YEREMIA 10:10 - Susula Malalaok Hehelu Palak Ma Hehelu Beuk

¹⁰ Tehu O, Manetualain, Manetualain fo matetuk-ka, Manetualain fo manafe so'dak-ka, Manek fo manaketu basa tak. Metema O mamanasa soona, daebafak-ka nanggengo, metema O nasam-ma lua soona leoina-la ta lakatatak fa. (

YEREMIA 10:10 ပူးပေါင်းရင်းမြစ်များ

KEJADIAN 21:33

Boema Abraham sele ninilu esa, nai Bersyeba, de mulai faik ndia, ana pake mamanak ndia, soaneu sene-do'ok neu Amak, Manetualain, fo manaketu-basa taak-ka.

1RAJA-RAJA 18:39

Nai lelek laun-na lita manada'dik ndia boema, ala lakatele leo dae a neu ma lafa'da lae, “Amak ndia Manetualain! Tete'e ka Amak ndia Manetualain!”

1RAJA-RAJA 8:60

No leondiak, basa leoina manai daebafak-ka lala'en-na, neukose bubuluk lae ka'da Amak-ka mesak-kana nde Manetualain ta hapu fe'ek fa.

1 TAWARIKH 29:11

Te'e-te'e O matua ma manakoasa. O Mandela-masa'ak, ua-nale malole, ma matua-madema. Basa hata lala'en fo manai lalai ma daebafak-ka nde been-na O nuum. O manek matua-madema ma manakoasa neu basa hata lala'en-na.

2TAWARIKH 15:3

Doon-na seli, Israel ta namahele neu Manetualain fo ndoos-sa, ta lanuu hoholo-lalanek fo muse ala tungan, ma ta lanuu imam-imam fo lanoli fas.

AYUB 9:6

Manetualain tao dae manggengok-ka, losa daebafak-ka naleulilok, ma dii manato'ba daebafak-ka laleuk.

MAZMUR 10:16

Manetualain paleta losa dodoon-na; leoina fo, ta lalelak-kana fa, neukose mopok-kasa leme, Manetualain daen-na mai.

MAZMUR 100:3

Mafandele mae Amak ndia Manetualain. Ana nakadada'dik ita, de Ndia nuun ita; ita ia, Ndia anan, leoina fo nakaboboin.

MAZMUR 100:5

Nana Manetualain malole; susue-lalain losa dodoon-na, ma lilinekan, neme bobongik leo bobongik neu.

MAZMUR 104:32

Ana mete daebafak-ka, de Ana tao-nan dele, ana koila'e letek-kala, nalosa masun-nala kalua.

MAZMUR 114:7

Hai daebafak, dele ngge'be-ngge'be nai Manetualain matan, ma nai Yakob Manetualain matan,

MAZMUR 145:13

O paletam-ma nahele neme tepo-lelek leo tepo-lelek neu, O koasam-ma, neme bobongik leo bobongik neu. Manetualain lilineka neu basa hehelu-balataan lala'ena, henuk no susue-lalaik, nai basa tatao-nono'in-na dalek.

MAZMUR 146:6

Ndia nde nakadada'dik lalai no daebafak-ka, ma tasi no oe-isin lala'ena,; Ana lilineka losa dodoon-na.

MAZMUR 18:7

Lelek au nai toto'a-tataak-ka dalek, au aloo bou-bou neu Manetualain, au aloo neu au Manetualaing-nga, fo au oke tutulu-fafalik. Ana namanene au halang-nga, neme Uman dale mai, ma ana tao afik neu au dokodoeng-nga.

MAZMUR 29:10

Manetualain koasa neu faa tuak-ka Ana koasa da'di leo Manek, losa dodoon-na.

MAZMUR 31:5

Soi-po'i au neme hihi'ik fo, nanalonak ba'eneu au, nana, O nde au mamana nasulu-nahapang-nga.

MAZMUR 42:2

Sama leo nusa nahiik oe lee-a, leondiak boe au samaneng-nga nahiik O, ou Manetualain.

MAZMUR 68:11

Boema O anam-mala leo lai ndia; fo nai O dale malolem-ma dalek, ou Manetualain, O makaboboi hataholi nuu ta-hata tak-ka.

MAZMUR 68:8

Ou Manetualain, lelek O hela-nole O anam-mala, la'ok tunga mook fo, oe ta ndia fa,

MAZMUR 74:12

Ou Manetualain, neme makasososan mai-a, au maneng-nga nde O, O nde soi-tefa-mala ami-a.

