YEREMIA 1:16 - Susula Malalaok Hehelu Palak Ma Hehelu Beuk

¹⁶ Neukose Au huku Au anang-ngala, nanahu lasala-lasingo, ma lasadea Au. Ala fe basa tutunu-hohotuk neu lamatua daebafa fe'ek-kala, ma ala dokik dodoki-dudulak, fo ala sene-do'ok neun.

YEREMIA 1:16 ပူးပေါင်းရင်းမြစ်များ

2RAJA-RAJA 22:17

Ala lasadea Au so, de ala tunu-hotu tutunu-hohotuk fe lamatua daebafak fe'ek-kala. Basa hata fo sila tao-no'ik-ka, ana tao nafo'a Au nasa-melung. Au amanasa Yerusalem, de Au nasa-melung ndia, ta bisa tenak fa.

2TAWARIKH 15:2

nalosa neu natongon-no Manek Asa, de nafa'da nae, “Hai, Manek Asa, ma basa Yehuda ma Benyamin laun-nala lemin! Mamanene! Te Manetualain deka no emi metema emi deka moon. Metema emi moke Manetualain natutu'dun-na soona, neukose Ana fen mai. Tehu metema emi ta taoafik neu fan soona, Ndia boeo neukose Ana ta taoafik neu emi boen.

2TAWARIKH 28:2

Ana naso'da sama leo mane-manek Israel-la, de nadenu hataholi tao Baal dodoki-dudulan neme liti mai,

2TAWARIKH 34:25

Sila la'oela Au so, de ala fe tutunu-hohotuk neu lamatua fe'ek-kala. Basa hata fo ala tao-no'ik-kala, tao nafo'a Au nasa-melung. Au amanasa Yerusalem, de Au nasa-melung ta bisa tenak fa.

2TAWARIKH 7:19

Tehu metema o ma o laum-mala la'olena Au hoholo-lalaneng ma Au paletang-ngala boema sene-do'ok neu lamatua daebafak fe'ek-kala,

YESAYA 2:8

Nai mamanak lala'en-na, hapu sosongo-tatangok, ma ala doki-dulak aon dodoki-dudulak, fo ala sene-do'ok neun.

YESAYA 37:19

Ala hotuheni, ma ala tao lakalulutuk lamatua daebafan-nala boe, nana lamatua daebafak sila-la, ta lanuu koasa makandondook fa. Sila ka'da ai-batu nanadoki-dulak, fo hataholi daebafak-ka nde taon-nana.

YESAYA 44:15

Ana pake ai sila-la nggelok da'di ai ha'i, fo namanelu, ma ana tunu loti ma ana dala paa, boema dalen-na loak. Ana namanelu ma nafa'da nae, “Wah, mala'da hiik ma to'bi-to'bi! Te'e-te'e, ha'i ia, nandaa no au daleng-nga.” Bei ela ai sila-la, ana paken soaneu tao dodoki-dudulak Boema, nakatele de ana sene-do'ok neun, ma ana hule-haladoi nae, “Au lamatua daebafang-nga nde o, de soi-tefa mala au leona!”

YESAYA 65:3

Ala tao-la Au, amanasa akandondoo henin, nanahu ala tunu-hotu tutunu-hohotuk fe lamatua daebafak-kala, nai osi-la dalek ma ala tunu boomenik nai mei tunu-hotun-nala lain.

YEREMIA 10:15

Sosongo-tatangok sila beli taak-kala, nanda nanahokinonolik ma nananakadadaek. Metema losa fain-na soona sila mopo-mate.

YEREMIA 10:3

Leoina sila-la ha'da-tataon-nala sosoa-ndandaan taak makandondook. Ala lo'o ai nai nula dale, fo ladenu tuka ai-la tao-no'in da'di dodoki-dudulak sosongok-tatangok.

YEREMIA 11:12

Boema hataholi Yehuda-la ma Yerusalem laun-nala leu loke tutulu-fafalik neu lamatua daebafak fe'ek fo sila koa-kion no fe tutunu-hohotuk neu-a. Lamatua daebafak ndia neukose ta soi-tefa sila nai lelek susa-soe ndia mai-a fa.

YEREMIA 11:17

Au nde apadedeik Israel ma Yehuda, Au, Manetualain Fo Manakoasa. Tehu besak ia Au dudu'a basa soaneu Au eni fe susa-soe neu sila. Sila nde tao aon basa sila-la, nanahu la tao basa mangalauk so, fo nde ala fe tutunu-hohotuk neu Baal-la, de nalosa Au amanasa.”

