YEREMIA 10:12 - Susula Malalaok Hehelu Palak Ma Hehelu Beuk

¹² Manetualain nakadada'dik daebafak-ka nenik koasan-na, Ana heheo-hihiluk daebafak-ka nenik manatee-tenon-na, ma nataba lalai-a nenik dudu'a-aafin-na.

YEREMIA 10:12 ပူးပေါင်းရင်းမြစ်များ

KEJADIAN 1:1

Nai makasososa oe-oen-na, fo nai lelek Manetualain mulai nakadada'dik lalai-a, ma daebafak-ka,

KEJADIAN 2:5

beita hapu bini-ngges manupuk, ma beita hapu bubu'u-palusa nai daebafak-ka fa, nanahu Manetualain beita nakona u'dan leo daebafak-ka mai fa, ma beita hapu hataholi foi-fala dae ndia fa.

1 TAWARIKH 16:26

Leoina fe'ek kala lamatua daebafan-nala ka'da dodoki-dudula sosongo-tatangok mesan. Tehu Manetualain nde been-na manamakadada'dik lalai ma daebafak ka.

AYUB 26:7

Manetualain nakapepela lalai nai tasi maloaina poin-na, ma Ana lolo'e daebafak-ka neu mamana louk.

AYUB 37:18

O bisa sama leo Manetualain, fo makapepela lalai maloa, de Ana tao natean sama leo liti nanapolik-ka do titinok-ka?

AYUB 9:8

Ana nakapepela lalai, ta no tutulu-fafalik neme su'di see mai boen; Ana heheta-aa'i buta tasi-a muliha'in-na.

MAZMUR 104:2

ma O malu'e mangale'dok-ka. O bela lalai-a, sama leo lalaa temak-ka,

MAZMUR 104:24

O ue-le'dim makadotok nanseli, Manetualain, O makadada'dik basa-basan nenik manatee-tenok; daebafak-ka henuk no basa hata, fo O makadada'dik-kana.

MAZMUR 119:90

O lilinekam nakatatakak neme tepo-lelek leo tepo-lelek neu, O tao matea-mahele daebafak-ka, de natea-nahele losa besak ia.

MAZMUR 24:2

Nakatetene daebafak-ka buin-na neu tasi maloaina lain, ma Ana fen napadeik natetu nai oe mademaina lain.

MAZMUR 33:6

Manetualain fe paleta, boema lalai-a da'di; nakadada'dik le'do-a, bulak-ka ma nduuk-kala neme hala-kokolan mai.

MAZMUR 65:7

O taom-ma, letek-kala lapadeik latetu, nenik O be'i-balakaim, soaneu O matu'du O koasam fo makadelek-ka.

MAZMUR 78:69

Ana nafofo'a Uman-na, sama leo mamana leleon manai nusa so'dak-ka, ma sama leo daebafak-ka, fo matea-mahelek losa dodoon-na.

MAZMUR 93:1

Manetualain nde bee-na, Manek; Ana pake papake-ngganggao matua-madema ma mabe'i-balakaik. Daebafak-ka napadeik natetu, de ta nanggengo fa.

AMSAL 3:19

No manatee-tenok-ka, de Manetualain nakadada'dik daebafak-ka; no dudu'a-aafi matanen-na, de nakapepela lalai neu mamanan-na.

AMSAL 30:4

Hataholi see-ka, kae-kona hai nusa so'dak-ka so? Ana nafanggete hai anin-na neme liman dale, ma ana poti oe nai ba'dun dale, do naketu daebafak-ka, too-lanen so do beik? See ndia, ma anan-na nde see? Tao leo bee-o, o bubuluk-kana!”

YESAYA 37:16

“Manetualain Fo Manakoasa, fo Israel Manetualain-na, fo nangatuuk nai kerub lain, Ka'da O mesa-mesam-ma nde Manetualain, fo koasa basa nusak manai daebafak-ka lala'en-na. O nde makadada'dik lalai ma daebafak-ka.

YESAYA 40:22

Fo mana makadada'dik-kana, nangatuuk nai daebafa bobongok lain, mete laun-na soona, anak-ka sama leo lamak-ka Ana nakapepela lalai-a, sama leo temak-ka, ma Ana taon, sama leo lalaa temak-ka, fo hataholi hapu leo nai dalek.

