YAKOBIS 4:17 - Susula Malalaok Hehelu Palak Ma Hehelu Beuk

¹⁷ Hu ndia de, hataholi fo ana bubuluk basa, hata malole bee ka nde, muse ana tao-no'i nana, tehu ana ta tao-no'i fan, soona hataholi ndia nasala-nasingo.

YAKOBIS 4:17 ပူးပေါင်းရင်းမြစ်များ

YOHANIS 13:17

Makanaema emi bubuluk basa dede'ak ia la lala'ena, boema emi tao tungan soona, maua-manalek neu emi.

YOHANIS 15:22

Leo uni ka, Au ta mai fo Au afa'das basa sila la soona, ta lasala-lasingo fa. Tehu besak ia, ala ta hapu ne'ek seluk soaneu sala-singo nala so'on.

YOHANIS 9:41

Boema Yesus nae, “Leo uni ka emi pokek soona, emi ta tao sala-singok fa. Tehu hu ka nde emi mafa'da mae, ‘Ami mita,’ soona dede'ak ndia sosoa na nae, emi hataholi bei masala-masingo kala.”

ROMA 1:32

Ala bubuluk basa, metema tunga Manetualain hoholo-lalanen soona, hataholi manatao tunga nana, muse hukunisan. Leomae leondia boe, ala tao lakandoo; lena-lenak bai, lakatutuluk hataholi la fo ala tao tatao-nono'i mangalauk.

ROMA 7:13

Naa, ade dede'ak ia sosoa na nae, hata malole a nini mamates fe au do? Tao leo beeo ta! Nana sala-singo ka nde nini mamates ndia dei. Sala-singo ka ana pake hata malole a fo nakamate au, fo ela hataholi a bubuluk no mangale'dok ha'da-palii masala-masingo ka. Hataholi a bubuluk sala-singok ndia mangalau na seli, neme Manetualain hoholo-lalanen mai.

2 PETRUS 2:21

Malole lenak hataholi matak leo sila kala, boso lalelak Manetualain eno ndo na, neme lalela kana, tehu neu fai makabuin te, ala ta nau tao tunga paleta fo Manetualain fen neus ala fa.