YEREMIA 15:6

Emi tipa dede'a ma la'o ela Au, hu ndia de Au so'uk Au limang-nga soanu tao akalulutuk emi, nanahu Au pela-malua akatatakak doak Au nasa-melung-nga.

YEREMIA 16:11

Mafa'da meu sila mae Au afa'da leo ia, em bei ba'i mamaten-nala la'o ela Au, ‘De ala sene-do'ok ma lamahele neu lamatua daebafak fe'ek. Sila lasanggango heni Au, de ala ta nau tunga Au paletang-nga fa.

YEREMIA 17:13

Manetualain, O nde been-na Israel namahehenan-na, fo O anam-mala; fo basa manala'o ela O, neukose ala da'di manamaek. Neukose sila mopok-kasa neme daebafak ia mai de leu leo hataholi manamatek-kala daebafan-na neu. Nana, O nde been-na oe mata maso'dak, fo sila la'o elak-ka, Ou Manetualain.

YEREMIA 18:15

Tehu Au anang-ngala lasanggango heni Au so, de ala hotu boomenik soaneu sosongok-tatangok-ka. Ala lakatunu lai enok makahulun eli, fo sila muse tungak-ka, boema ala singo leo enok fo nanatao natetu bei taak-ka.

YEREMIA 19:4

Au tao dede'ak ndia nana loina ia la'o ela Au so. Ala tao langgenggengo mamanak ia nenik ala fe tutunu-hohotuk lo lamatua daebafak fe'ek-kala ba'eneu sila, ba'eneu sila bei ba'i-kain-nala, ma ba'eneu manek-manek manai Yehuda. Sila boeo ala tao hataholi sala taak-kala daan-na nai mamanak ia boe.

YEREMIA 2:13

Au anang-ngala tao sala-singok matak dua: ala la'o ela Au, fo oemata maso'dak-ka, de ala kali aon sila lifun-na, fo nde lifu fo, sama leo ule ba'ek-ka, fo oe ta nate'e nai dalek fa.”

YEREMIA 2:17

O nde tataom basa manda'dik manala'e o aoinam-ma, nanahu nai lelek Au hela-nole o nai leleo-lala'ok-ka dalek, o masadea Au, fo Amam Manetualaim-ma.

YEREMIA 2:19

O tatao-nono'i mangalau-ma, nde huku o aoinam-ma, O nanatao doidosok, nanahu o tipa Au, fo o Manetualaim-ma. Besak ia, mame'da mita makahe'duk-ka, ma he'din-na ba'un-na seli metema Au asadea o, ma Au ta fe ha'da-holomata neu o fa. Au, fo Manetualain nde manakokolak-ka; Au nde Manetualain, Fo Mademaina ma Manakoasa matuaina.”

YEREMIA 2:28

Emi taom-ma, emi sosongo-tatangom-mala lai bee? Metema hapu toto'a-tataak soona, madenus fo ala soi-tefa-la emi, metema ala bisa soi-tefa! Hai Yehuda, o lamatua daebafam-mala de'u o kotam-mala!

YEREMIA 4:12

tehu anin mabe'i-balakaik, fo no Manetualain mesak-kana paletan-na, de ana mai, fo naketu anan-nala huhukun-na.

YEREMIA 4:28

Neukose daebafak-ka teisusa dale he'dik, lalai-a makahatu kiu-kiun-na. Manetualain kokolak basa de neukose, ta nasafali dale tutu'un-na fa. Ana ho'i basa nakeketuk so, de neukose, ta nakadedeak nggani eik esa boen.

YEREMIA 44:17

Basa hata fo ami heluk-kala lala'en-na, neukose ami tao la'iesak-kasa boe. Neukose ami fe mahele tutunu-hohotuk neu Ina Manek nusa so'dak-ka, ma di'a angol oek da'di leo tunu-hotuk neun sama leo biasan-na nanataok neme ami bei ba'ikai manamatem-mala, neme manek-kala, neme ami mauli-malanga manapaletam-mala ma ami ia boe nai kota-kota Yehuda ma enok-enok manai Yerusalem-ma. Nai lelek ndia ami ta to'a-taa hata esa boen, te am manuu nana'a-nininu manadaik ma ami so'dam-ma natetu.

