YAKOBIS 5:2 - Susula Malalaok Hehelu Palak Ma Hehelu Beuk

² Emi hata-hetom laboo so. Andae a, na'a heni emi bua lo'am so.

YAKOBIS 5:2 ပူးပေါင်းရင်းမြစ်များ

AYUB 13:28

Boema au da'di sama leo ai po'ok kabook-ka; sama leo anek-ka na'a temak-ka, au da'di leondiak.

MAZMUR 39:11

Ho'i-ma O huhukum-ma neme au mai, nana au hihii mate, nanahu O fefepam-ma.

YESAYA 50:9

Tete'ek-ka, Manetualain Fo Mademaina, nasala'e au, see napalani nafa'da nae, au asala? Basa manakalaak au-a, neukose mopok-kasa sama leo andae-a, na'a tema po'ok-ka.

YESAYA 51:8

Neukose, ala mate-mopo, ma mopok-kasa, sama leo andae-a, na'a temak-ka, ma andae-a, na'a tema bi'ilopo bulu-a. Tehu, Au fe so'da-molek-ka, nahele losa dodoon-na, Au sesenging-nga, la'ok nakandoo, losa bobongik leo bobongik neu.”

YEREMIA 17:11

Nonokabai manupui lu'u tolok fo ndia nuun ta ndia fa, hataholi fo ta manatao ndos-sa fa hapu hata-heton soona, tatao-nono'in leondiak. Ka'da nai fai keke'uanak mesak-kana neukose namopo basa hata-heton-nala. Nai so'dak fai makabuin-na te butin-na nae ndia hataholi fo nggoak nanseli.

HOSEA 5:12

Hu ndia de, neukose Au tao akalulutuk leoina Israel-la, ma Au tao amopo-amate hataholi Yehuda-la.

LUKAS 12:33

Mase'oheni hata-hetom fo fe doi na neu hataholi nuu ta-hata ta ka. Tao ma alukosu doik fo ta bisa nalutu fan, soaneu emi aoina ma, fo nde hata-heto fo nanape'dak nai nusa so'da ka. Hata-heto ndia ta bisa mopo fan, nanahu nakodaa ta hapu ho'i na fan, ma andae-a ta hapu tao nalutu fan.

YAKOBIS 2:2

Nana metema hataholi kamasu'ik esa ana pake ndeli lilo pilas ma bua-lo'a neulauk, ana mai leo emi nakabuam esa, boema hataholi nuu tak esa, ana pake si'da sae, ala mai leo emi nakabuam ndia mai boe,

1 PETRUS 1:4

Ita tamahena, ita hapu baba'e-papalak, fo Manetualain sadia basan soaneu hataholi kamahehele nala, fo nde baba'e-papalak fo Ana pe'dan nai nusa so'da ka, fo ta hapu nalutu fan, do naboo do ana kou-mosa fa.