MAZMUR 76:7

Basa ndala-la loo hataholi manasa'en-nala, tu'da de mates hu kande, O nasapalam-ma, ou Yakob Manetualain-na!

MAZMUR 76:8

Tete'ek-ka, O anseli! Metema, O mamanasa soona, see kande bisa nakatatakak-ka?

MAZMUR 77:18

Ko'as-sa fe u'dan, ma mangguluk-ka nanggunggulu; Ndelas-sa tuti nato leo basa mamanak lala'ena.

MAZMUR 84:2

O mamana leleom-ma, lolen-na seli, ou Manetualain Fo Manakoasa!

MAZMUR 9:8

Manetualain paleta losa dodoon-na; Ana napadedeik kandela manen-na, fo naketu-nala'di daebafak-ka

MAZMUR 90:11

See kande nalelak O nasa-melu matuainam-ma, ma name'da te'e-te'e no, O nasa-melum-ma, nenenin-na?

MAZMUR 90:2

Lete-letek-kala beita nananakadada'dik, ma daebafak-ka beita nalupa daebafak fa, O nde Manetualain fo, manaketu basa tak, makasososan ta, ma mate'en ta.

MAZMUR 93:2

O kandela manem-ma, matea-mahelek neme makasososan-na mai, O manaketu-basa tak.

MAZMUR 97:4

Mandelan-na, nangale'do-na daebafak-ka, daebafak-ka nitan, de ana dele ngge'be-ngge'be.

YESAYA 37:17

Manetualain, sa'di leo been-na, taoafik neu hata fo, ana da'di neu ami. Mamanene basa Sanherib nakamumulu-nakamamaen neu O, Manetualain fo maso'dak-ka.

YESAYA 37:4

Manek Asyur-ra, nadenu basa malanga solda'du matuainan-na so, fo nakamumulu-nakamamaek Manetualain fo maso'dak-ka. See bubuluk, fafa'kama Manetualain namanene basa nakamumulu-nakamamaek ndia so, de neukose Ana huku hataholi manakokolak-ka! Hu ndia de, hule-haladoi leon neu Manetualain, soaneu ita hataholin fo bei maso'dak-kala.”

YESAYA 40:15

Ba'eneu Manetualain soona, leoinak-kala, sama leo oe titik esa nai haik dale, sama leo afu faa anak nai tatais lain; nusak-kala, da'uanak sama no afu sopuk-ka.

YESAYA 40:28

Masa bole, o ta bubuluk, ma ta mamanene fa? Amak-ka nde, Manetualain fo, manaketu-basa taak-ka, fo mana makadada'dik daebafak-ka lala'en-na. Ana ta sota-mangu nita fa; hataholi daebafak, ta hapu neuk nala dudu'a-aafin fa.

YESAYA 57:15

Nana Manetualain Fo Mademaina, ma malalao-malalafuk, fo manakoasa losa dodoon-na, nafa'da nae leoia, “Au leo nai mamana mademaina, ma malalao-malalafuk, tehu, nai hataholi dale taidaek-kala, tala'da, ma nai hataholi manatukatei-saledale leme sala-singon-nala mai, fo daenga tao labebeu sila manggaten, ma namahehenan-na, tala'da boe.

YESAYA 65:16

Basa hataholi mananoke baba'e-papalak manai nusak ndia, neukose noke Manetualain fo, manalilinekak-ka, fen baba'e-papalak. Basa hataholi fo, ala nau soo-supa, neukose ala soo-supa lenik Manetualain fo, manalilinekak-ka, na'den-na. Nana makahulun-na doidosok-ka, mopon de nananafandele henik so.”

YEREMIA 23:36

Sila ta bole pake dede'ak si'ek lae ‘Manetualain lelepa mabelan-na’. Metema bei hapu fo mana pake dede'ak si'ak ndia soona, neukose Au tao Au hala haituang-nga te'e-te'e ana da'di lelepa mabela soa neun. Hataholi fo manamafa'da nae, ‘Manetualain lelepa mabelan-na’ ka'da ana puta-pai Au hala kokolang-nga, fo sila Manetualain-na, Manetualain fo maso'dak-ka, Manetualain Fo Manakoasa.

YEREMIA 4:2

Metema soo menik Au na'deng-nga, ma emi maso'da tunga ndoon-na, ndoos ma matetuk, soona basa leoina lala'en-na, neukose loke Au, fo ela Au fes baba'e-papalak, fo neukose ala koa-kio Au.”

YEREMIA 4:24

Au ita letek ma pupuku mademaina-la langgengo matuainan-nanseli

YEREMIA 50:46

Metema Babel tu'da, neukose lamanene makalupuk matua ina, fo basa daebafak-ka nanggengo; laun-nala lakadii fo hala-nala losa leoina fe'ek-kala.”

