YAKOBIS 5:5 - Susula Malalaok Hehelu Palak Ma Hehelu Beuk

⁵ Emi ta to'a ta hata esa boen, ma emi maso'da nai namahoko-setelee ka dalek, nai daebafak ia. Emi hani maao emi ao paa ma, nono'ka bai de, emi mahani fai dodo'do na.

YAKOBIS 5:5 ပူးပေါင်းရင်းမြစ်များ

MAZMUR 17:14

Soi-po'i au neme hataholi-hataholi, fo manamakaduduluk hata-heto nai daebafak-ka. Hukus nenik susa-soe fo O sadia basan soaneus so. Nemen-na fo, huku sila upu-anan-nala boe.

MAZMUR 73:7

Tatao-nono'i mangalauk-ka po'a-ngganga neme dalen-nala dalek mai; ala lakalupu ka'da tutu'u eno mangalauk.

AMSAL 17:1

Malole lenak ta'a kakau pingak esa, tehu ta'an no dale manatesa-tamak, neme nana'a mala'dahiik-ka sasi kao-kao boe, tehu ta'an no dale manatesa-tamak taak.

AMSAL 7:14

“Faik ia au muse bae atetu au ala-hehelung-nga, hu ndia de au fe basa tutunu-hohotuk so.

PENGKHOTBAH 11:9

Hai muli-soluk-kala lemin, mame'da mita o fai muli-solum-ma no malole! Mamahoko-setelee beidai o bei muli-soluk. Tao matetu o samanem-ma hihii-nanaun lala'en-na, tao matetu la'iesak o dale hihii-nanaum. Tehu mafandendelek te, Manetualain manai nusa so'dak-ka, mahani te, naketu-nala'di la'iesak o tatao-nono'im.

YESAYA 22:13

Tehu nasafalin-na, emi mamahoko-setelee ma feta-dote. Emi do'do sapi ma bi'ilopo fo emi mi'a paa ma minu angol, boema emi maloo bou-bou mae, “Mai fo ata ta'a ma tinu, nana balahaa te ita mate so!”

YESAYA 3:16

Manetualain nafa'da nae, “Ina-inak Yerusalem-mala, koao-ndaeao lanseli! Ala hii lalelengoao, ala hii lakahehe'de mata, ma ala la'ok lalelengo ao, ala nggani ein-nala no koao-ndaeaok, fo ela suek manai ein-nala lalii bedolo.

YESAYA 47:8

Hu ndia de, mamanene Au leona, hai o fo, hii ka'da usi lole-napu daebafak-ka! O maedaenga, o so'dam-ma nee-nee lino-linok, ma ta hapu hata fo, sama leo o fa. O dodoo mae, neukose o ta da'di inafalu fa, ma o tititi-nonosim, neukose ta mate-mopo fa.

YESAYA 56:12

Manamafuk sila-la, lafa'da lae, ‘Mai fo, ata tinu angol, ma tinu losa takabete! Neukose, balahaa te, malole lena neme faik ia mai!’ ”

YEREMIA 12:3

Ou Manetualain, tehu O malelak au. O mita beek-ka fo au tao-no'ik-ka, ma o bubuluk au dale maedaenga tao leo beek soaneu O. Tipa-soli hataholi-hataholi mangalauk sila la leo deak neu, menis sama leo bi'i lopo-a leo mamana dodo'dok-ka neu. Maneas losa fain-na losa soaneu sila nana do'dok.

YEREMIA 25:34

Hai mauli-malangan-nala lemin, hai basa manafo Manetualain anan-nala lemin, ki-namatani mapane'e! Loli fali nai afu dale, nana fain-na losa emi nanado'dok, ma mananaladeak-ka neukose nanatao tapasasalak. Neukose emi sama leo ule dae kabelik-ka fo tu'da henin de ba'en.

YESKIAL 16:49

Sodom no nggolo-nggolon-nala koao-ndaeao, nanahu mamana pepe'da nana'an makadotok, ma laso'da no nee-nee lino-linok ma mole-dame. Tehu, ala ta taoafik neu hataholi nuu taa-hata taak-ka, ma hataholi matasi'da-matasaek-ka fa.