YEREMIA 5:29

Tehu, Au, fo Manetualain, neukose hukus, nanahu basa ha'da-tataok sila-la; neukose Au balas leoina ia, tatao-nono'in-nala.

YEREMIA 5:9

Tao le'e de, Au ta muse huku leoina matak leondiak-ka, ma balas hata fo ala tao basan ndia fa?

YEREMIA 51:17

Mete basa sila boema hataholi lame'da lae sila nggoak ma ta lanuu dudu'a-aafik fa. Basa manatao lilo-henu mapo matan-nala, hu ka nde sila dodoki-dudulan-na pepekok ma hahaen ta.

YEREMIA 7:17

O mita matam, hata fo ala taon nai kota-kota Yehuda-la, ma nai eno-enok manai Yerusalem-mala so!

YEREMIA 7:18

Ni'iana-la hila ai, ma touk-kala lakafu'dik ha'i, ma inak-kala kame ha'desopuk, fo ala tao kokis fe lamatua daebafa inak, fo ala foin na'de, Ina Manek Nusa so'dak. Sila boeo, tunu-hotu fe lamatua daebafak fe'ek-kala angol, fo taok-kande lakahehe'dik Au daleng-nga.

YEREMIA 7:9

Emi mamanako, manisa, hohonge, fe sakasii pepekok, fe tutunu-hohotuk neu Baal, ma sene-do'ok neu lamatua daebafak fo, emi ta malelak-kana fa.

YESKIAL 16:18

O ho'i-ma, Au fe o bua papake madulak-kala, fo o pakes neu dodoki-dudulak sila. O sipo-ma, Au fe o mina setun ma boomenik-ka boema, o tunu-hotu fen neu dodoki-dudulak sila.

YESKIAL 24:14

Au, Manetualain Fo Mademaina, kokolak basa so. Fain-na losa so, ba'eneu Au mulai tao hata esa. Neukose, Au ta afandele heni o sala-singom fa, ma Au ta fe do'o do ampon neu o, do Au sue-lai o fa. Neukose o nanahukuk, nandaa no o tatao-nono'im lala'en-na. Au Manetualain Fo Mademaina, nde manakokolak-ka.”

HOSEA 11:2

Tehu, Au boetai aloo Au anang ndia ana boetai nadook aon-na neme Au mai. Ana ho'i neni tutunu-hohotuk ma ana tunu boomenik, soaneu Baal-la, ma lamatua daebafak fe'ek-kala.

HOSEA 8:6

Sapi lilopilas fo Samaria sene-do'ok ndia nde been-na, Israel tukan-nala nde tao-nana! Manetualain ta nde ndia fa, de muse tao nakalulutu kana!

YOEL 2:11

Manetualain halan-na nadodolo, fo ana fe nasanene'dak, neu solda'dun-nala. Solda'dun-nala makadotok nanseli! Solda'du fo lakalala'ok paletan-na, balakain-na seli! Manetualain Fain-na matuaina nanseli! Ta hapu hataholi esa boen, hapu nakatatakak fa.

HATAHOLI 7:41

Boema nai lelek ndia, ala doki-dulak la sapi ana esa, de basa boema ala tunu-hotu fe sapi ana nanadoki-dulak ndia tutunu-hohotuk, ma ala tao feta fo ala sene-do'ok neu buas fo sila tao lan ndia.

ULANGAN 28:20

Metema, emi tao tatao-nono'i mangalauk, ma emi ta sipok Manetualain fa soona, neukose Ana fe soe, napokak, ma toto'a-tataak-ka, nai basa hata lala'en fo, emi tao-no'ik-ka dalek, nalosa ka'da nai fai nggenggeloanak esa mesak-kana, Ana tao namate-namopo la'iesak emi.

ULANGAN 31:16

Manetualain nafa'da Musa nae, “O mamatem-ma deka so. Mate o soona, leoina Israel-la, ta lilineka neu Au so'on, ma lafandeleheni hehelu-balataak fo, Au taon no sila. Neukose, ala la'oela au, fo ala sene-do'ok neu lamatua daebafak manai nusak fo, ta dook-ka so'on te, emi masok mala dalek ndia.

NINITAK 9:20

Tehu ela hataholi fo susa soe katelu kala ta taolisa fas ala, ala ta nau hahae tao batu sosongo-tatangok. Ala ta hahae sene-do'ok neu dula dale mangalau kala ma songo-tango lilopilas, lilofulak, liti, batu ma ai, fo ta hapu lita do lamanene, do la'ok boen.