YAKOBIS 2:6 - Susula Malalaok Hehelu Palak Ma Hehelu Beuk

⁶ Tehu emi sosona, makamumulu-makamamaek hataholi nuu taa kala, te see ko na hataholi kamasu'i kala ala tuni-ndeni emi, ma ala lele'a-loloso emi leo mana maketu-mala'di ka meu!

YAKOBIS 2:6 ပူးပေါင်းရင်းမြစ်များ

AYUB 20:19

Nana ana tuni-ndeni, ma ana taon-na, hataholi nuu-taak-ka natofa-natalak; ana loso-na uma fo, ndia ta nde taon-nana fa.

MAZMUR 10:10

Ana nakabuku fo, naheheleaon sanga kaa; ana tao nabuu hataholi, nenik laka-nakasetik.

MAZMUR 10:14

Tehu O mitan; O taoafik neu toto'a-tataak, ma doidosok-ka, ma O maheheleaom tataas esa, soaneu tulu-fali. Hataholi tapandoes-sa, ana fe aoinan-na neu O, O tulu-fali hataholi nuu ta-hata tak-ka, tataas esa.

MAZMUR 10:2

No koao-ndaeaok, hataholi mangalauk-ka, tuni-ndeni hataholi nuu ta-hata tak-ka; nemen-na fo, sila hihi'in-nala, nala seluk-kasa.

MAZMUR 10:8

Ana keke nai nggolo-nggolok-kala fo ana sanga taonisa, hataholi sala tak-kala. Ana nahani nai makatemak dale, sama leo singa ana maku hataholi tapandoes-sa. Ana natababan-na, hataholi nuu ta-hata tak-ka, nai mamana nees-sala, fo ana ko'bon-na, boema ana lele'a-loloson.

MAZMUR 12:5

fo lafa'da lae, “Ami koasa minik ami maam-ma! Ami hapu mafa'da su'di beek-ka, fo ta hapu hataholi, bisa napanggengge-nala fan!”

MAZMUR 14:6

Hataholi mangalauk-ka, ana nau napanggengge hataholi nuu ta-hata tak-ka, tehu Manetualain da'di manamasulu-mahapa neus.

AMSAL 14:31

See tao malole neu hataholi nuu-taa hata-taak-ka soona, ana fe ha'da-holomata neu ndia Manetualain-na; tehu see tuni-ndeni hataholi tapandoes-sa soona, nakamumulu-nakamamaek Manamakadada'dik-kana.

AMSAL 17:5

See hakinonoli hataholi nuu-taa hata-taak-ka soona, nakamumulu-nakamamaek Manetualain, fo manamakadada'dik-kana. See namahoko-setelee soaneu hataholi ua-nale poke-pake-a soona, tao leo bee-o, ana hapu huhukuk.

AMSAL 18:23

Hataholi nuu-taa hata-taak-ka, ana dokodoe no ha'da-holomata; tehu hataholi kamasu'i-makabetek-ka, nataa no nasapalak.

AMSAL 22:16

See nau da'di kamasu'i-makabetek, nenik ana tuni-ndeni hataholi nuu-taa hata-taak-ka, ma ana fe hataholi manuu-mahataak-ka bua palsen soona, neu mate'en-na te, neukose naleu-nalaak.

AMSAL 22:7

Hataholi kamasu'i-makabetek-ka, ana koasa hataholi nuu-taa hata-taak-ka; hataholi manafe totonak-ka, ana koasa hataholi manatonak-ka.

PENGKHOTBAH 5:8

Nakalenak manek-ka boeo naso'da neme keketu-kokoluk buna-boan mai.

YESAYA 53:3

Ita takadadaek-kana, ma ta deka to fan, hataholi fo henuk no doidosok-ka, ma biasa ana lu'a-lepa he'di-laus. Hataholi esa boen, ta nau mete fan, ma ita boeo, ta nau taoafik neu fan.

