YAKOBIS 5:10 - Susula Malalaok Hehelu Palak Ma Hehelu Beuk

¹⁰ Tolano-tolanoo ngala lemin! Mafandendelek basa nabi fo mana kokolak pake Lamatua ka na'de na, hataholi sila ta haelai lamanasa fa ma lakatatakak nai doidoso ka dalek. Hu ndia de, ho'i natutu'duk neme hataholi sila so'da na mai.

YAKOBIS 5:10 ပူးပေါင်းရင်းမြစ်များ

2TAWARIKH 36:16

Tehu ala lakamiminak Manetualain hataholi nadedenun sila-la, ma ala hika nabi-nabin-nala boema ala ta taoafik neu hala-kokolan fa. Mate'en-na Manetualain namanasa nanseli neus, nalosa ta hapu eno kaluak seluk ba'eneus soaneu latapo'i leme huhuku-dodokin mai.

YESAYA 39:8

Boema manek Hizkia nataa nae, “Manetualain hala hehelun fo, o manduku-malosak-kana neu au-a, malole boe.” Ana nataa nae leondia nanahu, ana dodoo nae, “Sa'di au nusang-nga, nee-nee lino-linok nahele, ma mole-dame, nai lelek au bei aso'da.”

YEREMIA 2:30

Palsuma la'iesak-kana, Au huku emi, nana emi ta nau sipo nanoli-nafa'dak fa. Emi sama leo singa kamulus-sa, de emi taomisa basa emi nabim-mala.

YEREMIA 23:22

Leounik-ka ala bubuluk hata fo nanape'da-fuak a Au dudu'a-aafing dale soona, tao leo beo ala tui bengan neu Au anang-ngala basa hata fo Au afa'dak-ka. Soona neukose Au anang-ngala Tuka Tei-sale dale neme sala-singok ma ha'da palik fo mangalauk-ka.

YEREMIA 26:16

Boema basa malanga manapaletak-kala ma laun-nala lafa'da neu imam-mala ma nabi sila-la lae, “Hataholi ia kokolak pake ita Aman Manetualain na'den-na; de ta nanda huku nisa fan.”

LUKAS 13:34

Yerusalem, Yerusalem! O lau mala taomisa basa nabi la, ma Manetualain hataholi nadedenu nala, tapas minik batu, losa mates. La'i de'u bee so, Au hii holu basa o lau mala, sama leo manu ina nasaluluku ana nala nai li'dan dale, tehu o ta nau fa!

LUKAS 6:23

Nabi-nabi manai lelek makahulun eli la, ala taos leondiak boe. Metema dede'ak ndia ana da'di soona, ela leo bee na emi dale ma namahoko ma foti longe no namahokok, nana ngga'di matua ina, nanasadiak soaneu emi nai nusa so'da ka.

HATAHOLI 3:21

Ana muse leo nai nusa so'da ka, losa Manetualain tao na basa hata lala'ena ala da'di beuk, sama leo Manetualain nafa'da basan, tunga nabi nala ndek makahulun eli.

HATAHOLI 7:52

Ade emi bei ba'ikai mala ta fepa-li'u nabi esa boen do? Ala taolisa Manetualain hataholi nadedenun fo makahulun eli ala tui-benga lae, Manetualain Atan fo ndoos ndia, neukose Ana mai. Ma besak ia emi ta mo kana fa, nakalenak bai emi taomisa Manetualain Atan ndia.

IBRANI 13:7

Boso mafandeleheni emi mauli-malangam fo mana manduku-malosak Manetualain hala hehelu na neu emi a. Taoafik neu, tao leo bee fo sila laso'da, ma tao leo beek fo sila mate, ma tunga sila namahehele nala.

YAKOBIS 4:11

Tolano-tolanoo ngala lemin! Esa boso nakamuu-nakadau esa, ma esa boso fe salak neu esa boen. Hataholi fo nakamuu-nakadau, do ana fe salak neu tolanoon fo duas sama-sama hataholi kamahehelek soona hataholi ndia nakamuu-nakadau ma ana fe salak neu Manetualain hoholo-lalanen nde ndia. Ma metema emi fe salak neu Manetualain hoholo-lalanen soona, ndia sosoa na nae, emi ta tunga hoholo-lalanek sila nde ndia fa te, emi da'di mana maketu-mala'di neu hoholo-lalanek sila la.

YAKOBIS 5:13

Metema nai emi dalek, hapu nggelok susa soona, ela leo bee na ana hule-haladoi. Metema hapu nggelok lamahoko soona, ela leo bee na, ana koa-kio Manetualain.

YAKOBIS 5:7

Hu ndia, tolano-tolanoo ngala lemin! Boso haelai mamanasa losa Lamatua ka fai mamai na. Mete mitak hataholi mana tao tina osi esa, nahani losa dae oen nini fen buna boa kabelik. Ana ta haelai namanasa fa, te nahani nahele u'da oe faa ka ma u'da oe timu a.

YAKOBIS 5:9

Boso beemumu, ma esa boso fe salak neu esa boen, fo ela Manetualain boso huku emi. Mafandendelak! Te mana maketu-mala'di a, fai na deka de, nahehele aon sanga mai ia so.