YEREMIA 1:15 - Susula Malalaok Hehelu Palak Ma Hehelu Beuk

¹⁵ Neukose Au adenu basa leoina manai boboak kii-la, ala mai, fo ala koasa Yerusalem. Neukose ala loso-la, papala nanadamak fo manaokofefeo-la kota ia, boema lelesuinan-nala, ma basa kota-kota manai Yehuda-la.

YEREMIA 1:15 ပူးပေါင်းရင်းမြစ်များ

YESAYA 22:7

Yehuda bafa maisi-maminan-nala, henuk no kaleta musu. Solda'du manasa'e ndala-la, lahehele aon lai Yerusalem lelesuinan-nala.

YEREMIA 10:22

Mamanene dei! Hapu tutuik lae leoina esa nai kii ana sanga tao nale'a-napilik. Neukose soloda'dun-nala tao-la Yehuda kotan-nala da'di nenee lino-linok ma ta hapu manaleo-mapalasa fa. Neukose busa fuik-kala lafuni lai na.”

YEREMIA 10:25

Po'a-ngganga O nasam-ma neu leoina fo ta nalelak O fa ma ta nau lakaluku-lakatele neu O fa. Nana sila tao lamate-lamopo O anam-mala makandondook ma ala tao lakalulutuk ami nusam-ma.

YEREMIA 13:20

Manetualain nafa'da neu Yerusalem laun-nala nae, “Taoafik leona! Emi musum-mala mai leme kii mai! De hataholi-hataholi fo emi masulu-mahapak-kala, ma emi mamahenak-kala lai bee.

YEREMIA 25:28

Ma metema ala ta nau sipo nggalas ndia neme o limam-ma mai fa soaneu linu angol fa soona mafa'da mae, Manetualain Fo Manakoasa nde paleta dede'ak ndia.

YEREMIA 25:9

‘Neukose Au alo basa leoina manai neme ki mai-a, ma Au atang Nebukadnezar fo manek Babel-la boe. Neukose Au fe sila soaneu latee-latati la'ban Yehuda no laun-nala, ma basa leoina manai boboa-kaisun-nala. Leiona Yehuda no leoina titia-tatain-nala neukose Au tao akatoto'a-akatatak-kasa ma Au po'ilotak-kasa lakalulutuk soaneu losa dodoon-na. Hataholi fo manamitas-sala neukose ala nggenge-la ma lame'da bibi-namata'uk. Au, Manetualain nde manakokolak-ka.

YEREMIA 33:10

Manetualain nafa'da nae, “Hataholi-la lafa'da lae, mamanak ia sama lao mook-solokaek-ka, de ta hapu hataholi do bana-manu leo lai ndia fa. Sila hala-kokolan-nala memak tete'ek-ka, nana Yehuda kotan-nala ma eno-enok manai Yerusalem louk-kala beno'u so; ta hapu bana-manu do hataholi leo lai ndia fa.

YEREMIA 34:1

Nai lelek Nebukadnezar fo manek Babel-la no basa ndia soloda'du matee-matatin-nala fo nanatao natea-nahelek neme basa leoina-la soloda'dun-nala mai, ma nusak fo manamakaluku-makatele neu au-a ala mai sapu-la Yerusalem ma kota-kota manai boboa-kaisun-na, Manetualain kokolak no au nae leondia.

YEREMIA 34:22

Neukose Au fes paleta fo ela ala fali ma'is lo kota ia mai, fo ala sapu-lan, ma latona-la, ma ala hotu heni Yehuda kotan-nala neukose Au ao an sama leo mook solokaek-ka fo ta hapu hataholi leo fan. Au, Manetualain, nde manakokolak-ka.”

YEREMIA 39:3

boema latona-la Yerusalem. Boema manek Babel-la mauli-malangan-nala basas mai de leu langatu-la lelesu ina tala'dak-ka. Nai sila dalek hapu Nergal-Sarezer, Samgar Nebo, Sarsekim fo uma manek malanga uma loon-na, Nergal-Sarezer Rabmag ma malanga soloda'du fe'ek-kala.

YEREMIA 4:16

Ala fe nasanene'dak neu leoinak-kala, ma lafa'da laun Yerusalem-mala, lae musu-a ana mai neme nusa dook mai. Neukose ala eki, eeki musu-a soaneu Yehuda kotan-nala,

YEREMIA 4:6

Matu'du enok leo Sion, fo Manetualain Pupukun-na neu, la-lai, malai la'oela nusak-ka, boso ka'da pe'daaom. Manetualain fe soe-a mai ma nakalulutuk matuaina neme kii mai.

YEREMIA 43:10

Boema mafa'da neus mae Au, Manetualain Fo Manakoasa, fo Israel Manetualain-na, neukose no Au atang Nebukadnezar fo manek Babel-la lo mamanak ndia neu. Ma neukose ana napadedeik kandela menen-na nataba lala-tema manapaletan-na nai batu fo o selek lo dae dale sila lain.

YEREMIA 44:6

Hundia de, Au po'a Au nasa-melung neu Yehuda kotan-nala, ma eno-enok manai Yerusalem. Au hotuheni la'iesak-kasa de nalosa da'di ai-batu madodouk, ma tokotik sama leo hata fo mana mitak besak ia.

YEREMIA 46:24

Neukose Masir laun-nala nanatao nakamamaek, nanahu nanatao nakalak neme leoina maneme kii mai-a. Au Manetualain nde manakokolak-ka.”

YEREMIA 5:15

Ai hataholi Israel-la lemin, Manetualain nadenu leoina esa, ana mai neme nusa dook mai, fo ana sapu-na emi. Leoina ndia, nai ia, neme makahulun eli mai so, emi ta malelak dede'an-na fa. Hataholi sila, balakain-na seli,

YEREMIA 6:22

Manetualain nafa'da nae, “Leoina esa, ana mai neme nusa dook, fo nai kii. Ala mai fo latee-latati.

YEREMIA 9:11

Manetualain nafa'da nae, “Neukose Au tao Yerusalem da'di ai-batu madodouk, fo ana da'di, busa fuik-kala mamana keke'ken. Kota-kota Yehuda-la, neukose ala da'di nee-nee lino-linok, mamanak fo, hataholi ta leon so'on.”

RATAPAN 5:11

Ala sungu loo inak manai Sion-nala, ala tao lalutu anafe'oanak manai nggolo-nggolok Yehuda, na'den-nala.

YESKIAL 32:30

Basa maneana nusak kii-la, lai naa, leondiak boe, hataholi Sidon-nala. Makahulun-na, sila koasan-na neni bibii-namata'uk, tehu besak ia, no mamaek ma nanasunat tak, ala kona leo hataholi manamatek-kala mamanan-na leu, sama-sama loo hataholi manamatek manai natee-natatik-ka dalek. Ala mate nai naa, ma ala lu'a-lepa sala-singok, sama-sama loo hataholi manakona leo hataholi manamatek-kala mamanan-na leu.

YOEL 2:20

Neukose Au usi heni, lamak bubua matuaina, manamaik leme kii mai-a, Au usi heni seli leo moo solokaek-ka leu. Au akaseti dalak manai uluk-ka, leo Tasi Pilas-sa neu. Au tipa dalak manai dea, leo Tasi Tala'dak-ka leu. Mates de neukose laboo. Neukose Au tao amopo-amates, nana ala tao doi-doso emi so.

ZAKHARIA 6:6

Ndala nggeok-ka hela kaleta natee-natatik-ka, neu leo Babel boboan kii neu. Ndala fulak-ka, neu leo muli neu, ma ndala keke'ak-ka, neu leo nusak manai kona neu.”