YEREMIA 10:15 - Susula Malalaok Hehelu Palak Ma Hehelu Beuk15 Sosongo-tatangok sila beli taak-kala, nanda nanahokinonolik ma nananakadadaek. Metema losa fain-na soona sila mopo-mate. အခန်းကိုကြည့်ပါ။ |
Mamanene! Te nai nusak-ka lala'en-na nadodolo, au leoinang kii ma lakadii-lakau no latane lae, “Ade Manetualain ta nai Sion so'on do? Manen-na, besak ia nai bee so?” Manetualain, fo sila manen-na nataa nae, “Tao le'e de, o sene-do'ok neu lamatua daebafak-kala, fo sosoa-ndandaan ta makandondook ndia fa? Tao le'e de, o tao makahehe'dik Au daleng-nga, nenik sene-do'ok neu sosongo-tatangok-kala?”
“Wei, te tao le'e de emi tao tataos ia? Ami ia hataholi daebafak sama leo emi boe! Ami nai ia nana, ami tui-benga Hala Malole ndia neu emi, fo ela emi tu'u-tapaheni emi tatao-nono'i sosoa-ndandaa tak ia, fo mai leo Manetualain fo maso'dak, ma mana makadada'dik lalai ma daebafa ka, boema tasi no oe isin lala'ena.
Neukose Au tao ha'i neu Masir lamatua daebafan-nala uma sosongo-tatangon-nala, ma neukose manek Babel-la hotuheni patong sosongo-tatangok manai uma sosongo-tatangok-ka ado ana ho'i nenis lo nusa-namon neu. Sama leo hataholi nanafoo sa tao balisi bua-lo'an neme utu-tuma, leondiak boe neukose manek Babel-la sasapu balisi Masir boema ana la'o seluk no ta hapu esa nanggengek-kana boen.