YEREMIA 51:29

Daebafak-ka ndele ma nanggengo hu ka nde Au sanga tao Babel da'di mamana tuuk fo hataholi ta leo nai na.

DANIAL 4:3

Ana tao manada'di beuk-ka matuaina nanseli! Ana tao matabeuk-ka anseli nanseli! Neukose Manetualain da'di manek losa dodoon-na. Koasan-na manaketu basa tak.”

DANIAL 4:34

Lelek basa teu ka hituk sila-la boema, au anganalo leo lalai u, boema au dudu'a-aafing fali ma'in. Boema au koa-kio Manetualain Fo Mademaina. Au so'u amadedeman ma au koa-kio Ndia fo maso'dak neme doon losa dodo-na ndia ae, “Neukose Manetualain da'di manek losa dodoon-na. Ana koasa neme doon losa dodo-na.

DANIAL 6:26

Basa ndia boema, mane Darius-sa haitua susulak leo hataholi maleme leoina ma dede'ak manai daebafak-ka lala'en-na nae, “So'da molek!

DANIAL 6:27

Au fe paleta neu basa hataholi manai au nusang-nga dalek, fo ela ala bii ma fe ha'da-holomata neu Manetualain fo Danial sene-do'ok-ka! Ndia nde been-na Manetualain fo maso'dak losa dodoon-na neu, Paletan-na manaketu basa tak. Tao leo bee-o, nusan-na ta mopo-mate fan. Koasan-na manaketu basa tak.

DANIAL 7:14

Ndia nanafe ha'da-holomata ma koasa, da'dileo manek-ka, nalosa hataholi-la leme basa leoina, ma dede'ak lala'en-na mai, lamahele neun. Koasan-na nakatata'kak losa dodoon-na, ma paletan-na neukose ta nanaloli henik fa.

YOEL 2:11

Manetualain halan-na nadodolo, fo ana fe nasanene'dak, neu solda'dun-nala. Solda'dun-nala makadotok nanseli! Solda'du fo lakalala'ok paletan-na, balakain-na seli! Manetualain Fain-na matuaina nanseli! Ta hapu hataholi esa boen, hapu nakatatakak fa.

MIKHA 1:4

Letek-kala noe henis nai ei tata'bu daen-na sama leo lilik-ka nai ha'i manapilak dale; daen-na ndefa, de ana tu'da leo bafak-kala dalek neu, sama leo oe faa neme pupukuk lain leo dae neu.

NAHUM 1:5

Letek-kala dele nai matan-na; ma basa pupukuk-kala boeo noe henis. Metema, Manetualain to'da mai soona, daebafak-ka dele, daebafak-ka no basa laun-nala dele.

NAHUM 1:6

Metema Manetualain namanasa soona, see kande bisa nakatatakak? Ta hapu esa boen, bisa natapo'i neme nasa-melun mai fa. Ana kalua nasa-melun manapilak-ka soona, batu nakalulutuk fo ana da'di daesopuk nai matan-na.

HABAKUK 3:10

Letek-kala lita O boema, langgengo, u'dan-na neme lalai mai, sama leo nanapo'ak-ka. Tasiina manai daebafak-ka buin-na, oen-na nangguu, de lii-la lapoponu ma nggu-nggu.

HABAKUK 3:6

Metema O hahae soona, daebafak-ka dele. Metema O mete soona, leoina-la lakalupu-lakasee. Lete matea-mahelek-kala hea ba'es, pupukuk fo namadema neme doon losa doon-na boeo, ala kaba'o, nai pupukuk sila-la lain nde O la'ok neme tepo-lelek makahulun eli mai.

MALEAKHI 3:2

Tehu see hapu nakatatakak nai Manetualain fai mamain-na, ma natu'du aoinan-na? Nana, Ndia sama leo tuka manatao namaneu liti-a, ha'in-na, ma sama leo babu manasafe-sak-ka, sabun-na.

MATEOS 16:16

Simon Petrus nae, “Ama nde Mane Mana Fe So'da ka, ma Manetualain Anan fo Maso'da ka.”

MATEOS 26:63

Tehu Yesus ka'da denge-denge. Boema imam matua ina natane la'iesa selu kana nae, “No Manetualain fo maso'dak ndia na'de na mafa'da fe ami, ade O nde Mane Mana Fe So'dak fo Manetualain Anan do?”