AMOS 4:1

Mamanene leon, hai ina Samaria fo boetai laao sama leo sapi maao manai Basan-nala lemin! Emi tuni-ndeni hataholi tapandoes-sala, ese-lumu hataholi nuu-taa hata-taak-kala, ma emi makaseti emi saotoum-mala, fo ala sadia fe emi ala-lalu tataas esa!

AMOS 5:11

Emi tuni-ndeni hataholi nuu-taa hata-taak-ka, ma emi loso-ma sila gandum-ma. Hu ndia de, neukose emi ta leo nai emi uma manaahiim fo emi taom-ma ka dalek fa. Neukose emi ta minu angol fo emi sele nai emi osim-mala dalek fa.

HABAKUK 3:14

O kokou isim-mala tola mauli-malanga solda'du nai lelek ala mai sama leo ani-sangu, fo ala tao tapasasala ami. Ala hika no namahokok sama leo hataholi fo no denge-dengek ala tuni-ndeni hataholi manato'a-taak-ka.

ZAKHARIA 7:10

Boso tuni-ndeni inafalu-la, anamaak-kala, hataholi nusa dea manaleo nai emi nusam dale, do su'di see fo nai susa dalek. Ma boso tutu'u eno mangalauk soaneu emi nonoo hataholim-ma.’

YOHANIS 8:49

Tehu Yesus nae, “Hataholi nitu sa'ek ta Au fa. Au fe ha'da-holomata neu Au Amang, tehu emi makamumuluk-makamamaek Au.

HATAHOLI 13:50

Tehu hataholi Yahudi la dudungu-papau hataholi matua-madema manai kota ndia, hataholi matua-madema fo mana bii neu Manetualai na ina nala. Ala tao musu lo Paulus no Barnabas, de ala usiheni duas leme nusak ndia mai.

HATAHOLI 17:6

Tehu lelek fo ala ta hapu Paulus no Silas fa boema, ala lele'a-loloso Yason ma hataholi kamahehele fe'ek de'ubee leo mana-mana paleta fo mana koasa manai kota ndia matan leu. Ala eki ma lae, “Hataholi ia la tao tasi'bu nai basa mamanak lala'ena! De besak ia ala losa ita kota na so,

HATAHOLI 18:12

Lelek fo Galio da'di gobelnol nai Akhaya boema, hataholi Yahudi la teikesa-dalekesa de ala la'ban Paulus, boema lon leo mana maketu-mala'di kala neu.

HATAHOLI 8:3

Tehu Saulus ka'da ana sanga enok nakandoo, fo ana tao nakalulutuk salani kala. Neme uma esa leo uma esa neu, fo ana lele'a-loloso hataholi kamahehele kala nau inak do touk boe leme uma dale mai, boema ana taos leo bui dale leu.

1 KORINTUS 11:22

Tao le'e de emi tao leondiak? Ade emi uma loom ta do? Emi bisa mi'a ma minu nai uma. Ade fafa'ka ma emi nau makamumulu-makamamaek Manetualain salani nala, ma emi makamamaek hataholi nuu ta kala. Au muse afa'da emi ae le'e bai? Muse au koa-kio emi do? Ta! Neukose au ta koa-kio emi makandondook fa.

YAKOBIS 2:3

soona, emi fe makahuluk ha'da-holomata neu hataholi mana pake bua-lo'a neu lauk ndia mae, “Tuan, mangatuuk muu kandela neulauk ia lain.” Tehu emi mafa'da hataholi nuu tak ndia mae, “Mapadeik muu eli, do mangatuuk muu dae lain.”

YAKOBIS 5:4

Emi ta bae hataholi mana so'ubelak manai emi tina-osi mala, ngga'di nala fa. Besak ia, mamanene hataholi sila dale haladoi na! Basa hataholi mana ketu-kolu emi tina-osim buna boa na, Manetualain fo Mana Koasa, namanene dale haladoi nala so.

YAKOBIS 5:6

Emi huku ma, emi taomisa hataholi sala ta kala, tehu ala ta laban emi fa.