YESKIAL 39:17

Manetualain Fo Mademaina, nafa'da au nae, “hai hataholi daebafak fo, manasapu-manalalok-konei, maloo basa manupui-la, ma bana fe'ek-kala, fo ala mai leme mamanak lala'en-na mai, soaneu la'a tutunu-hohotuk fo, Au sadia basan ba'eneu sila so. Neukose Au tao feta matuaina nai Israel leten-nala lain, de ala hapu la'a paa, ma linu daak nai naa.

AMOS 6:1

Soe ba'eneu emi fo maso'da nai malole-mala'da dalek nai Sion, ma emi fo mame'da so'dam-ma nee-nee lino-lino nai Samaria, hai emi fo lasi nggolok nananita-nalelak nai leoina Israel mana'a hiik ia, emi fo biasa laun-nala mai fo loke tutulu-fafalik!

LUKAS 16:19

“Hapu hataholi kamasu'ik esa. Bua-lo'a papakena kabelik mesa-mesan, ma nana'a-nininun malole-mala'da tunga faik.

LUKAS 16:25

Tehu Abraham nataa nae, ‘Mafandendelek ana ngonei: nai o fai maso'da ma dalek, o hapu basa hata fo malole lala'ena so, tehu Lasarus hapu basa hata ta malole lala'ena. Besak ia namahoko nai ia, ma o doidoso nai naa.

ROMA 13:13

Ita muse tao tatao-nono'i nanakoa-kiok sama leo mandoofai hataholi a tao-no'in nai fai lele'do na; boso tao feta-dote lena neme dae too mai, do mafuk ala-lalu. Boso sosoa-piao, do matu'du ha'da-tatao ha'da tak. Boso mahote, do mape'da dalek neu hataholi.

1 TIMOTIUS 5:6

Tehu inafalu fo ana nau naso'da nai ka'da namahoko-setelee ka dale ka, meten soona, bei naso'da tehu mana mate basak so.

2 TIMOTIUS 3:4

Ala hii ka'da ke'dindiu hataholi, lamatutua-lamadedema ao nala, ma hahae keke'u kala.

2 PETRUS 2:13

Neukose ala sipo sila tatao-nono'i mangalaun ndia buna-boan, fo nde doidosok ma to'a-taa ka. Tatao-nono'ik fo, nandaa no hataholi sila dale na nde, ala tao su'di bee ka nai fai lele'do na, sa'di ala tao latetu sila dale hihii na. Metema langatuuk lakabubua lo emi nai feta-dote soona, hataholi la malua heheo-hihilu nala, nana nasa melu mata-mata kala, tao lalas da'di mana mafu kala.

YUDAS 1:12

Metema hataholi sila la, la'a lakabubua lo emi, nai emi feta perjamuan susue ma dalek soona, la'a no ta pake bibii-mamaek fa nana, hataholi sila la, maa maolok. Ta lafandele hataholi fe'ek so'on. Hataholi sila la, sama leo ko'a u'da ka, fo ani na fuu ninin mai, tehu u'da na ta mai fa. Hataholi sila la boeo, sama leo ai maboa ka, fo oka na nanafe'a henik, boema maten, de losa fai naboa na te, ta naboa fa.

NINITAK 18:7

Fen doidosok ma dale he'dik dede'u na sama no matua-madema ma so'da manadailenak fo nanafek neu aoina na. Nana ana ka'da nafa'da tataas esa neu aoina na nae, ‘Au ia, ina manek fo mana paleta! Au ta inafalu fa; neukose au ta la'ola'di dale he'dik fa!’

SEMUEL SUSULAK-KA ESAN-NA 25:36

Lelek Abigail fali ne'un leo Nabal neu, te se'kona hapu feta matua nai uman, sama leo feta manek-ka. Ma hu kande Nabal mafuk ma namahoko-setelee, de le'odaek ndia, saoinan-na, ta kokolak non hata esa boen, losa balahaa.

SEMUEL SUSULAK-KA ESAN-NA 25:6

soaneu latongo loo Nabal, fo landuku-lalosak Dauk nate'an-na neun. Nadenus, fo leu lafa'da Nabal lae leo ia, “So'da-molek soaneu o, ma soaneu o teidalem-mala, boema soaneu o hata-hetom lala'en-na.