YEREMIA 10:14 - Susula Malalaok Hehelu Palak Ma Hehelu Beuk

¹⁴ Hataholi daebafak-ka nita basa sila-la boema lame'da, lae ndia nggoak ma ta nanuu dudu'a-aafik fa. Basa manatao nalelak lilopilas mopo matan-nala, nana sila tao dodoki-dudulak sosongo-tatangok ndia ta te'e-te'ek fa ma hahaen ta.

YEREMIA 10:14 ပူးပေါင်းရင်းမြစ်များ

MAZMUR 14:2

Manetualain mete hataholi daebafak-ka, neme nusa so'dak-ka mai, fo Ana sanga hataholi manatee-tenok fo, manasene-do'ok neun-na.

MAZMUR 92:6

Ou Manetualain, O tatao-nono'im matuaina nanseli, O dudu'a-aafim deman-na seli!

MAZMUR 94:8

Hai au leoinang-ngala lemin, boso mamanggoa ba'u basa ndia, manoli pake emi dudu'a-aafim.

MAZMUR 97:7

Basa hataholi fo, manasene-do'ok neu sosongo-tatangok-ka, neukose nananakamumulu-nakamamaek, ma hataholi fo, dalen-na namatua neu bua-lo'as fo sosoa-ndandaan tak-kala; basa lamatua daebafak-kala, neukose ala sene-do'ok nai Manetualain matan.

AMSAL 30:2

Au nggoak sama leo bana-manu; au dudu'a manadaing ta.

YESAYA 42:17

Hataholi fo, namahele neu dodoki-dudulak sosongo-tatangok-ka, ma ana manakun da'di leo lamatua daebafak soona, neukose nananakadadaek, ma nananakamumulu-nakamamaek.”

YESAYA 44:11

Tete'ek-ka, basa hataholi fo manasene-do'ok neu dodoki-dudulak-ka, ala hapu mamaek. Hataholi fo, manatao dodoki-dudulak ndia nde been-na, hataholi daebafak biasa. Madenus leona, fo ala tutulumatak sama-sama; tao leo bee-o, neukose ala bii, ma ala mae.

YESAYA 45:16

Basa hataholi manatao dodoki-dudula sosongo-tatangok-kala; neukose nananakamamaek ma nananakadadaek

YESAYA 57:12

Tehu Au afa'da neu emi; te emi tatao-nono'i malolem ndia, ta neu isik fa, ma basa emi tatao-nono'i ma lala'en-na, sosoa-ndandaan ta ba'eneu emi.

YEREMIA 10:5

Dodoki-dudulak sosongo-tatangok sila-la sama leo hataholi nai osi aido dale. Sila ta hapu kokolak fa, ta hapu nggani ein-nala fa, ma muse so'us. Boso bii-mamata'u neus, nana ala ta tao mangalauk neu emi fa; Ta lakatatakak tao malole boen fa.”

YEREMIA 10:8

Sila basa-basas nggoa-panganaa nana lamatua daebafan-na ka'da ai tuk mesak-kana, ma ta hapu nanoli hata neulauk fa.

ROMA 1:25

Ala nggati Manetualain fo ndoos ndia, ninik ai batu nanadoli-dulak. Ala ta sene-do'ok neu mana makadada'dik daebafa ka fa, te ala sene-do'ok ma lalalau-laoono hata manasapu lalo kala. Te se'ko na tunga ndo na soona, muse koa-kio mana makadada'dik ndia losa dodoo na! Amin.

SEMUEL SUSULAK-KA ESAN-NA 5:4

Tehu balahaa fafaik boema, ala lita tu'da heni seluk dodoki-dudulak ndia nai Peti Hehelu-balataak ndia matan-na so. Oek ia, dodoki-dudulak ndia langan-na ma alun duas nananggelohenik, de beselee nai lelesu bafan-na; ela ka'da dodoki-dudulak ndia aon-na bei katemak. (