YAKOBIS 5:13 - Susula Malalaok Hehelu Palak Ma Hehelu Beuk

¹³ Metema nai emi dalek, hapu nggelok susa soona, ela leo bee na ana hule-haladoi. Metema hapu nggelok lamahoko soona, ela leo bee na, ana koa-kio Manetualain.

YAKOBIS 5:13 ပူးပေါင်းရင်းမြစ်များ

1 TAWARIKH 16:9

Makamee kokoa-kikiok ba'eneu Manetualain, tui-benga basa tatao-nono'in lala'en fo dodoo doak kana.

AYUB 33:26

Metema, ana hule-haladoi soona, neukose Manetualain sue-lain, boema neukose ana koa-kio Manetualain, no namahoko-seteleek, ma neukose, Manetualain tao nabebeu so'dan-na.

MAZMUR 105:2

Makamee koa-kio ba'eneu Manetualain, tui-benga basa tatao-nono'in fo dodoo doak-kana.

MAZMUR 118:5

Nai au makase'eng-nga dalek, au aloo bou-bou neu Manetualain; boema nataa, de Ana soi-po'i au.

MAZMUR 18:6

Susa soe mamates-sa, okofefeon-na au so, hihi'i mamates-sala, nanalonak nai au matang-nga.

MAZMUR 50:15

Maloo bou-bou neu Au, nai lelek fai toto'a-tataak-ka, neukose Au soi-po'i emi, ma neukose emi koa-kio Au.”

MAZMUR 91:15

Metema, ana naloo bou-bou neu Au soona, neukose Au ataan. Neukose Au tulu-falin, nai fai toto'a-tatan-na; ma neukose, Au atapo'in, ma Au fen ha'da-holomata.

MAZMUR 95:2

Mai fo, ata teu leo matan-na teu, nenik nakamee makasi, eeki-tatadale ba'eneun, nenik nakamee kokoa-kikiok.

YESAYA 65:14

Te'e-te'e, neukose ala eeki-latadale, tehu emi kii noi-noi.

DANIAL 5:4

Linu-linu ma ala koa-kio lamatua daebafak fo nanataok neme lilopilas, lilofulak, liti, ai ma batu ndia mai.

HOSEA 6:1

Hataholi Israel-la lafa'da lae, “Mai fo ata fali leo Manetualain Manakoasa teu. Ndia nde tao nakahehe'dik ita, tehu neukose, Ndia boeo nde tao nahai ita. Ndia nde tao nahina ita, tehu neukose, Ndia boeo nde puli-namo'do ita bisun-nala.

YUNUS 2:2

“Ou Manetualain, nai au susang-nga dalek, au aloo neu O de O mataa au Au dokodoe tutulu-fafalik neme hataholi manamatek-kala daebafan dale mai, de O mamanene ma O taoafik neu au dokodoeng-nga.

MIKHA 4:5

Basa leoina manai daebafak-ka sene-do'ok ma tunga sila lamatua daebafan-na. Tehu neukose ita tunga Manetualain, fo ita Manetualain-na, fo sene-do'ok-kana losa dodoon-na neu.

MATEOS 26:30

Basa boema lakamee nakamee kokoa-kikiok esa. De basa ndia boema leu leo Pupuku Setun a leu.

LUKAS 22:44

Yesus dale na susa nanseli, nalosa Ana boetai te'e-te'e hule-haladoi. Puse na sama leo daa ka, ana titi leo dae lain neu.

LUKAS 23:42

Boema nafa'da Yesus nae, “Mafandendelek au leona, metema O fali ma'i ma da'dileo Manek!”

1 KORINTUS 14:15

Da'di au muse tao beek? Neukose au tao ka nde ia: neukose au hule-haladoi inik au dula dale nga, tehu au boeo hule-haladoi inik au dudu'a-aafing boe. Neukose au akamee inik au dula dale nga, tehu au boeo nau akamee inik au dudu'a-aafing boe.

1 KORINTUS 14:26

Da'di tolano-tolanoo ngala lemin! Basa sila la sosoa-ndandaan beek? Metema emi makabubua fo sene-do'ok neu Lamatua ka soona, nggelok lakamee, nggelok fe nanolik, nggelok tui-benga hata esa neme Manetualain mai, nggelok kokolak nai dede'a matabeu kala dalek, ma nggelok lafa'da mangalele'do sosoa-ndandaan. Tehu basa sila la muse tao-no'in soaneu lanoli ma soaneu sila basa-basas malole na.

EFESUS 5:19

Pake dede'a-kokolak neme mazmu ra mai, nakamee kokoa-kikiok, ma nakamee salanik nai emi hala-kokola ma dalek. Ela leo bee na, no dale namahokok, emi makamee kokoa-kikiok neu Lamatua ka.

IBRANI 5:7

Nai lelek fo Yesus naso'da neme daebafak ia, Ana hule-haladoi, ma dokodoe no ngganggasik ma kikiik neu Manetualain fo nabe'i soi-tefa nalan neme mamate sa mai. Ma hu ka nde nakatele neu Manetualain no ha'da-holomata henuk neu Manetualain, de Manetualain namanenen.

YAKOBIS 5:10

Tolano-tolanoo ngala lemin! Mafandendelek basa nabi fo mana kokolak pake Lamatua ka na'de na, hataholi sila ta haelai lamanasa fa ma lakatatakak nai doidoso ka dalek. Hu ndia de, ho'i natutu'duk neme hataholi sila so'da na mai.

NINITAK 14:3

Nai kandela mane ka matan ma mahahae kaha kala boema lasi-lasik manai kandela ndia boboa-kaisun, hataholi lifun natun esa hahuluha sila la lakamee nakamee beuk esa. Ta hapu hataholi esa boen nalelak nakameek ndia fa, ka'da hataholi lifun natun esa hahuluha ila la lalela kana. Hataholi sila nanasoi-tefa basak neme basa laun manai daebafa ka lala'ena mai so.

NINITAK 7:10

Boema no hala napane'ek, hataholi sila la lalo lae, “Ita so'da-molen ana mai neme ita Aman Manetualain fo nangatuuk nai kandela manek lain, ma neme Bi'ilopo Ana ndia mai!”