'di lelepa mabela, soaneu bana-manu manasota-manguk-ka.

YESAYA 46:7

Dodoki-dudulak ndia, nanapakuk, ma nanape'dak nai mamanan-na, ana napadeik nai ndia, ma ta hapu laliheok-kana fa Metema, hataholi hule-haladoi neun soona, ana ta nataa fa, ma ana ta soi-tefa-nala fan, neme toto'a-tataan-na mai fa.

YEREMIA 10:14

Hataholi daebafak-ka nita basa sila-la boema lame'da, lae ndia nggoak ma ta nanuu dudu'a-aafik fa. Basa manatao nalelak lilopilas mopo matan-nala, nana sila tao dodoki-dudulak sosongo-tatangok ndia ta te'e-te'ek fa ma hahaen ta.

1 KORINTUS 12:2

Mafandendelek te, nai lelek fo emi beita malelak Lamatua ka, ala dudungu-papau emi fo emi sene-do'ok neu sosongo-tatango hala-kokola ta ka.

1 KORINTUS 8:4

La'eneu na'a nana'ak fo nanafe basak neu sosongo-tatango ka, ita bubuluk tae, tunga ndo na sosongo-tatangok ta. Boema ita boeo bubuluk basa, Manetualain ka'da esa; ta hapu fe'ek so'on.

ULANGAN 4:28

Nai ndia, neukose emi sene-do'ok neu hataholi daebafak-ka taon-na lamatua daebafak-kala, lamatua daebafak fo nanataok neme ai-batu mai, fo ana ta hapu nita do namanene, ana ta hapu na'a ma ana ta hapu de'i fa.