YEREMIA 1:17 - Susula Malalaok Hehelu Palak Ma Hehelu Beuk

¹⁷ Yeremia, maheheleaom leona! Muu leona, fo manduku-malosak neus, basa hata fo Au paletan neu o. Boso bii-mamata'u neus, fo ela Au boso tao-ala o boetai bii-mamata'u seluk, metema o masasalematak moos.

YEREMIA 1:17 ပူးပေါင်းရင်းမြစ်များ

1RAJA-RAJA 18:46

Lelek ndia, Elia hapu be'i-balakaik neme Manetualain mai. Ana ki'duk ba'du manalun-na leo lain neu de ana pa'an neu tala'da na, boema nalaik nakahuluk neme Ahab nai eno manalu ndia, losa kota Yizreel-la lelesuinan-na.

2RAJA-RAJA 1:15

Nai hatematak ndia boe, Manetualain ata nusa so'dan-na, nafa'da Elia nae, “Boso bii! Tungan, fo kona meme pupukuk ia lain mai leona” hu ndia de, Elia no malanga solda'du manai lain ndia, leu leo manek-ka leu.

2RAJA-RAJA 4:29

Elisa lipa leo Gehazi neu, boema nae, “Lai-lai! Ho'i-ma, au aitete'eng-nga, fo la'o tutik leo Inak ia uman muu. Boso mate'e, fo matea su'di see, fo o matongo moon nai enok. Metema, hataholi nate'a o soona, boso tu'u-tapa heni le'do-fai, soaneu balas nate'an-na. O losa tutika, tao au aitete'eng-nga neu ni'iana ndia aon lain.”

2RAJA-RAJA 9:1

Nai lelek ndia, Elisa naloo hataholi esa, neme basa nanoli nabi-la mai, de nafa'da nae, “Mahehele aom, fo muu leo Ramot nai Gilead muu, ma ho'i meni boto mina setun-na nai dalek ia.

AYUB 38:3

Besak ia, o touk soona, masasale matak mo Au, fo mataa natatanek ia-la leona.

KELUARAN 3:12

Manetualain nataa nae, “Neukose, Au tulu-fali o. Ma metema o moo leoina ndia kalua neme Masir mai soona, neukose emi sene-do'ok neu Au nai letek ia. Ndia da'di buti, nae Au adenu o.”

KELUARAN 7:2

Manduku-malosak basa hata fo Au paletan neu o, neu Harun. Madenu Harun, fo nafa'da manek-ka, nae ana muse po'i hataholi Israel-la, fo ala la'oela nusa Masir-ra.

YEREMIA 1:18

Mamanene te, neukose nusak ia, laun-nala la'ban o, fo nde Yehuda manen-nala, basa manaho'u paleta-la, basa imam-mala, ma laun-nala. Tehu faik ia, Au fe o be'i-balakaik, soaneu la'ban-nasa. Neukose o da'di sama leo kota fo, nanuu kota musu, sama leo dii besi, ma papala nanadama liti. Neukose ala ta hapu sengi o fa, nana neukose Au o o, ma Au asulu-ahapa o. Au, fo Manetualain nde manakokolak-ka.”

YEREMIA 17:18

Sa'di bole manausi au-a, ma manatuni-ndeni au-a, O tao makamamaek-kana ma O tao mahenu dalen-na nenik bibi-namata'uk. Tehu boso tao leondiak ba'eneu au, O Manetualain. Muni fes mamate-mamopok neu sila losa sila lakalulutuk lanseli.

YEREMIA 23:28

Nabi fo manamalame'ik-ka muse nafa'danae, ‘Ia ka'da me'is-sa.’ Tehu nabi fo manahapu hala haituak neme Au mai-a, muse nanduku-nalosak hala haituak ndia no matetun-na. Te gandum-ma ta hapu nakasasamakana no ha'de aik-ka fa.

YEREMIA 26:12

Boema au afa'da ae, “Manetualain nde nafa'da au anduku-alosak hala haituak fo la'ban Manetualain Uman-na, ma kota ia sama leo hata fo emi mamanenek-ka.

YEREMIA 26:2

Manetualain nafa'da neu au nae, “Mu mapadeik neu Au umang-nga so'dan-na, fo kokolak mo Yehuda laun fo manamai hule-haladoi manai ndia. Manduku-malosak neu sila basa hata fo Au paletak-ka neu o-a, soaneu mafa'dan neu sila. Boso mafa'da kulang esa boen.

YEREMIA 36:8

Boema Barukh lees Manetualain dede'a-kokolan ndia nai Manetualain Uman, sama leo au paletak-ka neun nana.

YUNUS 3:2

Nae, “Muu leo Niniwe, fo kota matua ndia, fo manduku-malosak neu laun-nala, hala heheluk fo Au fen neu o.”

LUKAS 12:35

“Manea fo masasale matak mo basa dede'ak lala'ena. Emi muse maheheleaom tataas esa ma emi banu ma manapilak nahele,

HATAHOLI 20:20

Tolanoo kala bubuluk basa, au ta hiapenge tui-benga neu emi, hata fo masosoa-ndandaak ba'eneu emi. Au anoli emi nai mamana nakabua matua la, ma nai uma puni sa'e-sa'e kala.

HATAHOLI 20:27

Beita la'iesa fo au alai la'oela au bela-ba'ung boen, soaneu au afa'da mangalele'do emi, Manetualain dale tutu'un lala'ena fa.

1 KORINTUS 9:16

Nana metema ndia ka'da dede'ak fo tui-benga Hala Malole maneme Manetualai na mai soona, au ta anuu hak amatutua-amadedema fa, nana Manetualain paleta basa au soaneu tao-no'in so. Susa-soe ba'eneu au, metema au ta tui-benga Hala Malole ndia fa!

1 TESALONIKA 2:2

Emi boeo bubuluk mae, ami beita ne'i donge-dama emi fa te, ala fepa-li'u ami ma ala kokolak lakamamaek ami neme Filipi so. Hataholi makadotok ala laban ami. Leomae leondiak boeo, Manetualain fe basa ami mapalanik, soaneu ami manduku-malosak halak neme Hala Malole a la'eneu Ndia, neu emi.

1 PETRUS 1:13

Hu ndia de, ela leo bee na mahehele ao ma leona. Manea ma mamahena no dale katema tuak neu baba'e-papalak fo, neukose nanafek neu emi, nai lelek fo Yesus fali ma'in.