YOHANIS 17:3

Ndia nde maso'da matetu ka ma manaketu basa ta ka, fo ela hataholi la lalelak Ama ka nde Manetualain, fo mesa-mesa kana nde ndo sa, ma lalelak Yesus Kristus nde bee na, Ama ka nde nadenu nana.

HATAHOLI 14:15

“Wei, te tao le'e de emi tao tataos ia? Ami ia hataholi daebafak sama leo emi boe! Ami nai ia nana, ami tui-benga Hala Malole ndia neu emi, fo ela emi tu'u-tapaheni emi tatao-nono'i sosoa-ndandaa tak ia, fo mai leo Manetualain fo maso'dak, ma mana makadada'dik lalai ma daebafa ka, boema tasi no oe isin lala'ena.

ULANGAN 32:4

Emi manamasala'em-ma nde, Manetualain fo palani tatibatu, ue-le'din matetu-mandaak, ma basa enon-na ndoos ma matetuk. Emi Manetualaim-ma manalilinekak, ma ta masapepeko-masandandalik fa, Ana tao hata fo malole ma la'en.

ULANGAN 5:26

Hapu mate hai hataholi daebafak esa, nai lelek Manetualain fo maso'dak-ka, Ana kokolak neme ha'i dale mai so do?

1 TESALONIKA 1:9

Basa hataholi sila la, ala kokolak la'eneu tao leo beek de, emi sipok ami nai lelek fo makahulu na, ami ne'i ndia. Ala kokolak la'eneu, tao lo beek de, emi tu'u-tapa heni emi sosongo-tatangom de emi mai leo Manetualain fo kisak ma maso'dak ndia, de emi sene-do'ok neun.

1 TIMOTIUS 1:17

Manetualain fo Manek neu basa le'do fai manalu a, nandaa fen ha'da-holomata ma koa-kion tataas esa, nana Ndia nde mana ketu basa tak, fo ta nananitak, ma ka'da kisak! Amin.

1 TIMOTIUS 6:17

Ba'eneu hataholi kamasu'ik manai daebafak ia la, ela leo been-na, mafa'das fo ala boso koao ma boso lamahena neu hata-heto mana sapu-lalok sama leo su'i-bete sa. Sila muse lamahena neu ka'da Manetualain fo mana po'a-ngganga basa hata lala'ena fe ita, fo ta'a pake.

IBRANI 10:31

Bibii namata'u matua ina, metema ana tu'da leo Manetualain Fo Maso'da ka liman dale neu!

YOSUA 3:10

Mahani te, metema emi tutulumatak soona, tao leo bee-o, Manetualain usi heni hataholi Kanaan, Het, Hewi, Feris, Girgasi, Amori ma Yebus-sala. Ma nai lelek Manetualain fo nakadada'dik lalai ma daebafak-ka, Peti Hehelu-balatan lena Yarden-na, nakahuluk neme emi mai soona, neukose emi mita Manetualain fo maso'dak-ka, nai emi tala'da heom.

1 YOHANIS 5:20

Ita bubuluk basa, Manetualain Ana na mai, de ana fe ita malelak fo daenga ita talelak Manetualain fo ndo sa. Fo ela ita taso'da to Manetualain fo ndo sa, ma taso'da to Anan fo Yesus Kristus. Ndia nde Manetualain fo ndo sa, ma Ndia nde so'da matetu ka mana ketu basa ta ka.

NINITAK 20:11

Basa ndia boema, au ita kandela manek dula fula matua esa ma Ndia fo manamangatuuk manai lai na. Lalai no daebafa ka mopo kasa neme mata na mai, nalosa ta nananitak so'on.

HAKIM-HAKIM 5:4

Lelek O la'o meme Seir mai, ou Manetualain ma O la'oela nusa Edom-ma, daebafak-ka dele, lalai-a oelolon-nala boeo, latahuka, ma ko'as-sala, po'a oen-na mai.

SEMUEL SUSULAK-KA ESAN-NA 17:26

Boema Dauk nae, “Hataholi Filistin dinitiu ndia, napalani nanseli nahee Manetualain fo maso'dak-ka solda'dun-nala!” Basa boema, natane solda'du esa nae, “Ala fe hataholi fo ana bisa taonisa hataholi Filistin ndia beek, fo lose heni nakamumulu-nakamamaek-ka neme Israel mai?”

SEMUEL SUSULAK-KA ESAN-NA 17:36

Atam-ma taonisa, nau singa do meoasu boe, de hataholi Filistin dinitiu ndia boeo, neukose sama-na leo bana sila-la, nanahu napalani nakamumulu-nakamamaek Manetualain fo maso'dak-ka, solda'dun-nala.