YAKOBIS 2:26 - Susula Malalaok Hehelu Palak Ma Hehelu Beuk

²⁶ Sama na leo ao paa ka. Metema ao paa ka, samanen ta soona, ao paak ndia maten. Leondiak boe, metema namahehele ka ta no tatao-nono'i ka fa soona, namahehelek ndia maten.

YAKOBIS 2:26 ပူးပေါင်းရင်းမြစ်များ

MAZMUR 104:29

Metema O lepos masadea soona, ala bii; metema O ho'i falik ani hahaen-na soona, ala mopo-mate fo ala da'di falik dae, sama leo makasososan-na.

MAZMUR 146:4

Metema, mates soona, ala fali leo dae-a leu; faik ndia boe, sila dale tutun-nala mopok-kana.

PENGKHOTBAH 12:7

Neukose ita aopaan-na ana fali, fo ana da'di afu nai daebafak-ka. Neukose ita ani hahaen-na, ana fali leo Manetualain neu. Ndia nde manafe-ka, fo da'di leo baba'e-babatik.

YESAYA 2:22

Da'di, boso mamahena neu hataholi daebafak fo, manasapu-manalalok-ka, nana ndia belin ta.

LUKAS 23:46

Boema Yesus nggasi napane'e nae, “Ama! Au fe Au ao paa samaneng leo O limam dale neu!” Ana kokolak basa nae leondia boema maten.

GALATIA 5:6

Hu ka nde, metema ita da'di esa too Kristus soona, tunga do ta tunga suna ta fa o, ta hata-hata fa. Fo paluu nanseli a, nde ka'da tamahele Kristus, fo dede'ak ndia, nananitak nai ita susue-lalain neu hataholi fe'e ka.

YAKOBIS 2:14

Tolano-tolanoo ngala lemin! Sosoak hata, hataholi a kokolak nae, “Au hataholi kamahehelek”, tehu ta natu'dun nai tatao-nono'in dalek fa? Ade no namahehele matak leondia ka, hataholi ndia hapu so'dak do?

YAKOBIS 2:17

Leondiak boe namahehele ka. Metema namahehelek ndia, ta natu'dun nai tatao-nono'in dalek fa soona, namahehelek ndia sosoa-ndandaan ta.

YAKOBIS 2:20

Emi nggoa ma seli! Ade paluu natu'du fe emi buti, la'eneu namahehele ka ta no tatao-nono'i ka fa soona, sosoa-ndandaan ta do?