YAKOBIS 2:20 - Susula Malalaok Hehelu Palak Ma Hehelu Beuk

²⁰ Emi nggoa ma seli! Ade paluu natu'du fe emi buti, la'eneu namahehele ka ta no tatao-nono'i ka fa soona, sosoa-ndandaan ta do?

YAKOBIS 2:20 ပူးပေါင်းရင်းမြစ်များ

AMSAL 12:11

Hataholi manatao tina-osi, fo naue-nale'di puselaipana, nanuu nana'ak makadotok; tehu hataholi fo nabasa le'do-fain, soaneu dede'a manada'di tak-ka nde been-na, hataholi nggoak,

YEREMIA 2:5

Manetualain nafa'da nae, “O bei-ba'i kaim-mala, hapu sala beek nai Au-a, nalosa ala ke'di-ndiu Au? Ala usi ka'da sosongo-tatangok eli taak-ka de mate'en-na, lakadadaek seluk aoinan-nala.

ROMA 1:21

Hataholi daebafa ka nalelak Manetualain, tehu hataholi daebafa ka ta nau fe ha'da-holomata neu fan, da'dileo Manetualain, ma ala ta nau loke makasi neu fan. Te hataholi daebafa ka dudu'a-dodoo ka'da dede'a manda'di ta kala; nana dale nala makahatuk so.

ROMA 3:28

Nana dede'a ka isi na nae leoia: Hataholi fo nananafa'dak ana malole falik no Manetualain, ta hu ka nde ana tao natetu hata fo nanasulak nai agama Yahudi hoholo-lalanen dale fa, te hu ka nde namahele Yesus Kristus.

ROMA 9:20

Tehu tolano-tolanoo ngala lemin! Tolanoo kala hataholi daebafak mesan. De tolanoo kala ta bole male'a mo Manetualain fa! Ade pot bunga bole natane hataholi manatao pot bunga ndia nae, “Tao le'e de, o tao ma au da'di tao leoiak?”

GALATIA 5:6

Hu ka nde, metema ita da'di esa too Kristus soona, tunga do ta tunga suna ta fa o, ta hata-hata fa. Fo paluu nanseli a, nde ka'da tamahele Kristus, fo dede'ak ndia, nananitak nai ita susue-lalain neu hataholi fe'e ka.

GALATIA 6:3

Metema hataholi esa naedaenga ndia hataholi nananita-nalelak, te see ko na ta, soona hataholi ndia nasapepeko seluk ao ina na.

KOLOSE 2:8

Ela leo bee na emi manea matalolole, fo daenga hataholi boso fufu'di-oodok nala emi, ninik hataholi daebafa ka malela sosoa-ndandaa ta nala, fo nini ka'da momopo-mamates. Manatee tenok sila la, ala ta mai leme Kristus mai fa, te leme ka'da hataholi daebafa ka hahapu na ma leme dula dalek fo mana koasa daebafa ka no lalai a mai.

1 TIMOTIUS 1:6

Hapu hataholi nggelok, ta laso'da leondiak so'on, ma mopos lai nale'a-napili sosoa-ndandaa ta ka dalek.

TITUS 1:10

Nana hapu hataholi ba'u ka, ala nau ka'da lena-la'ban nanoli ndo sa, lena-lenak hataholi Yahudi mana masok beu kala; ala ke'dindiu hataholi fe'ek, ninik sila kokola bafa lou nala.

YAKOBIS 1:26

Metema hataholi esa, ana dodoo nana, ndia hataholi mana tunga agama hoholo-lalanen, tehu ta nanea na maa na fa soona, ana ke'dindiu seluk ao ina na nde ndia; soona palsuma la'i esa kana, namahele neu Lamatua ka.

YAKOBIS 2:17

Leondiak boe namahehele ka. Metema namahehelek ndia, ta natu'dun nai tatao-nono'in dalek fa soona, namahehelek ndia sosoa-ndandaan ta.

YAKOBIS 2:26

Sama na leo ao paa ka. Metema ao paa ka, samanen ta soona, ao paak ndia maten. Leondiak boe, metema namahehele ka ta no tatao-nono'i ka fa soona, namahehelek ndia maten.