YESAYA 42:5

Amak Manetualain nakadada'dik, ma nakapepela lalai-a; Ana nakadada'dik daebafak-ka, ma basa manamolik manai lain lala'en-na. Ana fe hataholi daebafak-ka, ani hahae maso'dak ma samanek. Ana nanduku-nalosak hala heheluk ia, neu atan-na.

YESAYA 44:24

Manetualain fo o manasoi-manatefam, ma Ana taon-na manu lupak, nai lelek o inam nailu o-a, “Au nde Manetualain fo manamakadada'dik basa hata lala'en-na, fo Au mesang-nga nde akapepela lalai-a, ma Au akadada'dik daebafak-ka, ta no tutulu-fafalik neme su'di see mai boen.

YESAYA 45:12

Au nde Manetualain fo manamakadada'dik daebafak-ka, ma manamakadada'dik hataholi daebafak-ka, fo ana leo nai dalek. Au akapepela lalai-a, nenik Au koasang-nga, ma fe paleta neu le'do, bulak, ma nduuk-kala.

YESAYA 45:18

Manetualain nde nakadada'dik lalai-a, Ndia nde Manetualain-na! Ndia nde manamakadada'dik ma manafe daebafak-ka lupak, Ana taon-nan, natea-nahele, ma napadeik nahele. Ana ta taon-nan da'di mamana nee-nee lino-linok fa, tehu soaneu mamana leleok. Ndia nde nafa'da nae, “Au nde Manetualain, de ta hapu fe'ek fa.

YESAYA 48:13

Au limang-nga nde pe'da daebafak-ka buin-na ma nakapepela lalai-a. Metema, Au aloo na'den-na soona, ala mai no lai-laik.

YESAYA 49:8

Manetualain nafa'da nan-nala nae, “Nai lelek, Au daleng-nga nau soona, neukose Au ataa; nai Au fai soi-tefang-nga, Au tulu-fali emi. Au asulu-ahapa, ma Au anea emi, ma Au tao emi da'di, hehelu-balataak ba'eneu leoinak-kala Au ta abebeu nusak mananee-nee lino-linok-ka da'di dae pusaka fo nanaleok.

YEREMIA 10:13

Ka'da nenik paletan-na, de oe-a nadodolo nai lalai-a. Ana fe ko'as-sa neme daebafak-ka pe'dan, ma ana tao ndelas-sa lasalolo'de nai u'dan dale, boema ana haitua anin neme mamana pepe'dan-na.

YEREMIA 10:16

Yakob etualain-na ta sama leo sosongo-tatangok ndia fa; Ndia manamakadada'dik basa hata lala'en-na. Na'den-na nde Manetualain Fo Manakoasa; Ndia nde hele Israel da'di Anan-nala.

YEREMIA 14:22

Leoinam-mala sosong-tatangon-nala ta hapu lakona u'dan leo daebafak-ka mai fa. Lalai-a boeo ta bisa po'a u'dan nenik koasan-na mesak-kana fa. Ka'da O nde ami mamahenak-ka. O nde tao basa sila-la ala da'di.

YEREMIA 27:5

“Au akadada'dik daebafak-ka, ma hataholi daebafak-ka no basa bana-manu lala'en-na nenik Au koasang-nga fo matuaina, ma nenik Au be'i balakaing, fo Au apu fen neu see ndia boe fo Au ahiik-kana.

YEREMIA 32:17

“Manetualain Fo Madema ina, O nde makadada'dik lalai-a ma daebafak-ka nenik O koasam-ma, ma O be'i-balakaim fo matuaina ndia. Ta hapu hata esa fo matea ba'eneu O fa.

ZAKHARIA 12:1

Manetualain hala hehelun la'eneu Israel nde ia. Manetualain fo nakapepela lalai-a, ma nakadada'dik daebafak-ka, boema manafe maso'dak neu hataholi daebafak-ka, nafa'da nae,

YOHANIS 1:3

Basa hata lala'e na, nananakadada'dik tunga Ndia, ma neme basa hata manada'dik lala'e na, ta hapu hata esa boen, fo ana da'di ta no Ndia fa.

KOLOSE 1:16

Manetualain nakadada'dik basa hata manai nusa so'da kala ma mania daebafa ka lala'e na, boema basa hata nananita kala ma nananita ta kala, fo nde dula dale mana koasa ma mana paleta kala lala'ena tunga Kristus. Lalai a ma daebafa ka Manetualain nakadada'di kasa tunga Kristus, ma soaneu Kristus.